प्रकाशितवाक्य 12:3 - काँगड़ी

³ तिसी बग्त अम्बरे च इक्क होर अनोखा नसाण दिख्या; तित्थु इक्क बड्डा लाल अजगर था, जिसदे सत सिर कने दस सींग थे, कने तिसदे सत्तां सिरां पर राजेयां दे मुकट थे।

प्रकाशितवाक्य 12:3 Iomraidhean Croise

प्रकाशितवाक्य 12:1

भिरी ताह़लू सुअर्गे च इक्क बड़ा अनोखा नसाण दुस्सेया, मतलब इक्की जणासा जिन्नै सूरज उढेया था, कने चन्द्रमा तिसादे पैरां थल्लैं था, कने तिसादे सिरे पर बारांह तारेयां दा मुकट था;

प्रकाशितवाक्य 12:13

जाह़लू अजगरैं दिख्या कि मिन्जो धरतिया पर सट्टी दित्या, तां तिसा जणासा जो जिन्नै जागत जम्मेया था, तिसायो सताणा लग्गा।

प्रकाशितवाक्य 12:17

ताह़लू अजगर जणासा पर गुस्सा होएया, कने तिसा दी बाक्कि औलादी नैं, जेह्ड़ी परमात्मे दे हुक्मां जो मनदे कने यीशु दी गवाही दैणे पर मजबूत हन, लड़णा गेआ,

प्रकाशितवाक्य 12:4

तिसदी पूंछा अम्बरे दे तारेयां दा त्रीआ हिस्से जो खींजी करी धरतिया पर सट्टी दित्ता। सैह़ अजगर तिसा जणासा सामणै जेह्ड़ी गर्भवती थी, खड़ोई गेआ कि जाह़लू सैह़ बच्चा जम्मगी तां तिसादे बच्चे जो निगल़ी जां।

प्रकाशितवाक्य 12:7

भिरी सुअर्गे च लड़ाई होई, मीकाईल कने तिसदे सुअर्गदूत अजगरे नैं लड़णा गै; कने अजगर कने तिसदे दूत लड़ी पै,

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 13:1

ताह़लू मैं इक्की जंगली जानवरे जो समुंदरे ते निकल़दे दिख्या, जिसदे दस सींग कने सत सिर थे। तिसदे सींगा पर दस मुकट कने तिसदे हर सिरे पर परमात्मे दिया निंदा दे सब्द लिख्यो थे।

प्रकाशितवाक्य 13:2

जेह्ड़ा जंगली जानवर मैं दिख्या सैह़ चीते साइआं था; कने तिसदे पैर भालूये साइआं, कने मुँ शेरे साइआं था। तिन्हीं अजगरैं अपणी सामर्थ कने अपणा सिंहासण, कने बड्डा हक्क, तिसियो देई दित्ता।

प्रकाशितवाक्य 13:4

कने तिन्हां लोकां अजगरे दी पूजा कित्ती, क्जोकि तिन्हीं तिस जंगली जानवरे जो अपणा हक्क देई दित्या था, कने एह़ ग्लाई करी जंगली जानवरे दी अराधना कित्ती, “इस जंगली जानवरे साइआं कुण ऐ? कुण इस नैं लड़ी सकदा ऐ?”

प्रकाशितवाक्य 15:1

इसते बाद भिरी मैं सुअर्गे च इक्क होर बड्डा कने अनोखा नसाण दिख्या, मतलब सत सुअर्गदूत जिन्हां अल्ल सत आखरी खतरे थे क्जोकि तिन्हां दे पूरे होई जाणे पर परमात्मे दे गुस्से दा अन्त ऐ।

प्रकाशितवाक्य 16:13

भिरी मैं तिस अजगरे दे मुँऐ ते, कने तिस पैहल्ले जानवरे दे मुँऐ ते, कने तिस झूठे भविष्यवक्ता दे मुँऐ ते तीन दुष्टआत्मां जो मेंढकां दे रूपे च निकल़दे दिख्या।

प्रकाशितवाक्य 17:12

जेह्ड़े दस सींग तैं दिक्खे सैह़ दस राजे हन जिन्हां जो अह्ल्ली तिकर राज्ज नीं मिल्ला, अपर तिस जंगली जानवरे सौगी कुच्छ बग्ते तांई राजेयां साइआं राज्ज करगे।

प्रकाशितवाक्य 17:16

जेह्ड़े दस सींग तू दिख्यो, सैह़ कने जंगली जानवर तिसा वैश्या सौगी बैर रखगे, कने तिसा जो बेबस कने नंगी करी दिंगे, कने तिसादा मांस खाई जांगे, कने तिसा जो अग्गी च फुकी दिंगे।

प्रकाशितवाक्य 17:7

ताह़लू सुअर्गदूतैं मिन्जो नैं ग्लाया, “तू क्जो हरान होएया? मैं इसा जणासा कने तिस जंगली जानवरे दा, जिस पर सैह़ सवार ऐ कने जिसदे सत सिर कने दस सींग हन, तिज्जो भेत दस्सदा।

प्रकाशितवाक्य 19:12

तिसदियां अखीं अग्गी साइआं हन, कने तिसदे सिरे पर मते सारे मुकट हन। तिस पर इक्क नां लिख्या ऐ, जिसियो तिसियो छड्डी होर कोई नीं जाणदा।

प्रकाशितवाक्य 20:2

तिन्हीं तिस अजगरे, मतलब पराणे सर्पे जो, जेह्ड़ा सैतान ऐ, पकड़ी करी हज़ारां साल्लां तांई बन्नी दित्ता,