प्रकाशितवाक्य 1:7 - काँगड़ी

⁷ दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।

प्रकाशितवाक्य 1:7 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

मत्ती 16:28

मैं तुहां नैं सच्च ग्लांदा ऐ, कि जेह्ड़े ऐत्थु खड़ोत्यो हन, इन्हां च कुच्छ-कुच्छ ऐदेय हन, कि जाह़लू तिकर माणुये दे पुत्तरे जो परमात्मे दे राज्जे च ओंदे नीं दिक्खी लैंगे, ताह़लू तिकर मौत्त तिन्हां पर कदी नीं ओंगी।”

मत्ती 24:30

ताह़लू माणु दे पुत्तरे दा नसाण अम्बरे च दुस्सगा, कने ताह़लू धरती दे सारे कुल़ां दे माणु छाती पीटगे; कने माणु दे पुत्तर जो बड्डी सामर्था कने महिमा सौगी अम्बरे बिच्च बदल़ां पर ओंदे दिक्खगे।

मत्ती 25:31

“जाह़लू मैं माणु दा पुत्तर दुवारी अपणी महिमा च ओंगा कने सारे सुअर्गदूत मिन्जो सौगी ओंगे, तां मैं अपणी महिमा दे सिंहासणे पर विराजमान होणा।

मत्ती 26:64

यीशुयैं तिस नैं ग्लाया, “तैं अप्पु ई ग्लाई दित्ता; जे मैं तुहां नैं एह़ भी ग्लांदा कि अज्जे ते तुहां मिन्जो माणुये दे पुत्तरे जो सर्वशक्तिमान दे सज्जे पास्से बैठेयो, कने अम्बरे दे बदल़ां पर ओंदे दिक्खगे।”

मरकुस 13:26

“ताह़लू लोक मिन्जो माणु दे पुत्तरे जो बड़िया सामर्था कने महिमा सौगी बदल़ां पर ओंदेया दिक्खगे।

मरकुस 14:62

यीशुयैं ग्लाया, “हाँ मैं ऐ: कने तुहां मिन्जो माणु दे पुत्तरे जो सर्वशक्तिमान परमात्मे दे सज्जे पास्से बैठेयो, कने सुअर्गे ते अम्बरे दे बदल़ां सौगी ओंदे दिक्खगे।”

लूका 21:27

ताह़लू सैह़ मिन्जो, माणुये दे पुत्तरे जो सामर्थ कने बड़ी महिमा सौगी बदल़े पर ओंदे दिक्खगे।

यूहन्ना 19:34

अपर इक्की सपाईयें बरछे नैं तिसदी पसली बिन्नी, कने तिस च ताह़लू ई खून कने पाणी निकल़ेया।

यूहन्ना 19:37

भिरी इक्क होर जगाह पर एह़ पवित्रशास्त्रे च लिख्या ऐ; “जिसियो तिन्हां बिन्नेया ऐ, तिस पर तिन्हां दी नजर हुंगी।”

1 थिस्सलुनीकियों 1:10

कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

1 थिस्सलुनीकियों 4:17

ताह़लू अहां जेह्ड़े जिन्दे कने बची रैंह्गे, तिन्हां सौगी बदल़ां पर चुक्की लियो जांगे, कि अम्बरे च प्रभुये नैं मिलगे; कने तिस बग्त ते अहां सदा प्रभुये सौगी रैंह्गे।

इब्रानियों 10:29

तां सोची लेआ कि सैह़ कितणी होर भी मती सज़ा जोग्गा हुंगा, जिन्हीं परमात्मे दे पुत्तरे जो पैरां नैं रौल़ेया कने वादे दे खूने जो जिसदे जरिये सैह़ पवित्र बणेया था, अपवित्र जाणेया ऐ, कने अनुग्रह दी आत्मा दा अपमान कित्ता।

इब्रानियों 6:6

जे सैह़ परमात्मे ते दूर होई गै हन, तां तिन्हां जो बापस अणने दा कोई तरीका नीं ऐ। क्जोकि सैह़ परमात्मे दे पुत्तरे जो दुवारी सूल़िया पर चढ़ांदे हन, कने दूयेयां सामणै तिसदा मजाक बणांदे हन।

1 यूहन्ना 3:2

हे मेरे प्यारे साथी बसुआसियो, हुण अहां परमात्मे दी औलाद हन, कने अह्ल्ली तिकर एह़ प्रगट नीं होएया कि अहां क्या कुच्छ हुंगे। बस इतणा जाणदे हन, कि जाह़लू यीशु मसीह प्रगट हुंगा तां तिस साइआं हुंगे, क्जोकि तिसियो तिंआं ई दिक्खगे जिंआं सैह़ ऐ।

यहूदा 1:14

कने हनोके भी, जेह्ड़ा आदमे दी सतमी पीढ़िया ते था, जाह़लू तिन्हीं इन्हां लोकां दे बारे च एह़ भविष्यवाणी करी नैं ग्लाया, कि “दिक्खा, प्रभु जरूर अपणे मते सारे पवित्र दूतां दिया इक्क बड्डी भीड़ा सौगी ओआ दा ऐ।

प्रकाशितवाक्य 22:20

जेह्ड़ा इन्हां गल्लां दी गवाही दिंदा ऐ सैह़ एह़ ग्लांदा ऐ, “हाँ, मैं तौल़ी ओणे आल़ा।” मैं यहून्ना जवाब दिंदा ऐ आमीन। हे प्रभु यीशु आ।

प्रकाशितवाक्य 22:4

सैह़ तिसियो आमणै-सामणै दिक्खगे, कने तिसदा नां तिन्हां दे मत्थे पर लिख्या हुंगा।