प्रकाशितवाक्य 13:10 - काँगड़ी

¹⁰ जिसदे हिस्से च कैद लिखियो ऐ, सैह़ जेला च जांगा; जेह्ड़ा तलवारा नैं मारगा, जरूरी ऐ कि सैह़ तलवारा नैं मारेया जांगा। परमात्मे दे लोकां दा सबर कने बसुआस इसी च ऐ।

प्रकाशितवाक्य 13:10 Iomraidhean Croise

मत्ती 26:52

ताह़लू यीशुयैं तिस नैं ग्लाया, “अपणिया तलवारा म्याना च रख क्जोकि जेह्ड़े तलवारा जो चलांदे हन सैह़ तलवारा नैं खत्म कित्ते जांगे।

मत्ती 7:2

क्जोकि जिंआं तुहां दोस लगांदे हन, तिंआं ई परमात्मा तुहां पर भी दोस लगांगा। कने जिंआं बर्ताब तुहां दूयेयां नैं करदे हन, तिंआं ई परमात्मा तुहां नैं भी करगा।

लूका 21:19

अपणे सबरे नैं तुहां अपणे प्राणा जो बचाई रखगे।

कुलुस्सियों 1:11

तां मैं प्रार्थना करदा ऐ, कि परमात्मा अपणी महिमा दी सामर्थी दा इस्तेमाल करी नैं तुहां जो मजबूत करैं। इसतांई तुहां बड़े हौंसले कने खुसिया सौगी अपणियां मुसीबतां जो झेली सकन।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 11:18

जेह्ड़े लोक तिज्जो पर बसुआस नीं करदे तिन्हां बड़ा गुस्सा कित्ता, कने हुण तिन्हां पर गुस्सा करणे दा बग्त आई रेह्आ ऐ, कने सैह़ बग्त भी आई रेह्आ ऐ कि मरेयां दा न्याय कित्ता जां, हुण एह़ भी बग्त ऐ कि तेरे दास भविष्यवक्तां कने पवित्र लोकां जो कने तिन्हां छोटे-बड्डेयां जो जेह्ड़े तेरे नांऐ ते डरदे हन बदला दित्ता जां, कने धरतिया दे बिगाड़णे आल़े नास कित्ते जान।”

प्रकाशितवाक्य 14:12

परमात्मे दे लोकां दा सबर इसी च ऐ, जेह्ड़े परमात्मे दे हुक्मां जो मनदे कने यीशु पर बसुआस रखदे हन।

प्रकाशितवाक्य 16:6

क्जोकि तिन्हां परमात्मे दे लोकां कने भविष्यवक्तां दा खून बहाया था, कने तैंईं तिन्हां जो खून पिलाया; क्जोकि सैह़ इसी जोग्गे हन।”

प्रकाशितवाक्य 17:11

जेह्ड़ा जंगली जानवर पैहल्ले था, कने हुण नीं ऐ, सैह़ अप्पु अठमा ऐ कने तिन्हां सत्तां च पैदा होएया, कने विनाशे च पोंगा।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 2:19

मैं तेरे कम्मां, प्यार, बसुआस, सेवा कने सबरे जो जाणदा ऐ, कने एह़ भी कि तेरे पिछले कम्म पैहल्लेयां कम्मां ते बधी करी हन।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।

प्रकाशितवाक्य 3:10

तैं दुखां च भी सबर रखी नैं मेरे वचनां दा पालण कित्ता ऐ, इसतांई मैं तिज्जो परीक्षा दे तिस बग्त बचाई रखगा, मैं भी तिस बग्त इस संसारे दे सारे लोकां जो परखणे तांई ओंगा।

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।