प्रकाशितवाक्य 11:8 - काँगड़ी

⁸ तिन्हां दियां लाह्सां तिस बड्डे सैहरे दे चौके च पेई रैंगियां, जेह्ड़े आत्मिक रूप ते सदोम कने मिस्र सैहरे साइआं ऐ, जित्थु तिन्हां दा प्रभु भी सूल़िया पर चढ़ाया था।

प्रकाशितवाक्य 11:8 Iomraidhean Croise

मत्ती 10:15

मैं तुहां नैं सच्च ग्लांदा ऐ, कि न्याय दे दिन तिस देसे दे लोकां दी हालत सदोम कने अमोरा देसां दे लोकां दी हालत जादा झेलणे जोग्गी होणी ऐ।

प्रेरितां दे कम्म 9:4

कने सैह़ धरतिया पर पेई गेआ, कने प्रभु दी एह़ उआज़ सुणी, “हे शाऊल, हे शाऊल, तू मिन्जो क्जो सतांदा ऐ?”

इब्रानियों 13:12

इसा बज़ाह ते यीशुयैं भी लोकां जो अपणे ई खून दे जरिये पवित्र करणे तांई यरूशलेम सैहरे ते बाहर दुख झेलेया कने मरी गेआ।

इब्रानियों 6:6

जे सैह़ परमात्मे ते दूर होई गै हन, तां तिन्हां जो बापस अणने दा कोई तरीका नीं ऐ। क्जोकि सैह़ परमात्मे दे पुत्तरे जो दुवारी सूल़िया पर चढ़ांदे हन, कने दूयेयां सामणै तिसदा मजाक बणांदे हन।

2 पतरस 2:6

कने तुहां एह़ भी जाणदे हन, कि बड़ी पैहल्ले परमात्मे सदोम कने अमोरा दे लोकां दी भी तिन्हां दे बुरे कम्मां दिया बज़ाह ते निंदा कित्ती, इसतांई तिन्हीं तिन्हां जो फुकी करी नास करी दित्ता, इआं करी नैं तिन्हीं एह़ दस्सेया कि जेह्ड़े लोक तिसदा डर नीं मनदे, तिन्हां नैं इआं ई हुंगा,

यहूदा 1:7

तिंआं ई सदोम कने अमोरा कने तिन्हां दे अक्खे-बक्खे दे सैहरां जो याद करा, जित्थु दे लोक पापी कने ब्यभिचारी बणी गियो थे, सैह़ अपणियां लाड़ियां जो छड्डी करी दूईआं जणासां पचांह़ चली पैयो थे, इसतांई परमात्मैं तिन्हां जो अग्गी नैं नास करी दित्ता। एह़ जेह्ड़ा तिन्हां सौगी होएया सैह़ तिन्हां झूठे सिक्षकां तांई चतौणी बणी गेई, कि सैह़ भी सदा दी अग्गी दे जरिये नास कित्ते जांगे।

प्रकाशितवाक्य 11:13

भिरी तिस बग्त इक्क बड्डा हिल्लण होएया, कने सैहरे दियां कोठियां दा दसमां हिस्सा पेई गेआ; कने तिस हिल्लणे नैं सत हज़ार माणु मरिये, कने बाक्कि डरी गै कने सुअर्गे दे परमात्मे दी महिमा कित्ती।

प्रकाशितवाक्य 11:9

कने हर देस, गोत्र, भासा कने जाति दे लोक तिन्हां दियां लाह्सां जो साढे तीन दिन तिकर दिक्खदे रैंह्गे, कने तिन्हां दियां लाह्सां जो कब्रा च रखणा नीं दिंगे।

प्रकाशितवाक्य 14:20

कने सैहरे दे बाहर तिस कोलूये च दाख दरड़ी गेई, कने कोलूये च इतणा खून निकल़ेया कि नदी बणी गेई, कने लगभग तीन सौ किलोमीटर तिकर बगी गेआ, कने इतणा डुग्गा था कि इक्क घोड़ा भी डुबी सकदा था।

प्रकाशितवाक्य 14:8

भिरी इसते बाद इक्क होर दूआ सुअर्गदूत एह़ ग्लांदा आया, “नास होई गेआ, सैह़ बेबीलोन सैहर नास होई गेआ, जिन्हीं सारी जातिआं जो अपणे ब्यभिचारे दी मदहोस करणे आल़ी मदिरा पिलाई ऐ।”

प्रकाशितवाक्य 16:19

इसते बाद तिस बड्डे सैहरे दे त्रै टुकड़े होईये, सारे देस नास होई गै; परमात्मे बेबीलोन सैहरे जो याद कित्ता कि तिसियो अपणे गुस्से दी मदिरा पिलां।

प्रकाशितवाक्य 17:1

जिन्हां सत सुअर्गदूतां अल्ल सैह़ सत कटोरे थे, तिन्हां च इक्की आई करी मिन्जो नैं एह़ ग्लाया, “ऐत्थु आ, मैं तिज्जो तिस बड्डी वैश्या दी सज़ा दस्सें, जेह्ड़ी मते पांणिये च बैठियो ऐ,

प्रकाशितवाक्य 17:18

सैह़ जणांस, जिसा जो तैं दिख्या ऐ, सैह़ बड्डा सैहर ऐ जेह्ड़ा धरतिया दे राजेयां पर राज करदा ऐ।

प्रकाशितवाक्य 17:5

तिसादे मत्थे पर इक्क नां, इक्क भेत लिख्या था, “बड्डा बेबीलोन सैहर धरतिया पर वैश्यां कने घृणित चीज्जां दी माँ।”

प्रकाशितवाक्य 18:10

तिसा दिया पीड़ा दे डरे दे मारे सैह़ बड़ी दूर खड़ोई नैं ग्लांगे, ‘हे बड्डे सैहर, बेबीलोन। हे मजबूत सैहर हाय! हाय! चाणचक तिज्जो सज़ा मिल्ली गियो ऐ।’

प्रकाशितवाक्य 18:18

कने तिसादे फकौणे दे धूयें जो दिक्खी नैं डड्डी करी ग्लांगे, ‘कुण देहया सैहर इस बड्डे सैहरे साइआं ऐ?’

प्रकाशितवाक्य 18:2

तिन्हीं जोरे नैं डड्डी करी ग्लाया, नास होई गेआ, बड्डा बेबीलोन सैहर नास होई गेआ सैह़ दुष्टआत्मां दा घर कने हर इक्क बुरिआ आत्मा दा अड्डा, कने हर इक्क बुरे कने घृणित पंछिये दा अड्डा बणी गेआ।

प्रकाशितवाक्य 18:21

भिरी इक्क ताकतवर सुअर्गदूतैं बड्डिया चक्किया दिया सिल्ला साइआं इक्क पत्थर चुकेया, कने एह़ ग्लाई करी समुंदरे च सट्टी दित्ता, “बड्डा सैहर बेबीलोन इआं बड़िया ताकता नैं नास कित्ता जांगा, कने भिरी तिसदा कदी भी कोई पता नीं लगगा।

प्रकाशितवाक्य 18:24

भविष्यवक्तां कने परमात्मे दे लोकां, कने धरतिया पर सारे खत्म कित्तेयां दा खून बेबीलोने च ई मिल्ला।”