प्रकाशितवाक्य 13:5 - काँगड़ी

⁵ बड़ियां-बड़ियां गल्लां कने निंदा करणे तांई तिसियो इक्क मुँ दित्ता, कने तिसियो बत्ताल़ी मीहने तिकर कम्म करणे दा हक्क दित्ता।

प्रकाशितवाक्य 13:5 Iomraidhean Croise

2 थिस्सलुनीकियों 2:3

कुसी भी तरीके नैं कुसी दे धोखे च नीं औणां, क्जोकि सैह़ दिन ताह़लू तिकर नीं ओंगा, जाह़लू तिकर लोक परमात्मे दे खलाफ बगाबत नीं करगे, कने ताह़लू दुष्ट माणु सामणै ओंगा, कने परमात्मा जरूर तिसियो नरके दिया अग्गी च नास करगा।

2 थिस्सलुनीकियों 2:4

सैह़ परमात्मे दा कने तिन्हां सारियां चीज्जां दा बरोध करगा जिन्हां दी लोक अराधना करदे हन, कने सैह़ एह़ दावा करदा ऐ कि सैह़ तिन्हां सारेयां ते खास ऐ। ऐत्थु तिकर कि सैह़ दुष्ट माणु परमात्मे दे मंदरे च बेई नैं अपणे आप्पे जो परमात्मा दस्सदा ऐ।

2 थिस्सलुनीकियों 2:8

ताह़लू सैह़ दुष्ट माणुये सामणै ओंगा, जिसियो प्रभु यीशु अपणे इक्की हुक्मे नैं मारी दिंगा, कने अपणे ओणे दे तेजे नैं भस्म करगा।

प्रकाशितवाक्य 11:7

जाह़लू सैह़ अपणी गवाही देई बैंगे, तां सैह़ जंगली जानवर जेह्ड़ा अथाह कुंडे ते बाहर निकल़गा, तिन्हां नैं लड़ाई करी नैं तिन्हां जो जीत्ती लैंगा कने तिन्हां जो मारी दिंगा।

प्रकाशितवाक्य 12:14

अपर तिसा जणासा जो बड्डे उकाबे दे दो पंख दित्ते गै, कि अजगरे दे सामणै ते उढ़ी करी सुनसाण जगाह च पुज्जी जां, जित्थु तिसा दी इक्क बग्त कने बग्तां कने अधे बग्ते तिकर देखभाल कने पालण-पोसण कित्ता जां।

प्रकाशितवाक्य 12:6

कने सैह़ जणांस सुनसाण जगाह जो नठ्ठी गेई जित्थु परमात्मे दे पास्से ते तिसा तांई इक्क जगाह त्यार कित्तियो थी कि औत्थू सैह़ इक्क हज़ार दो सौ सठ दिनां तिकर तिसा दी देखभाल कने पालण-पोसण कित्ता जां।

प्रकाशितवाक्य 13:7

तिसियो एह़ भी हक्क दित्ता कि परमात्मे दे लोकां सौगी लड़ें कने तिन्हां जो जीत्ती सकैं, कने तिसियो हर इक्क गोत्र, हर लोकां, भासा कने जाति पर हक्क दित्ता।