फिलिप्पियों 4:8 - काँगड़ी

⁸ इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

फिलिप्पियों 4:8 Iomraidhean Croise

मत्ती 22:16

कने तिन्हां अपणे चेलेयां जो यहूदी माणुआं सौगी, जेह्ड़े हेरोदेस राजे दे समर्थक थे, तिस अल्ल एह़ ग्लाणे जो घल्लेया, “हे गुरू अहां जाणदे हन कि तू सच्चा ऐ, कने परमात्मे दा रस्ता सच्चाईया नैं सखांदा ऐ, कने कुसी दी परवाह नीं करदा, क्जोकि तू माणुआं दा मुँ दिक्खी नैं गल्लां नीं करदा।

मरकुस 6:20

क्जोकि हेरोदेस राजा यूहन्ने जो धर्मी कने पवित्र माणु जाणी नैं तिसते डरदा था, कने तिसदी हिफाजत करदा था, कने तिसदियां गल्लां सुणी नैं बड़ा घबरांदा था, अपर तिन्हां जो खुसिया नैं सुणदा था।

लूका 16:15

यीशुयैं तिन्हां नैं ग्लाया, तुहां तां माणुआं साइआं अपणे आप्पे जो धर्मी ठैहरांदे हन, अपर परमात्मा तुहां दे मनां जो जाणदा ऐ, क्जोकि जेह्ड़ी चीज्ज माणुआं दियां नजरा च म्हान ऐ, सैह़ परमात्मे दी नजरा च घृणित ऐ।

लूका 2:25

तिस बग्त यरूशलेम सैहरे च शमौन नांऐ दा इक्क माणु था, कने सैह़ माणु धर्मी कने भक्त था; कने सैह़ पवित्र आत्मा नैं भरोया था कने इस्राएल देसे दे लोकां जो सांति दैणे आल़े मसीह दा इन्तजार करा दा था,।

लूका 23:50

कने दिक्खा तित्थु यूसुफ नांऐ दा इक्क माणु था, जेह्ड़ा महासभा दा सदस्य था कने सज्जण कने धर्मी मरद भी था।

यूहन्ना 7:18

जेह्ड़ा अपणिया तरफा ते कुच्छ ग्लांदा ऐ, सैह़ अपणी बाह-बाह चांह़दा ऐ; अपर जेह्ड़ा अपणे घल्लणे आल़े दी बाह-बाह चांह़दा ऐ सैई सच्चा ऐ, कने तिस च बुरे कम्म नीं।

प्रेरितां दे कम्म 10:22

तिन्हां ग्लाया, “कुरनेलियुस सूबेदार जेह्ड़ा धर्मी कने परमात्मे ते डरणे आल़े कने सारी यहूदी जाति च नेक माणु ऐ, तिन्हीं इक्क पवित्र सुअर्गदूते दा दर्शन पाया ऐ कि तिज्जो अपणे घरैं सद्दी करी तिज्जो ते वचन सुणे।”

प्रेरितां दे कम्म 22:12

“ताह़लू हनन्याह नांऐ दा इक्क माणु था सैह़ व्यबस्था दा पालण करणे आल़ा इक्क भक्त था, जेह्ड़ा तित्थु रैहणे आल़े सारेयां यहूदियां सौगी तिसदा अच्छा बोल चाल था, मिन्जो अल्ल आया,

प्रेरितां दे कम्म 6:3

इसतांई, हे भाऊओ, अपणे च सत खास मर्दां जो चुणी लेआ, जेह्ड़े पवित्र आत्मा च भरोयो कने अक्लमंद होन, कि अहां तिन्हां जो एह़ कम्म देई सकन।

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

रोमियो 13:3

क्जोकि जे कोई खरे कम्म करा दा ऐ, तां तिसियो अधिकारियां ते डरणे दी जरूरत नीं ऐ। अपर बुरे कम्म करा दा ऐ, ताह़लू तिसियो डरणा चाइदा ऐ, क्या तू अधिकारी ते निडर रैहणा चांह़दा ऐ? तां खरे कम्म कर, कने तिसदे पास्से ते तेरी तारीफ हुंगी;

