प्रकाशितवाक्य 1:11 - काँगड़ी

¹¹ “जेह्ड़ा कुच्छ तू दिक्खदा ऐ तिसियो कताबा च लिखी करी सत्तां कलीसियां जो घल्ली दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया कने लौदीकिया सैहरे जो।”

प्रकाशितवाक्य 1:11 Iomraidhean Croise

प्रेरितां दे कम्म 16:14

लुदिया नांऐ दी इक्क थुआतीरा सैहरे दी बैजनी कपड़ेयां बेचणे आल़ी इक्क जणांस जेह्ड़ी परमात्मे दी भक्तणी थी। परमात्मे तिसादा मन खोलेया कि सैह़ पौलुसैं दियां गल्लां पर मन लगां।

प्रेरितां दे कम्म 18:24

अपुल्लोस नांऐ दा इक्क यहूदी, जिसदा जन्म सिकन्दरिया सैहरे च होएया था, जेह्ड़ा बड़ा ग्लांणे आल़ा (विद्वान) मरद था, कने पवित्रशास्त्र जो अच्छी तरांह ते जाणदा था इफिसुस सैहरे च आया।

प्रेरितां दे कम्म 20:17

जाह़लू अहां मीलेतुसे ते इफिसुस सैहरे पुज्जे, तां पौलुसैं इफिसुस सैहरे दे अगुआं जो इक्क संदेसा घल्लेया, कने कलीसिया देयां स्याणेयां जो सद्दी घल्लेया।

1 कुरिन्थियों 15:32

ऐत्थु इफिसुस सैहरे च मेरे बैरी खतरनाक जानवरां साइआं हन, जेह्ड़े मिन्जो नकसान पजाणा चांह़दे हन। जे मेरा इनाम सिर्फ इस संसारे च ई ऐ, तां मिन्जो एह़ सब कुच्छ झेलणे दी क्या जरूरत ऐ। जे एह़ सच्च हुंदा कि आखरी दिनां च मैं दुवारी जिन्दा नीं कित्ता जांगा तां एह़ खरा ऐ कि मैं खुसी मन्ना, जिंआं एह़ इक्क काहवत भी ऐ। “तां ओआ, अहां खान पींन, क्जोकि सायद कल तां अहां जो मरना ई ऐ।”

1 कुरिन्थियों 16:8

अपर मैं पिन्तेकुस्त दे त्योहारे तिकर इफिसुस सैहरे च रैंह्गा।

इफिसियों 1:1

मैं पौलुस जेह्ड़ा परमात्मे दिया इच्छा ते यीशु मसीह दा इक्क प्रेरित ऐ, मैं एह़ चिठ्ठी इफिसुस सैहरे च रैहणे आल़े पवित्र कने यीशु च बसुआस करणे आल़े लोकां दे नांऐ पर लिखदा ऐ।

कुलुस्सियों 2:1

मैं चांह़दा ऐ, कि तुहां जाणी लैन कि तुहां कने तिन्हां तांई जेह्ड़े लौदीकिया सैहरे च हन, कने तिन्हां सारेयां तांई जिन्हां मिन्जो नीं दिख्या, मैं कितणी मेहनत करदा ऐ,

1 तीमुथियुस 1:3

मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

प्रकाशितवाक्य 1:17

जाह़लू मैं तिसियो दिख्या तां तिसदे पैरां पर इआं पेई गेआ, मन्ना जिंआं इक्क मुड़दा हुंदा ऐ। अपर तिन्हीं मिन्जो पर अपणा सज्जा हत्थ रखी करी ग्लाया, “मत डर; मैं पैहल्ला कने आखरी ऐ,

प्रकाशितवाक्य 1:19

इसतांई जेह्ड़ियां गल्लां तैं दिक्खियां हन कने जेह्ड़ियां गल्लां होआ दियां हन कने जेह्ड़ियां गल्लां इसते बाद होणे आल़िआं हन, तिन्हां सारियां जो लिखी लै।

प्रकाशितवाक्य 1:2

इसतांई मैं यूहन्ने जेह्ड़ा कुच्छ दिख्या था, सैह़ सब कुच्छ लिखी दित्ता, मैं इसा कताबा च परमात्मे दा वचन कने सच्चियां गल्लां जेह्ड़ियां यीशु मसीयैं मिन्जो पर प्रगट कित्तियां, सैह़ मैं लिखी दित्तियां।

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 1:4

एह़ चिठ्ठी यूहन्ने दे पास्से ते तिन्हां सत्तां कलीसियां दे नांऐ पर ऐ जेह्ड़ियां आसिया प्रदेसे च हन। मैं प्रार्थना करदा ऐ, कि तुहां जो परमात्मे दे पास्से ते अनुग्रह कने सांति मिल्लैं, कने सैह़ परमात्मा जेह्ड़ा ऐ कने जेह्ड़ा हमेसा था कने जेह्ड़ा ओणे आल़ा ऐ; कने तिन्हां सत आत्मां दे पास्से ते, जेह्ड़ियां परमात्मे दे सिंहासणे दे सामणै हन,

प्रकाशितवाक्य 1:8

प्रभु परमात्मा, जेह्ड़ा ऐ कने जेह्ड़ा हमेसा ते था कने जेह्ड़ा ओणे आल़ा ऐ, जेह्ड़ा सर्वशक्तिमान ऐ, एह़ ग्लांदा ऐ, “मैंई अलफा कने ओमेगा ऐ।” जिसदा मतलब सुरुआत कने अन्त ऐ।

