प्रकाशितवाक्य 1:8 - काँगड़ी

⁸ प्रभु परमात्मा, जेह्ड़ा ऐ कने जेह्ड़ा हमेसा ते था कने जेह्ड़ा ओणे आल़ा ऐ, जेह्ड़ा सर्वशक्तिमान ऐ, एह़ ग्लांदा ऐ, “मैंई अलफा कने ओमेगा ऐ।” जिसदा मतलब सुरुआत कने अन्त ऐ।

प्रकाशितवाक्य 1:8 Iomraidhean Croise

2 कुरिन्थियों 6:18

कने मैं तुहां दा पिता हुंगा, कने तुहां मेरे बच्चे हुंगे। एह़ सर्वशक्तिमान प्रभु परमात्मे दा वचन ऐ।”

प्रकाशितवाक्य 1:11

“जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”

प्रकाशितवाक्य 1:17

जाह़लू मैं तिसियो दिख्या तां तिसदे पैरां पर इआं पेई गेआ, मन्ना जिंआं इक्क मुड़दा हुंदा ऐ। अपर तिन्हीं मिन्जो पर अपणा सज्जा हत्थ रखी करी ग्लाया, “मत डर; मैं पैहल्ला कने आखरी ऐ,

प्रकाशितवाक्य 1:4

एह़ चिठ्ठी यूहन्ने दे पास्से ते तिन्हां सत्तां कलीसियां दे नांऐ पर ऐ जेह्ड़ियां आसिया प्रदेसे च हन। मैं प्रार्थना करदा ऐ, कि तुहां जो परमात्मे दे पास्से ते अनुग्रह कने सांति मिल्लैं, कने सैह़ परमात्मा जेह्ड़ा ऐ कने जेह्ड़ा हमेसा था कने जेह्ड़ा ओणे आल़ा ऐ; कने तिन्हां सत आत्मां दे पास्से ते, जेह्ड़ियां परमात्मे दे सिंहासणे दे सामणै हन,

प्रकाशितवाक्य 11:17

एह़ ग्लाणा लग्गे, “हे सर्वशक्तिमान प्रभु परमात्मा, जेह्ड़ा ऐ कने जेह्ड़ा हमेसा था, अहां तेरा धन्यावाद करदे हन कि तू अपणी बड्डी समर्था जो कम्मे च अंणी करी राज कित्ता ऐ।

प्रकाशितवाक्य 15:3

सैह़ परमात्मे दे दास मूसा दा गीत, कने मेम्ने दा गीत गाई-गाई करी ग्लांदे थे, “हे सर्वशक्तिमान प्रभु परमात्मा तेरे कम्म म्हान कने अनोखे हन; हे जुगा-जुग दे राजा, तेरी चाल खरी कने सच्ची ऐ।

प्रकाशितवाक्य 16:14

एह़ चमत्कार दस्सणे आल़िआं दुष्टआत्मां हन, जेह्ड़ियां सारे संसारे ते निकल़ी करी राजेयां अल्ल इसतांई जांदियां हन कि तिन्हां जो सर्वशक्तिमान परमात्मे दे तिस न्याय दे दिने दी लड़ाईया तांई किठ्ठा करन।

प्रकाशितवाक्य 16:7

भिरी मैं वेदिया ते एह़ उआज़ सुणी, “हाँ, हे सर्वशक्तिमान प्रभु परमात्मा, तेरे फैसले ठीक कने सच्चे हन।”

प्रकाशितवाक्य 19:15

जाति-जाति दे लोकां जो मारने तांई तिसदे मुँऐ ते इक्क तेज तलवार निकल़ादी ऐ। सैह़ लोहे दा बैंत लेई करी तिन्हां पर राज्ज करगा, कने सर्वशक्तिमान परमात्मे दे खतरनाक गुस्से दिया मदिरा दे कोलूये च दाख दरड़गा।

प्रकाशितवाक्य 19:6

भिरी मैं बड़िया भीड़ा साइआं, कने मते पांणिये साइआं कने गड़ाकेयां साइआं जोरे दी उआज़ सुणी: “हाल्लेलूय्याह! क्जोकि प्रभु अहां दा परमात्मा सर्वशक्तिमान राज्ज करदा ऐ।

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ:

प्रकाशितवाक्य 21:22

मैं तिन्हां च कोई मंदर नीं दिख्या, क्जोकि सर्वशक्तिमान प्रभु परमात्मा कने मेम्ना तिसदा मंदर ऐ।

प्रकाशितवाक्य 21:6

भिरी तिन्हीं मिन्जो ग्लाया, “एह़ गल्लां पूरियां होई गियां हन। मैं अलफा कने ओमेगा, मतलब सुरुआत कने अन्त ऐ। मैं प्यासे जो ज़िन्दगिया दे पांणिये दे झरनेयां ते मुफ्ते च पियांगा।

प्रकाशितवाक्य 22:13

मैं अलफा कने ओमेगा, पैहल्ला कने आखरी, सुरुआत कने अन्त ऐ।”

प्रकाशितवाक्य 4:8

चौंन्नी प्राणियां दे छे-छे पंख थे, कने तिन्हां दे चौंन्नी पास्से कने तिन्हां दे पंखा दे थल्लैं भी अखीं ई अखीं थियां; कने सैह़ रात दिन बगैर अराम कित्यो एह़ ग्लांदे रैंह्दे थे, “पवित्र, पवित्र, पवित्र प्रभु सर्वशक्तिमान परमात्मा! जेह्ड़ा हमेसा था कने जेह्ड़ा ऐ कने जेह्ड़ा ओणे आल़ा ऐ।”