प्रकाशितवाक्य 1:1 - काँगड़ी

¹ एह़ कताब तिन्हां गल्लां दे बारे च दस्सदी ऐ, जेह्ड़ियां परमात्मैं यीशु मसीह जो दस्सियां, तांजे सैह़ इन्हां गल्लां जो अपणेयां दासां जो दस्सी सकैं, जिन्हां दा बड़ी तौल़ी होणा जरूरी ऐ: कने यीशुयैं एह़ संदेस अपणे सुअर्गदूते जो घल्ली करी तिसदे जरिये अपणे दास यूहन्ने जो दस्सेया,

प्रकाशितवाक्य 1:1 Iomraidhean Croise

यूहन्ना 12:49

क्जोकि मैं अपणिया तरफा ते गल्लां नीं कित्तियां; अपर पिता जिन्हीं मिन्जो घल्लेया ऐ, तिन्हीं मिन्जो हुक्म दित्या ऐ कि क्या-क्या ग्लां कने क्या-क्या बोलें?

यूहन्ना 15:15

अज्जे ते मैं तुहां जो दास नीं ग्लाणा, क्जोकि दास नीं जाणदा कि तिसदा मालक क्या करदा ऐ; अपर मैं तुहां जो साथी ग्लाया ऐ, क्जोकि मैं जेह्ड़ियां गल्लां अपणे पिता ते सुणियां, सैह़ सारियां दस्सी दित्तियां।

यूहन्ना 17:8

क्जोकि जेह्ड़े वचन तैं मिन्जो दित्यो, मैं सैह़ वचन तिन्हां अल्ल पज्जाई दित्ते; कने तिन्हां वचनां जो अपनाई लेआ, कने सच्च-सच्च जाणी लेआ ऐ कि मैं तेरे पास्से ते आया, कने बसुआस करी लेआ ऐ कि तैंईं मिन्जो घल्लेया।

यूहन्ना 3:32

जेह्ड़ा कुच्छ तिन्हीं दिख्या कने सुणेया ऐ, तिसदी गवाही दिंदा ऐ; कने कोई तिसदी गवाहिया पर बसुआस नीं करदा।

यूहन्ना 8:26

तुहां दे बारे च मिन्जो बड़ा कुच्छ ग्लाणा कने फैसला करणा ऐ; अपर मिन्जो घल्लणे आल़ा सच्चा ऐ, कने जेह्ड़ा मैं तिसते सुणेया ऐ सैई संसारे दे लोकां नैं ग्लांदा ऐ।”

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

गलातियों 1:12

क्जोकि सैह़ मिन्जो लोकां दे पास्से ते नीं पुज्जया, कने ना मिन्जो सखाया, अपर यीशु मसीह दे तेजे ते मिल्लेया।

इफिसियों 3:3

जिंआं मैं पैहल्ले ई थोड़े सब्दां च लिखी चुकेया, कि परमात्मे अप्पु ई सैह़ गुप्त योजनां मिन्जो पर प्रगट कित्तियां हन।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

प्रकाशितवाक्य 1:19

इसतांई जेह्ड़ियां गल्लां तैं दिक्खियां हन कने जेह्ड़ियां गल्लां होआ दियां हन कने जेह्ड़ियां गल्लां इसते बाद होणे आल़िआं हन, तिन्हां सारियां जो लिखी लै।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।

प्रकाशितवाक्य 17:1

जिन्हां सत सुअर्गदूतां अल्ल सैह़ सत कटोरे थे, तिन्हां च इक्की आई करी मिन्जो नैं एह़ ग्लाया, “ऐत्थु आ, मैं तिज्जो तिस बड्डी वैश्या दी सज़ा दस्सें, जेह्ड़ी मते पांणिये च बैठियो ऐ,

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”

