प्रकाशितवाक्य 11:3 - काँगड़ी

³ तिस बग्त मैं अपणे दूँ गवाहां जो एह़ हक्क दिंगा कि दरिया उढी करी इक्क हज़ार दो सौ सठ दिन तिकर भविष्यवाणी करन।

प्रकाशितवाक्य 11:3 Iomraidhean Croise

मत्ती 11:21

“हाय खुराजीन कने हाय बैतसैदा सैहरे दे लोको। जेह्ड़े सामर्थी दे कम्म तुहां च कित्ते गै, जे सैह़ सूर कने सैदा दे सैहरां च कित्ते जांदे, तां लोक दरिया उढी नैं, कने धूड़ी च बेई नैं, तिन्हां काह़लू दा मन बदली लेआ हुंदा।

मत्ती 18:16

जे तेरी सैह़ ना सुणे, तां इक्क या दो जणे होर अपणे सौगी लेई जा, कि हर इक्क गल्ल मूसा दिया व्यबस्था दे मताबक दूँ या त्रीं गवाहां दे मुँऐ ते पक्की होई जां।

लूका 10:13

“हाय खुराजीन। कने हाय बैतसैदा सैहरे दे लोको। जेह्ड़े सामर्थी दे कम्म तुहां च कित्ते गै, जे सैह़ सूर कने सैदा दे सैहरां च कित्ते जांदे, तां लोक दरिया उढी नैं कने धूड़ी च बेई नैं तिन्हां काह़लू दा मन बदली लेआ हुंदा।

लूका 24:48

तुहां इन्हां सारियां गल्लां दे गवाह हन।

यूहन्ना 15:27

कने तुहां भी मेरे गवाह हन क्जोकि तुहां सुरू ते मिन्जो सौगी रेहयो हन।”

यूहन्ना 3:27

यूहन्ने जवाब दित्ता, जाह़लू तिकर माणुये जो सुअर्गे ते नीं मिल्लैं, ताह़लू तिकर सैह़ कुच्छ नीं पाई सकदा।

प्रेरितां दे कम्म 1:8

अपर पवित्र आत्मा तुहां पर ओंगा ताह़लू तुहां सामर्थ पांगे; कने तुहां यरूशलेम सैहर कने सामरिया प्रदेसे कने सारे यहूदिया प्रदेस च, कने पूरे संसारे च मेरे गवाह हुंगे।”

प्रेरितां दे कम्म 13:31

कने सैह़ तिन्हां जो जेह्ड़े तिस सौगी गलील प्रदेसे ते यरूशलेम सैहरे च आएयो थे, मतेआं दिनां तिकर चेलेयां जो दुस्सदा रेह्आ; लोकां सामणै हुण सैई जिन्हां तिसियो दिख्या ऐ गवाह हन।

प्रेरितां दे कम्म 2:32

इसी यीशुये जो परमात्मैं जिन्दा कित्ता, जिसदे अहां सारे गवाह हन।

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

1 कुरिन्थियों 12:28

मसीह दे इस सरीरे च जेह्ड़ी कलीसिया ऐ, परमात्मैं अहां जो लग्ग-लग्ग सेवा दित्तियो: पैहल्ले तिन्हीं प्रेरित, दूये भविष्यवक्ता, सिक्षा दैणे आल़े, भिरी सामर्थी दे कम्म करणे आल़े, चंगा करणे आल़े, भलाई करणे आल़े, प्रबन्ध करणे आल़े, कने लग्ग-लग्ग भासा ग्लाणे आल़े नियुक्त कित्ते।

2 कुरिन्थियों 13:1

हुण त्री बरी मैं तुहां अल्ल ओआ दा ऐ। पवित्रशास्त्रे च लिख्या ऐ, “दो या तीन गवाहां दे जरिये हर इक्क गल्ल साबित कित्ती जांगी।”

इफिसियों 4:11

तिन्हीं कुच्छ लोकां जो प्रेरित, कुच्छ भविष्यवक्ता, कुच्छ सुसमाचार सणाणे आल़े, कुच्छ रखवाल़े कने सिक्षक होणे दा वरदान देई दित्ता,

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 11:2

अपर मंदरे दे बाहरे आल़े अँगणे जो छड्डी दे; तिसियो मत नाप क्जोकि सैह़ तिन्हां जो दित्या ऐ, जेह्ड़े मिन्जो पर बसुआस नीं करदे; कने सैह़ पवित्र सैहर यरूशलेमे जो बत्ताल़ी मीहने तिकर नास करगे।

प्रकाशितवाक्य 11:6

तिन्हां जो एह़ हक्क ऐ कि अम्बरे जो बंद करन, कि तिन्हां दी भविष्यवाणी दे दिनां च बरखा ना होयैं; कने तिन्हां जो सारे पांणिये पर हक्क ऐ कि तिसियो खून बणान, कने जाह़लू-जाह़लू चान ताह़लू-ताह़लू धरतिया पर हर किस्मां दे खतरे लेयोन।

प्रकाशितवाक्य 12:6

कने सैह़ जणांस सुनसाण जगाह जो नठ्ठी गेई जित्थु परमात्मे दे पास्से ते तिसा तांई इक्क जगाह त्यार कित्तियो थी कि औत्थू सैह़ इक्क हज़ार दो सौ सठ दिनां तिकर तिसा दी देखभाल कने पालण-पोसण कित्ता जां।

प्रकाशितवाक्य 13:5

बड़ियां-बड़ियां गल्लां कने निंदा करणे तांई तिसियो इक्क मुँ दित्ता, कने तिसियो बत्ताल़ी मीहने तिकर कम्म करणे दा हक्क दित्ता।

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”

प्रकाशितवाक्य 20:4

भिरी मैं सिंहासण दिक्खे, कने तिन्हां पर लोक बैठी गै, कने तिन्हां जो न्याय करणे दा हक्क दित्ता गेआ। मैं तिन्हां दियां आत्मां जो भी दिख्या जिन्हां दे सिर यीशु दी गवाही दैणे कने परमात्मे दे वचने दिया बज़ाह ते बड्डे गियो थे, कने जिन्हां ना तिस जंगली जानवरे दी, ना तिसा मूर्तिया दी अराधना कित्तियो थी, कने ना तिसदी मोहर अपणे मत्थे कने हत्थां पर लगाईयो थी। सैह़ जिन्दे होई करी मसीह सौगी हज़ार साल तिकर राज्ज करदे रैह़न।