प्रकाशितवाक्य 13:3 - काँगड़ी

³ मैं तिसदे सत्तां सिरां ते इक्की पर देहया बड्डा जख्म दिख्या जिंआं कि सैह़ मरने दिया हालता च ऐ, भिरी तिसदा जान्नलेवा जख्म खरा होईया, कने सारे संसारे दे लोक हरान होई करी तिस जंगली जानवरे पचांह़-पचांह़ चल्ले।

प्रकाशितवाक्य 13:3 Iomraidhean Croise

लूका 2:1

एह़ तिस बग्त दी घटनां ऐ, जाह़लू राजैं औगुस्तुस कैसरें एह़ हुक्म दित्ता कि सारे रोमी सम्राज्य दे लोकां दी गिणती करी नैं तिन्हां दे नां लिखे जान।

यूहन्ना 12:19

ताह़लू फरीसी माणु अप्पु च ग्लाणा लग्गे, “दिक्खा, तुहां लोक कुच्छ नीं करी सकदे हन; सुणा, सारा संसार तिस पचांह़ चली पेआ ऐ।”

प्रेरितां दे कम्म 8:13

ताह़लू शमौने अप्पु भी बसुआस कित्ता कने बपतिस्मा लेई करी फिलिप्पुसे सौगी रैहणा लग्गा। सैह़ चमत्कार कने बड़े-बड़े सामर्थी दे कम्मां हुंदेया दिक्खी करी हरान हुंदा था।

प्रकाशितवाक्य 13:12

एह़ जंगली जानवर पैहल्ले जंगली जानवरे दे सारे हक्कां दा इस्तेमाल करदा था; कने धरती कने तिसा पर रैहणे आल़े लोकां ते तिस पैहल्ले जंगली जानवरे दी, जिसदा जान्नलेवा जख्म खरा होईया था, अराधना करांदा था।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 17:10

सैह़ सत राजे भी हन, पंज तां मरी चुकेयो हन, कने तिन्हां च इक्क अह्ल्ली भी राजा ऐ, कने आखरी आल़ा अह्ल्ली तिकर बापस आया नीं, अपर जाह़लू सैह़ ओंगा तां सैह़ थोड़े बग्त तिकर ई राज्ज करगा।

प्रकाशितवाक्य 17:11

जेह्ड़ा जंगली जानवर पैहल्ले था, कने हुण नीं ऐ, सैह़ अप्पु अठमा ऐ कने तिन्हां सत्तां च पैदा होएया, कने विनाशे च पोंगा।

प्रकाशितवाक्य 17:13

एह़ सब इक्क मन हुंगे, कने सैह़ अपणी सामर्थ कने राज्ज तिस जंगली जानवरे जो दिंगे।

प्रकाशितवाक्य 17:17

क्जोकि परमात्मा तिन्हां दे मने च एह़ पांगा कि सैह़ तिसा दिया इच्छा पूरी करन, कने जाह़लू तिकर परमात्मे दा वचन पूरा नीं होई लैं ताह़लू तिकर इक्क मन होई करी अपणा-अपणा राज्ज तिस जंगली जानवरे जो देई दैन।

प्रकाशितवाक्य 17:6

मैं तिसा जणासा जो परमात्मे दे लोकां दा खून कने यीशुये दे गवाहां दा खून पीणे ते मतवाल़ी दिख्या; तिसा जो दिक्खी करी मैं हरान होई गेआ।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।