प्रकाशितवाक्य 13:4 - काँगड़ी

⁴ कने तिन्हां लोकां अजगरे दी पूजा कित्ती, क्जोकि तिन्हीं तिस जंगली जानवरे जो अपणा हक्क देई दित्या था, कने एह़ ग्लाई करी जंगली जानवरे दी अराधना कित्ती, “इस जंगली जानवरे साइआं कुण ऐ? कुण इस नैं लड़ी सकदा ऐ?”

प्रकाशितवाक्य 13:4 Iomraidhean Croise

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

2 थिस्सलुनीकियों 2:4

सैह़ परमात्मे दा कने तिन्हां सारियां चीज्जां दा बरोध करगा जिन्हां दी लोक अराधना करदे हन, कने सैह़ एह़ दावा करदा ऐ कि सैह़ तिन्हां सारेयां ते खास ऐ। ऐत्थु तिकर कि सैह़ दुष्ट माणु परमात्मे दे मंदरे च बेई नैं अपणे आप्पे जो परमात्मा दस्सदा ऐ।

प्रकाशितवाक्य 12:3

तिसी बग्त अम्बरे च इक्क होर अनोखा नसाण दिख्या; तित्थु इक्क बड्डा लाल अजगर था, जिसदे सत सिर कने दस सींग थे, कने तिसदे सत्तां सिरां पर राजेयां दे मुकट थे।

प्रकाशितवाक्य 12:4

तिसदी पूंछा अम्बरे दे तारेयां दा त्रीआ हिस्से जो खींजी करी धरतिया पर सट्टी दित्ता। सैह़ अजगर तिसा जणासा सामणै जेह्ड़ी गर्भवती थी, खड़ोई गेआ कि जाह़लू सैह़ बच्चा जम्मगी तां तिसादे बच्चे जो निगल़ी जां।

प्रकाशितवाक्य 13:11

भिरी मैं इक्क होर जंगली जानवरे जो धरतिया ते निकल़दे दिख्या, तिसदे दो सींग मेम्ने साइआं थे, कने सैह़ अजगरे साइआं ग्लांदा था।

प्रकाशितवाक्य 13:15

तिसियो तिस पैहल्ले जंगली जानवरे दिया मूर्तिया जो जिन्दा करणे दा हक्क दित्ता कि मूर्ति ग्लाणा लग्गे, कने जितणे लोक तिस पैहल्ले जंगली जानवरे दिया मूर्ति दी अराधना नीं करन, तिन्हां जो मरवाई दैं।

प्रकाशितवाक्य 13:2

जेह्ड़ा जंगली जानवर मैं दिख्या सैह़ चीते साइआं था; कने तिसदे पैर भालूये साइआं, कने मुँ शेरे साइआं था। तिन्हीं अजगरैं अपणी सामर्थ कने अपणा सिंहासण, कने बड्डा हक्क, तिसियो देई दित्ता।

प्रकाशितवाक्य 17:14

“सैह़ मेम्ने सौगी लड़गे, कने मेम्ना तिन्हां जो जीत्ती लैंगा, क्जोकि सैह़ प्रभुआं दा प्रभु कने राजेयां दा राजा ऐ, कने जेह्ड़े सद्देयो कने चुणेयो कने बसुआसी हन सैह़ तिस सौगी हन; सैह़ भी जीत्ती लैंगे।”

प्रकाशितवाक्य 18:18

कने तिसादे फकौणे दे धूयें जो दिक्खी नैं डड्डी करी ग्लांगे, ‘कुण देहया सैहर इस बड्डे सैहरे साइआं ऐ?’

प्रकाशितवाक्य 9:20

बाक्कि माणुआं जेह्ड़े तिन्हां खतरेयां ते नीं मरेयो थे, अपणे हत्थां दे कम्मां ते मन नीं बदलेया, कि दुष्टआत्मां दी, सोन्ने, चाँदी, पित्तल़, पत्थर कने लकड़ी दियां मूर्तियां दी अराधना नीं करन, जेह्ड़ियां ना तां दिक्खदियां, ना सुणदियां, ना चली सकदियां हन;