प्रकाशितवाक्य 1:16 - काँगड़ी

¹⁶ तिन्हीं अपणे सज्जे हत्थे च सत तारे लियो थे, कने तिसदे मुँऐ ते पेनी दूँ धारां आल़ी तलवार निकल़ादी थी। तिसदा मुँ इतणा चमकदार था, ठीक तिंआं जिंआं सूरज खड़िया दोपैरा चमकदा ऐ।

प्रकाशितवाक्य 1:16 Iomraidhean Croise

मत्ती 17:2

तित्थु तिन्हां सामणै तिसदा रूप बदली गेआ, कने तिसदा मुँ सूरजे साइआं चमकेया कने तिसदे कपड़े जोतिया साइआं चिट्टे होई गै।

प्रेरितां दे कम्म 26:13

तां हे राजा, रस्ते च दोपैरा दे बग्त मैं अम्बरे ते सूरजे दिया रोशनी ते भी तेज इक्क जोत्ती, अपणे सौगी चलणे आल़ेआं दे चौंन्नी पास्से चमकदी दिक्खी।

इफिसियों 6:17

कने परमात्मे दे उद्धारे दी ताकत लोहे दे टोपे साइआं होयैं, कने तलवारा तांई परमात्मे दे वचने जो इस्तेमाल कर, जेह्ड़ा पवित्र आत्मा दे पास्से ते ओंदा ऐ।

इब्रानियों 4:12

क्जोकि परमात्मे दा वचन जिन्दा कने असरदार ऐ, कने सैह़ हर इक्क दूँ धारां आल़िआ तलवारा ते भी बड़ा पैना ऐ। कने प्राणा, आत्मा जो, कने गठ्ठी-गठ्ठी कने गूदे-गूदे जो लग्ग करी नैं आर पार बिन्नदा ऐ; कने मने दियां इच्छां कने बचारां जो जांचदा ऐ।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 10:1

भिरी मैं इक्क होर ताकतवर सुअर्गदूते जो सुअर्गे ते लौंदे दिख्या, जिसियो बदल़ां चौंन्नी पास्सेयां ते घेरेया था। तिसदे सिरे दे चौंन्नी पास्से सतरंगी धनुष था। तिसदा मुँ सूरजे साइआं चमकीला कने तिसदे पैर अग्गी दे खम्भे साइआं थे।

प्रकाशितवाक्य 12:1

भिरी ताह़लू सुअर्गे च इक्क बड़ा अनोखा नसाण दुस्सेया, मतलब इक्की जणासा जिन्नै सूरज उढेया था, कने चन्द्रमा तिसादे पैरां थल्लैं था, कने तिसादे सिरे पर बारांह तारेयां दा मुकट था;

प्रकाशितवाक्य 19:15

जाति-जाति दे लोकां जो मारने तांई तिसदे मुँऐ ते इक्क तेज तलवार निकल़ादी ऐ। सैह़ लोहे दा बैंत लेई करी तिन्हां पर राज्ज करगा, कने सर्वशक्तिमान परमात्मे दे खतरनाक गुस्से दिया मदिरा दे कोलूये च दाख दरड़गा।

प्रकाशितवाक्य 19:21

कने बाक्कि लोक तिस घोड़े पर सवारे दी तलवारा नैं, जेह्ड़ी तिसदे मुँऐ ते निकल़ादी थी, मारी दित्ते गै, कने सारे पंछी तिन्हां दा मांसे खाई नैं रज्जी गै।

प्रकाशितवाक्य 2:1

तिन्हीं मिन्जो नैं एह़ भी ग्लाया, कि “इफिसुस सैहरे दी कलीसिया दे सुअर्गदूते जो एह़ लिख: मैं जेह्ड़ा सत तारे अपणे सज्जे हत्थे च लेई करी, कने सोन्ने दे सतां दीपदानां दे गब्बैं फिरदा ऐ, तिसदा ग्लाणा ऐई ऐ:

प्रकाशितवाक्य 2:12

भिरी तिन्हीं मिन्जो नैं एह़ भी ग्लाया, कि “पिरगमुन सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल दूँ धारां आल़ी तलवार ऐ, तिसदा ग्लाणा ऐई ऐ:

प्रकाशितवाक्य 2:16

इसतांई अपणे मने जो बदल, नीं तां मैं तिज्जो अल्ल तौल़ी ई आई नैं अपणे मुँऐ दी तलवारा नैं तिन्हां सौगी लड़गा।

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।