प्रकाशितवाक्य 10:1 - काँगड़ी

¹ भिरी मैं इक्क होर ताकतवर सुअर्गदूते जो सुअर्गे ते लौंदे दिख्या, जिसियो बदल़ां चौंन्नी पास्सेयां ते घेरेया था। तिसदे सिरे दे चौंन्नी पास्से सतरंगी धनुष था। तिसदा मुँ सूरजे साइआं चमकीला कने तिसदे पैर अग्गी दे खम्भे साइआं थे।

प्रकाशितवाक्य 10:1 Iomraidhean Croise

मत्ती 17:2

तित्थु तिन्हां सामणै तिसदा रूप बदली गेआ, कने तिसदा मुँ सूरजे साइआं चमकेया कने तिसदे कपड़े जोतिया साइआं चिट्टे होई गै।

लूका 21:27

ताह़लू सैह़ मिन्जो, माणुये दे पुत्तरे जो सामर्थ कने बड़ी महिमा सौगी बदल़े पर ओंदे दिक्खगे।

प्रेरितां दे कम्म 26:13

तां हे राजा, रस्ते च दोपैरा दे बग्त मैं अम्बरे ते सूरजे दिया रोशनी ते भी तेज इक्क जोत्ती, अपणे सौगी चलणे आल़ेआं दे चौंन्नी पास्से चमकदी दिक्खी।

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।

प्रकाशितवाक्य 18:1

“इसते बाद मैं इक्क होर सुअर्गदूते जो सुअर्गे ते लौंदे दिख्या, सैह़ बड़ा सामर्थी था; कने धरती तिसदे तेजे नैं चमकी गेई।

प्रकाशितवाक्य 18:21

भिरी इक्क ताकतवर सुअर्गदूतैं बड्डिया चक्किया दिया सिल्ला साइआं इक्क पत्थर चुकेया, कने एह़ ग्लाई करी समुंदरे च सट्टी दित्ता, “बड्डा सैहर बेबीलोन इआं बड़िया ताकता नैं नास कित्ता जांगा, कने भिरी तिसदा कदी भी कोई पता नीं लगगा।

प्रकाशितवाक्य 20:1

भिरी मैं इक्की सुअर्गदूते जो सुअर्गे ते लौंदे दिख्या, जिसदे हत्थे च अथाह कुंडे दी चाबी कने इक्क बड्डा संगल़ था।

प्रकाशितवाक्य 4:3

जेह्ड़ा तिस पर बैठेया था, सैह़ कीमती यशब कने माणिक्य पत्थरां साइआं दुस्सा दा था, कने तिस सिंहासणे दे चौंन्नी पास्से कीमती मरकत पत्थरे साइआं इक्क सतरंगी धनुष दुस्सा दा था।

प्रकाशितवाक्य 5:2

भिरी मैं इक्क ताकतवर सुअर्गदूते जो दिख्या जेह्ड़ा जोरे नैं एह़ ग्लादा था, “इसा कताबा जो खोलणे कने तिसा दियां सील्लां तोड़णे दा हक्क कुसिया अल्ल ऐ?”

प्रकाशितवाक्य 8:13

जाह़लू मैं भिरी दिख्या, तां अम्बरे च इक्क बाज्जे जो उड़दे कने जोरे-जोरे नैं एह़ ग्लांदे सुणेया, “तिन्हां सुअर्गदूतां दी तुरहिया दिया बज़ाह ते जिसा दा बजाणा अह्ल्ली बाक्कि ऐ धरतिया दे रैहणे आल़ेआं पर हाय, हाय, हाय।”