प्रकाशितवाक्य 10:4

जाह़लू गड़ाकेयां दियां सत उआज़ां सुम्मियां, तां जेह्ड़ा मैं सुणेया, तिसियो लिखणे तांई त्यार था, अपर मैं सुअर्गे ते एह़ उआज़ सुणी, “जेह्ड़ियां गल्लां तैं गड़ाकेयां दियां तिन्हां सत्तां उआज़ां ते सुणियां हन, तिन्हां जो गुप्त रख, कने मत लिख।”

प्रकाशितवाक्य 14:13

कने भिरी मैं सुअर्गे ते एह़ उआज़ सुणी, “लिख: धन हन सैह़ मरेयो लोक, हुण ते जिन्हां दी मौत्त प्रभु च हुंगी।” आत्मा ग्लांदा ऐ, “हाँ, सैह़ अपणिया सारी मेहनता नैं अराम पांगे, क्जोकि तिन्हां दे खरे कम्म तिन्हां सौगी हन।”

प्रकाशितवाक्य 19:9

ताह़लू सुअर्गदूतैं मिन्जो ग्लाया, “एह़ लिख कि धन सैह़ हन, जेह्ड़े मेम्ने दे ब्याये दिया धामा च सद्देयो हन।” भिरी तिन्हीं मिन्जो ग्लाया, “एह़ वचन परमात्मे दे सच्चे वचन हन।”

प्रकाशितवाक्य 2:1

तिन्हीं मिन्जो नैं एह़ भी ग्लाया, कि “इफिसुस सैहरे दी कलीसिया दे सुअर्गदूते जो एह़ लिख: मैं जेह्ड़ा सत तारे अपणे सज्जे हत्थे च लेई करी, कने सोन्ने दे सतां दीपदानां दे गब्बैं फिरदा ऐ, तिसदा ग्लाणा ऐई ऐ:

प्रकाशितवाक्य 2:12

भिरी तिन्हीं मिन्जो नैं एह़ भी ग्लाया, कि “पिरगमुन सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल दूँ धारां आल़ी तलवार ऐ, तिसदा ग्लाणा ऐई ऐ:

प्रकाशितवाक्य 2:18

भिरी तिन्हीं मिन्जो नैं एह़ भी ग्लाया, कि “थुआतीरा सैहरे दी कलीसिया दे सुअर्गदूत जो एह़ लिख: कि मैं परमात्मे दा पुत्तर जिसदियां अखीं अग्गी दी लपटा साइआं, कने जिसदे पैर भट्ठिया च तपाईया पीतली साइआं चमका दे हन, तिसदा ग्लाणा ऐई ऐ:

प्रकाशितवाक्य 2:24

अपर तुहां थुआतीरा सैहरे दे बाक्कि लोकां ते, जितणे इसा सिक्षा जो नीं मनदे, कने तिन्हां गल्लां जो सैताने दियां गैहरियां गल्लां ग्लांदे हन, नीं जाणदे, मैं एह़ ग्लांदा ऐ कि मैं तुहां पर होर बोझ नीं बणगा।

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ:

प्रकाशितवाक्य 21:5

जेह्ड़ा सिंहासणे पर बैठेया था, तिन्हीं ग्लाया, “दिक्ख, मैं सब कुच्छ नौआं करी दिंदा।” भिरी तिन्हीं ग्लाया, “लिखी लै, क्जोकि एह़ वचन बसुआसे जोग्गे कने सच्चे हन।”

प्रकाशितवाक्य 22:10

भिरी तिन्हीं मिन्जो ग्लाया, “इसा कताबा दी भविष्यवाणिये दियां गल्लां जो बंद मत कर; क्जोकि बग्त नेड़े आईआ ऐ।

प्रकाशितवाक्य 22:16

“मैं यीशुये अपणे सुअर्गदूते जो इसतांई घल्लेया, कि तुहां दे गांह कलीसियां दे बारे च इन्हां गल्लां दी गवाही दैं। मैं दाऊदे दा मूल कने वंश, कने भ्यागा दा चमकदा तारा ऐ।”

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।

प्रकाशितवाक्य 3:14

भिरी तिन्हीं मिन्जो नैं एह़ भी ग्लाया, कि “लौदीकिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा आमीन कने बसुआसे जोग्गा कने सच्चा गवाह ऐ, कने सैई ऐ जिसदे जरिये परमात्मे सब कुच्छ बणाया ऐ, तिसदा ग्लाणा ऐई ऐ:

प्रकाशितवाक्य 3:4

अपर हाँ, सरदीस सैहरे च तेरे ऐत्थु कुच्छ लोक ऐदेय हन, जिन्हां पापां दे जरिये अपणी ज़िन्दगी भरष्ठ नीं कित्ती, सैह़ अपणिया पवित्र ज़िन्दगिया च मिन्जो सौगी रैंह्गे, क्जोकि सैह़ इस जोग्गे हन।

प्रकाशितवाक्य 3:7

भिरी तिन्हीं मिन्जो नैं एह़ भी ग्लाया, कि “फिलदिलफिया सैहरे दी कलीसिया दे सुअर्गदूते जो एह़ लिख: कि मैं सैई ऐ जेह्ड़ा पवित्र कने सच्च ऐ, कने जिस अल्ल दाऊदे दी चाबी ऐ, जिसियो सैह़ खोली दिंदा तिसियो कोई बंद नीं करी सकदा कने जिसियो सैह़ बंद करी दिंदा तिसियो कोई खोली नीं सकदा, तिसदा ग्लाणा ऐई ऐ: