Biblia Todo Logo
Bìoball air-loidhne

- Sanasan -




प्रकाशितवाक्य 12:4 - काँगड़ी

4 तिसदी पूंछा अम्बरे दे तारेयां दा त्रीआ हिस्से जो खींजी करी धरतिया पर सट्टी दित्ता। सैह़ अजगर तिसा जणासा सामणै जेह्ड़ी गर्भवती थी, खड़ोई गेआ कि जाह़लू सैह़ बच्चा जम्मगी तां तिसादे बच्चे जो निगल़ी जां।

Faic an caibideil Dèan lethbhreac




प्रकाशितवाक्य 12:4
22 Iomraidhean Croise  

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।


हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।


भिरी सुअर्गे च लड़ाई होई, मीकाईल कने तिसदे सुअर्गदूत अजगरे नैं लड़णा गै; कने अजगर कने तिसदे दूत लड़ी पै,


ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,


जेह्ड़ा जंगली जानवर मैं दिख्या सैह़ चीते साइआं था; कने तिसदे पैर भालूये साइआं, कने मुँ शेरे साइआं था। तिन्हीं अजगरैं अपणी सामर्थ कने अपणा सिंहासण, कने बड्डा हक्क, तिसियो देई दित्ता।


कने तिन्हां लोकां अजगरे दी पूजा कित्ती, क्जोकि तिन्हीं तिस जंगली जानवरे जो अपणा हक्क देई दित्या था, कने एह़ ग्लाई करी जंगली जानवरे दी अराधना कित्ती, “इस जंगली जानवरे साइआं कुण ऐ? कुण इस नैं लड़ी सकदा ऐ?”


भिरी मैं तिस अजगरे दे मुँऐ ते, कने तिस पैहल्ले जानवरे दे मुँऐ ते, कने तिस झूठे भविष्यवक्ता दे मुँऐ ते तीन दुष्टआत्मां जो मेंढकां दे रूपे च निकल़दे दिख्या।


सैह़ जणांस, जिसा जो तैं दिख्या ऐ, सैह़ बड्डा सैहर ऐ जेह्ड़ा धरतिया दे राजेयां पर राज करदा ऐ।


तिन्हीं तिस अजगरे, मतलब पराणे सर्पे जो, जेह्ड़ा सैतान ऐ, पकड़ी करी हज़ारां साल्लां तांई बन्नी दित्ता,


त्रीयें सुअर्गदूतैं तुरही बजाई, कने इक्क बड्डा तारा जेह्ड़ा मशाला साइआं जल़दा था सुअर्गे ते टूटेया, जिसदिया बज़ाह ते सैह़ नदियां दे त्रीये हिस्से पर कने पांणिये दे झरने पर आई पेआ।


तिस तारे दा नां नागदौना ऐ। कने पांणिये दा त्रीआ हिस्सा नागदौने साइआं कौड़ा होई गेआ, कने बड़े माणु तिस पाणी दे कौड़े होई जाणे ते मरी गै।


चौथे सुअर्गदूतैं तुरही बजाई, कने सूरजे दा त्रीआ हिस्सा, कने चन्द्रमे दा त्रीआ हिस्सा कने तारेयां दे त्रीये हिस्से पर मुसीबत आई, जिसदिया बज़ाह ते तिन्हां त्रीआ हिस्सा नेहरा होई गेआ कने दिने दा त्रीआ हिस्सा परगड़ा नीं रेह्आ, कने तिंआं ई राती भी।


पैहल्ले सुअर्गदूतैं तुरही बजाई, कने तिसी बग्त आणी दी बरखा कने खूने नैं मिल्लेयो अंगारे धरतिया पर पै; इसा बज़ाह ते धरतिया दा त्रीआ हिस्सा फकौई गेआ, कने रूखां दा भी त्रीआ हिस्सा फकौई गेआ, कने सारा सैला घाह भी जल़ी गेआ।


दूये सुअर्गदूतैं तुरही बजाई, तां मन्ना अग्गी नैं जल़दा इक्क बड्डा प्हाड़ समुंदरे च पेई गेआ; इसा बज़ाह ते समुंदरे दा त्रीआ हिस्सा खून बणी गेआ,


कने समुंदरे दे त्रीये हिस्से दे सारे जन्तु मरी गै कने त्रीये हिस्से दे जाह्ज नास होई गै।


तिन्हां दी पूंछ डंग्गुआं दे डंगे साइआं थी, कने तिन्हां जो पंज मीहने तिकर माणुआं जो दुख दैणे दी सामर्थ मिलियो थी, सैह़ तिन्हां दिया पूंछा च थी।


क्जोकि तिन्हां घोड़ेयां दी ताकत तिन्हां दे मुँऐ कने तिन्हां दियां पूंछा च थी; इसतांई कि तिन्हां दियां पूंछा सर्पां साइआं थियां, कने तिन्हां पूंछा दे सिर भी थे कने जिन्हां दे जरिये दर्द दिंदे थे।


Lean sinn:

Sanasan


Sanasan