प्रकाशितवाक्य 12:1 - काँगड़ी

¹ भिरी ताह़लू सुअर्गे च इक्क बड़ा अनोखा नसाण दुस्सेया, मतलब इक्की जणासा जिन्नै सूरज उढेया था, कने चन्द्रमा तिसादे पैरां थल्लैं था, कने तिसादे सिरे पर बारांह तारेयां दा मुकट था;

प्रकाशितवाक्य 12:1 Iomraidhean Croise

मत्ती 12:38

इसा गल्ला पर कुच्छ सास्त्री कने फरीसी माणुआं तिस नैं ग्लाया, “हे गुरू अहां तिज्जो ते इक्क नसाण दिक्खणा चांह़दे हन।”

मत्ती 24:30

ताह़लू माणु दे पुत्तरे दा नसाण अम्बरे च दुस्सगा, कने ताह़लू धरती दे सारे कुल़ां दे माणु छाती पीटगे; कने माणु दे पुत्तर जो बड्डी सामर्था कने महिमा सौगी अम्बरे बिच्च बदल़ां पर ओंदे दिक्खगे।

मरकुस 13:25

कने अम्बरे ते तारे टिरणा लग्गी पोंगे; कने अम्बरे दियां सक्तियां हिलाईयां जांगियां।

लूका 21:11

कने बड्डे-बड्डे हिल्लण हुंगे, कने जगाह-जगाह पर अकाल कने महामारियां पोंगियां, कने अम्बरे च बुरिआं गल्लां कने बड्डे-बड्डे नसाण प्रगट हुंगे।

लूका 21:25

“सूरजे च कने चन्द्रमे च कने तारेयां च नसाण दुस्सगे; कने धरतिया पर सारे देसां दे लोकां जो मुसीबत हुंगी, क्जोकि सैह़ समुंदरे दी गरजणा नैं कने लैहरां दिया उआज़ा नैं घबराई जांगे।

यूहन्ना 3:29

जिसदी लाड़ी ऐ, सैई लाड़ा ऐ, अपर लाड़े दा साथी जेह्ड़ा सौगी खड़ोई करी तिसदी सुणदा ऐ, लाड़े दिया उआज़ा सुणी करी बड़ा खुस हुंदा ऐ, कने हुण मेरी एह़ खुसी पूरी होई ऐ।

प्रेरितां दे कम्म 2:19

कने मैं ऊपर अम्बरे च अनोखे कम्म कने थल्लैं धरतिया पर चमत्कार, मतलब खूने दा कने अग्गी दा कने धूयें दा बदल़ दस्सगा।

रोमियो 13:14

अपर प्रभु यीशु मसीह तुहां दा कवच बणी जां, जिसदे जरिये तुहां दी रखवाल़ी होई सकैं, कने पापी सभावे दियां इच्छां जो पूरा करणे दी कोसस मत करा।

रोमियो 3:22

मतलब परमात्मे दी सैह़ धार्मिकता जेह्ड़ी यीशु मसीह पर बसुआस करणे ते सारे बसुआस करणे आल़ेआं तांई ऐ। क्जोकि सारे लोक इक्क बराबर हन;

2 कुरिन्थियों 11:2

क्जोकि मैं तुहां दा ध्यान कने प्यार परमात्मे साइआं करदा ऐ। इसतांई कि तुहां तिसा पवित्र कुआरिया साइआं हन, जिसादी मंगणी मैं सिर्फ यीशु मसीयैं कित्तियो ऐ, तांजे तिसियो तिसदे हुआले करी दैं।

गलातियों 3:27

कने तुहां च जितणेयां मसीह च बपतिस्मा लेआ ऐ तिन्हां मसीह दिया ज़िन्दगिया जो पैहनी लेआ ऐ, जिंआं कोई नौये कपड़े पैहणदा ऐ।

गलातियों 4:26

अपर सुअर्गे दा यरूशलेम अब्राहमे दिया लाड़िया सारा साइआं ऐ, कने सैई ऐ जेह्ड़ी अहां अल्ल हुण इक्क माँऊ साइआं ऐ। क्जोकि सैह़ दासी नीं थी, कने अहां मूसा दिया व्यबस्था जो मन्नणे ते अजाद हन।

गलातियों 6:14

जित्थु तिकर मेरा सवाल ऐ, अहां दे प्रभु यीशु मसीह दी सूल़िया पर मौत्ती जो छड्डी करी मैं होर कुसी चीज्जा पर घमंड नीं करणा चांह़दा। हुण संसारे दियां चीज्जां दा मिन्जो पर कोई हक्क नीं ऐ, कने मेरे अंदर एह़ इच्छा नीं रेई, कि इन्हां संसारिक चीज्जां दी होर गुलामी करैं।

इफिसियों 5:32

एह़ इक्क बड्डा भेत ऐ, अपर मैं एह़ समझदा ऐ कि एह़ मसीह कने कलीसिया दे पास्से इसारा करदा ऐ।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 11:19

कने परमात्मे दा जेह्ड़ा मंदर सुअर्गे च ऐ सैह़ खोलेया गेआ, कने तिसदे मंदरे च तिसदे वादे दा सन्दूक दुस्सेया; कने तिसी बग्त बिजलियां, उआज़, गड़ाके कने हिल्लण होये कने अम्बरे ते बड्डा सणाट पेआ।

प्रकाशितवाक्य 12:3

तिसी बग्त अम्बरे च इक्क होर अनोखा नसाण दिख्या; तित्थु इक्क बड्डा लाल अजगर था, जिसदे सत सिर कने दस सींग थे, कने तिसदे सत्तां सिरां पर राजेयां दे मुकट थे।

प्रकाशितवाक्य 15:1

इसते बाद भिरी मैं सुअर्गे च इक्क होर बड्डा कने अनोखा नसाण दिख्या, मतलब सत सुअर्गदूत जिन्हां अल्ल सत आखरी खतरे थे क्जोकि तिन्हां दे पूरे होई जाणे पर परमात्मे दे गुस्से दा अन्त ऐ।

प्रकाशितवाक्य 21:14

सैहरे दिया दीवारा दियां बाराह नीआं थियां, कने तिन्हां नीआं पर मेम्ने दे बाराह प्रेरितां दे नां लिख्यो थे।

प्रकाशितवाक्य 21:23

तिस सैहरे च सूरज कने चन्द्रमे दिया लौई दी जरूरत नीं, क्जोकि परमात्मे दे तेजे नैं तिस च लौ हुंदी ऐ, कने मेम्ना तिसदा दीय्या ऐ।