प्रकाशितवाक्य 10:5 - काँगड़ी

⁵ जिस सुअर्गदूते जो मैं समुंदरे कने धरतिया पर खड़ोत्या दिख्या था, तिन्हीं अपणा खब्बा हत्थ सुअर्गे पास्से चुकेया,

प्रकाशितवाक्य 10:5 Iomraidhean Croise

प्रेरितां दे कम्म 14:15

“हे लोको, तुहां क्या करदे हन, अहां भी तां तुहां साइआं सुख-दुख भोगणे आल़े माणु हन, कने तुहां जो सुसमाचार सणांदे हन, कि तुहां इन्हां बेकार चीज्जां ते लग्ग होई करी जिन्दे परमात्मे अल्ल ओआ, जिन्हीं सुअर्ग कने धरती कने समुंदर कने जेह्ड़ा कुच्छ तिन्हां च ऐ बणाया।

प्रेरितां दे कम्म 17:23

क्जोकि मैं घूमदा-घूमदा जाह़लू तुहां दियां पूजणे आल़िआं चीज्जां जो दिक्खदा था, तां इक्क ऐदई वेदी दिक्खी, जिसा पर लिख्या था, ‘अणजाण परमात्मे तांई।’ इसतांई जिसियो तुहां बगैर जाणे तिसदी अराधना करदे हन, मैं तुहां जो तिसदा समाचार सणांदा ऐ।

रोमियो 1:20

परमात्मे दी सदा दी सामर्थ कने तिसदे गुण नीं दिक्खे जाई सकदे, अपर इसा सृष्टिया जो बणाणे ते पैहल्ले ई तिन्हीं दस्सी दित्ता, कि एह़ चीज्जां कुस साइआं हन, इसतांई तिन्हां लोकां अल्ल इसा गल्ला दे बारे च कोई भाना नीं ऐ, “कि अहां परमात्मे जो नीं जाणदे।”

इब्रानियों 6:13

परमात्मैं जाह़लू अब्राहमे नैं वादा कित्ता, तां तिन्हीं अपणी कसम खादी; तिसते बड्डा कोई नीं था, जिसदा नां लेई करी सैह़ कसम खां।

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 10:2

तिसदे हत्थे च इक्क छोटी देहई कताब थी, जेह्ड़ी खुलियो थी। तिन्हीं अपणा सज्जा पैर समुंदरे पर कने खब्बा धरतिया पर रखेया,

प्रकाशितवाक्य 14:7

तिन्हीं बड़ी जोरे नैं ग्लाया, “परमात्मे ते डरा, कने तिसदी महिमा करा, क्जोकि तिसदे न्याय करणे दा बग्त आई गेआ ऐ; कने तिसदी अराधना करा, जिन्हीं सुअर्ग, धरतिया, समुंदर कने पाणी दे झरने बणाये।”

प्रकाशितवाक्य 16:17

सतमें सुअर्गदूतैं अपणा कटोरा हौआ पर डोली दित्ता, कने मंदरे दे सिंहासणे ते एह़ उआज़ आई, “पूरा होई गेआ।”

प्रकाशितवाक्य 4:11

“अहां दे प्रभु कने परमात्मा, तू ई महिमा कने आदर कने सामर्थी जोग्गा ऐ, क्जोकि तैंईं सारियां चीज्जां बणाईयां कने एह़ सारियां तेरिया इच्छा ते बणाईयां कने इन्हां दा बज्जूद था।”

प्रकाशितवाक्य 4:9

ताह़लू सैह़ प्राणी तिसदी महिमा कने आदर कने धन्यावाद करगे। जेह्ड़ा सिंहासणे पर बैठेया ऐ, कने जेह्ड़ा जुगा-जुग जिन्दा ऐ।