प्रकाशितवाक्य 11:2 - काँगड़ी

² अपर मंदरे दे बाहरे आल़े अँगणे जो छड्डी दे; तिसियो मत नाप क्जोकि सैह़ तिन्हां जो दित्या ऐ, जेह्ड़े मिन्जो पर बसुआस नीं करदे; कने सैह़ पवित्र सैहर यरूशलेमे जो बत्ताल़ी मीहने तिकर नास करगे।

प्रकाशितवाक्य 11:2 Iomraidhean Croise

मत्ती 27:53

कने तिसदे जिन्दे होणे ते बाद सैह़ कब्रां ते निकल़ी नैं पवित्र सैहर च गै कने मतेआं जो दुस्से।

मत्ती 4:5

ताह़लू सैतान यीशुये जो पवित्र सैहर यरूशलेमे दे बड्डे मंदरे जो लेई गेआ कने तिसियो मंदरे दिया चुंडिया पर खरेड़ी दित्ता,

मत्ती 5:13

“तुहां संसारे दे लोकां तांई धरतिया दे लूणै साइआं हन; अपर जे लूणै दा लूणकापन चली जां, तां सैह़ भिरी कुसा चीज्जा नैं लूणका कित्ता जांगा, भिरी सैह़ कुसी कम्मे दा नीं ऐ, सिर्फ इसदे कि बाहर सट्टेया जां? कने माणुआं दे पैरां थल्लैं लतुयैं।

लूका 21:24

सैह़ लोक तलवारा दिया धारा नैं मौत्ती दी घाट उतारे जांगे, कने दूये देसे लोक तिन्हां जो च कैदी बणाई नैं लेई जांगे; यरूशलेम सैहर होरनी जातिआं दे जरिये ताह़लू तिकर रौंदेया जांगा। जाह़लू तिकर होरनी जातिआं दा बग्त पूरा नीं होई जां।

इब्रानियों 10:29

तां सोची लेआ कि सैह़ कितणी होर भी मती सज़ा जोग्गा हुंगा, जिन्हीं परमात्मे दे पुत्तरे जो पैरां नैं रौल़ेया कने वादे दे खूने जो जिसदे जरिये सैह़ पवित्र बणेया था, अपवित्र जाणेया ऐ, कने अनुग्रह दी आत्मा दा अपमान कित्ता।

प्रकाशितवाक्य 11:11

अपर साढे तीनां दिनां बाद परमात्मे अपणा साह तिन्हां च पाया, कने सैह़ भिरी जिन्दे होई करी अपणे पैरां दे भार खड़ोई गै कने तिन्हां जो दिक्खणे आल़े सारे बड़े भरी डरी गै।

प्रकाशितवाक्य 11:3

तिस बग्त मैं अपणे दूँ गवाहां जो एह़ हक्क दिंगा कि दरिया उढी करी इक्क हज़ार दो सौ सठ दिन तिकर भविष्यवाणी करन।

प्रकाशितवाक्य 12:6

कने सैह़ जणांस सुनसाण जगाह जो नठ्ठी गेई जित्थु परमात्मे दे पास्से ते तिसा तांई इक्क जगाह त्यार कित्तियो थी कि औत्थू सैह़ इक्क हज़ार दो सौ सठ दिनां तिकर तिसा दी देखभाल कने पालण-पोसण कित्ता जां।

प्रकाशितवाक्य 21:10

ताह़लू सैह़ मिन्जो पवित्र आत्मा च इक्क बड्डे कने ऊचे प्हाड़े पर लेईआ, कने पवित्र सैहर यरूशलेमे जो सुअर्गे ते परमात्मे दे बक्खे ते लौंदे दिख्या।

प्रकाशितवाक्य 21:2

भिरी मैं पवित्र नौये सैहर यरूशलेमे जो सुअर्गे ते परमात्मे दे बक्खे ते लौंदे दिख्या। सैह़ तिसा दुल्हना साइआं था, जेह्ड़ी अपणे दुल्हे तांई सज्जदी था।

प्रकाशितवाक्य 22:19

जे कोई इसा भविष्यवाणी दिया कताबा दियां गल्लां ते कुच्छ कड्डगा, तां परमात्मा तिसा ज़िन्दगिया दे रूखे कने पवित्र सैहरे ते, जिसदा बखान इसा कताबा च ऐ, तिसदा हिस्सा कड्डी दिंगा।