प्रकाशितवाक्य 19:9

ताह़लू सुअर्गदूतैं मिन्जो ग्लाया, “एह़ लिख कि धन सैह़ हन, जेह्ड़े मेम्ने दे ब्याये दिया धामा च सद्देयो हन।” भिरी तिन्हीं मिन्जो ग्लाया, “एह़ वचन परमात्मे दे सच्चे वचन हन।”

प्रकाशितवाक्य 21:2

भिरी मैं पवित्र नौये सैहर यरूशलेमे जो सुअर्गे ते परमात्मे दे बक्खे ते लौंदे दिख्या। सैह़ तिसा दुल्हना साइआं था, जेह्ड़ी अपणे दुल्हे तांई सज्जदी था।

प्रकाशितवाक्य 21:9

भिरी जिन्हां सत्तां सुअर्गदूतां अल्ल सत आखरी खतरेयां नैं भरोयो सत कटोरे थे, तिन्हां ते इक्क मिन्जो अल्ल आया, कने मिन्जो सौगी गल्लां करी नैं ग्लाणा लग्गा, “ऐत्थु आ, मैं तिज्जो दुलहन मतलब मेम्ने दी लाड़ी दस्सगा।”

प्रकाशितवाक्य 22:1

भिरी तिन्हीं मिन्जो साफ सीशे साइआं झलकदी होई, ज़िन्दगिया दे पांणिये दी नदी, जेह्ड़ी परमात्मे कने मेम्ने दे सिंहासणे ते निकल़ी करी

प्रकाशितवाक्य 22:16

“मैं यीशुये अपणे सुअर्गदूते जो इसतांई घल्लेया, कि तुहां दे गांह कलीसियां दे बारे च इन्हां गल्लां दी गवाही दैं। मैं दाऊदे दा मूल कने वंश, कने भ्यागा दा चमकदा तारा ऐ।”

प्रकाशितवाक्य 22:6

भिरी तिन्हीं मिन्जो नैं ग्लाया, “एह़ गल्लां बसुआसे जोग्गियां कने सच्च हन। प्रभुयैं, जेह्ड़ा भविष्यवक्तां दियां आत्मां दा परमात्मा ऐ, अपणे सुअर्गदूते जो इसतांई घल्लेया कि अपणे दासां जो सैह़ गल्लां, जिन्हां दा तौल़ी पूरा होणा जरूरी ऐ दस्सें।”

प्रकाशितवाक्य 22:8

मैं सैई यूहन्ना ऐ, जेह्ड़ा इन्हां गल्लां जो सुणदा कने दिक्खदा था। जाह़लू मैं सुणेया कने दिख्या, तां जेह्ड़ा सुअर्गदूत मिन्जो एह़ गल्लां दस्सदा था, मैं तिसदे पैरां पर प्रणांम करणे तांई पेई गेआ।

प्रकाशितवाक्य 22:9

अपर तिन्हीं मिन्जो नैं ग्लाया, “दिक्ख इआं मत कर; क्जोकि मैं तेरा, कने तेरे भाऊ भविष्यवक्ता कने इसा कताबा दियां गल्लां जो मन्नणे आल़ेआं दा संगी दास ऐ। परमात्मे दी ई अराधना कर।”

प्रकाशितवाक्य 4:1

इन्हां सारियां गल्लां ते बाद मैं एह़ दिख्या कि सुअर्गे च इक्क दरवाजा खुलेया ऐ, कने जिसियो मैं पैहल्लैं तुरही दिया उआज़ा नैं अप्पु सौगी गल्लां करदा सुणेया था, तिन्हीं मिन्जो नैं ग्लाया, “मिन्जो अल्ल ऐत्थु ऊपरेयो आई जा; कने मैं सैह़ गल्लां तिज्जो दस्सगा, जिन्हां दा इन्हां गल्लां ते बाद पूरा होणा जरूरी ऐ।”

प्रकाशितवाक्य 5:7

मेम्ने गांह आई करी तिसदे सज्जे हत्थे ते जेह्ड़ा सिंहासणे पर बैठेया था, तिसा कताबा जो लेई लेआ।