प्रकाशितवाक्य 13:1 - काँगड़ी

¹ ताह़लू मैं इक्की जंगली जानवरे जो समुंदरे ते निकल़दे दिख्या, जिसदे दस सींग कने सत सिर थे। तिसदे सींगा पर दस मुकट कने तिसदे हर सिरे पर परमात्मे दिया निंदा दे सब्द लिख्यो थे।

प्रकाशितवाक्य 13:1 Iomraidhean Croise

प्रकाशितवाक्य 11:7

जाह़लू सैह़ अपणी गवाही देई बैंगे, तां सैह़ जंगली जानवर जेह्ड़ा अथाह कुंडे ते बाहर निकल़गा, तिन्हां नैं लड़ाई करी नैं तिन्हां जो जीत्ती लैंगा कने तिन्हां जो मारी दिंगा।

प्रकाशितवाक्य 12:3

तिसी बग्त अम्बरे च इक्क होर अनोखा नसाण दिख्या; तित्थु इक्क बड्डा लाल अजगर था, जिसदे सत सिर कने दस सींग थे, कने तिसदे सत्तां सिरां पर राजेयां दे मुकट थे।

प्रकाशितवाक्य 13:11

भिरी मैं इक्क होर जंगली जानवरे जो धरतिया ते निकल़दे दिख्या, तिसदे दो सींग मेम्ने साइआं थे, कने सैह़ अजगरे साइआं ग्लांदा था।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:15

तिसियो तिस पैहल्ले जंगली जानवरे दिया मूर्तिया जो जिन्दा करणे दा हक्क दित्ता कि मूर्ति ग्लाणा लग्गे, कने जितणे लोक तिस पैहल्ले जंगली जानवरे दिया मूर्ति दी अराधना नीं करन, तिन्हां जो मरवाई दैं।

प्रकाशितवाक्य 15:2

ताह़लू मैं अग्गी नैं मिल्लेयो सीशे साइआं इक्क समुंदर दिख्या, कने जिन्हां लोकां तिस पैहल्ले जंगली जानवरे जो कने मूर्तिया जो कने तिसदे नांऐ दियां संख्या जो जीत्त लेआ था, तिन्हां जो तिस सीशे दे समुंदरे बक्खे परमात्मे दियां बीणां जो लेई नैं खड़ोत्यो दिख्या।

प्रकाशितवाक्य 16:13

भिरी मैं तिस अजगरे दे मुँऐ ते, कने तिस पैहल्ले जानवरे दे मुँऐ ते, कने तिस झूठे भविष्यवक्ता दे मुँऐ ते तीन दुष्टआत्मां जो मेंढकां दे रूपे च निकल़दे दिख्या।

प्रकाशितवाक्य 17:16

जेह्ड़े दस सींग तू दिख्यो, सैह़ कने जंगली जानवर तिसा वैश्या सौगी बैर रखगे, कने तिसा जो बेबस कने नंगी करी दिंगे, कने तिसादा मांस खाई जांगे, कने तिसा जो अग्गी च फुकी दिंगे।

प्रकाशितवाक्य 17:3

ताह़लू सैह़ मिन्जो पवित्र आत्मा च सुनसाण जगाह जो लेई गेआ, तित्थु मैं लाले रंगे दे जंगली जानवरे पर इक्की जणासा जो बैठेया दिख्या, जेह्ड़ा निंदा दे सब्दां नैं भरोया था कने जिसदे सत सिर कने दस सींग थे।

प्रकाशितवाक्य 17:5

तिसादे मत्थे पर इक्क नां, इक्क भेत लिख्या था, “बड्डा बेबीलोन सैहर धरतिया पर वैश्यां कने घृणित चीज्जां दी माँ।”

प्रकाशितवाक्य 19:19

भिरी मैं तिस जंगली जानवरे कने धरतिया दे राजेयां कने तिन्हां दी सेना जो तिस घोड़े दे सवारे कने तिसदिया सेना सौगी लड़णे तांई किठ्ठे दिख्या।