रोमियो 14:18

जेह्ड़ा कोई इस तरीके नैं मसीह दी सेवा करदा ऐ, परमात्मा तिसते खुस हुंदा ऐ, कने लोक तिसदे बारे च खरियां गल्लां करी नैं तिसदा आदर करदे हन।

रोमियो 2:29

अपर सच्चा यहूदी सैई ऐ जिसदा मन परमात्मे च ऐ। कने सच्चा खतणा सिर्फ मूसा दी व्यबस्था मन्नणे ते नीं, अपर परमात्मे दिया आत्मा दे कम्मे दे जरिये मन बदलणा ऐ। ऐदेय लोकां दी बड़ेयाई माणुआं ते नीं अपर परमात्मे दे पास्से ते हुंदी ऐ।

1 कुरिन्थियों 4:5

इसतांई प्रभु दे बापस ओणे तिकर कुसी दा भी न्याय मत करा, जेह्ड़ा कुच्छ नेहरे च छुपेया ऐ कने कुसी दे दिले च ऐ, प्रभु तिसियो प्रगट करगा, ताह़लू परमात्मा अहां दी तारीफ करगा।

2 कुरिन्थियों 13:7

अहां अपणे परमात्मे नैं एह़ प्रार्थना करदे हन, कि तुहां कोई बुराई ना करन, इसतांई नीं कि अहां खरे दुस्सन, अपर अहां चांह़दे हन, कि तुहां भलाई करा, चाहे अहां नकम्मे ठैह़रन।

2 कुरिन्थियों 6:8

जाह़लू लोक अहां दी इज्जत कने बेइज्जती करन, कने जाह़लू लोक दूयेयां नैं ग्लान, कि अहां बुरे कने खरे लोक हन, कने अहां पाखंडी समझे गै, अपर अहां सच्च ग्लांदे हन।

2 कुरिन्थियों 8:18

अहां तिस सौगी दूये बसुआसी भाऊये जो घल्ला दे हन, जिसदा नां सुसमाचार प्रचार करणे तांई सारी कलीसिया दे बसुआसियां च फैलया ऐ।

2 कुरिन्थियों 8:21

अहां दा मकसद ना सिर्फ सैह़ ऐ, जेह्ड़ा प्रभु दिया नजरा च खरा ऐ, अपर माणुआं दिया नजरा च भी खरा होणा चाइदा।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

इफिसियों 4:25

इसा बज़ाह ते झूठ ग्लाणा छड्डी करी हर इक्क अपणे बसुआसी भाऊये नैं सच्च ग्ला, क्जोकि अहां सारे इक्की सरीरे दे अंग हन।

इफिसियों 5:9

क्जोकि जे इक्क माणुये जोतिया च ऐ, तां तिसदा बर्ताब कने चाल-चलण खरा धर्मी कने भरोसे जोग्गा ऐ।

इफिसियों 6:14

इसतांई परमात्मे दिया सच्चाईया जो अपणे लक्के च बैल्टा साइआं कसी लेआ, कने अपणा खरा बर्ताब रखा, क्जोकि एह़ इक्क कबच पैहनणे साइआं ऐ।

फिलिप्पियों 3:1

इसतांई हे प्यारे साथी बसुआसियो, प्रभु च खुस रेह्आ! सैई गल्लां तुहां जो बार-बार लिखणे च मिन्जो तां कोई तकलीफ नीं हुंदी, अपर एह़ गल्लां तुहां जो झूठी सिक्षा ते बचादियां हन।

कुलुस्सियों 4:5

अपणे हर मौके जो जेह्ड़ा तुहां जो मिलदा ऐ कीमती समझी नैं संसारिक लोकां सौगी अक्लमंदिया नैं बर्ताब करा।

1 थिस्सलुनीकियों 4:12

कि बेबसुआसी लोकां सौगी आदरे नैं बर्ताब करा, तांजे तुहां जो कुसा भी चीज्जा दी कमी ना होयैं।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

1 तीमुथियुस 3:11

इन्हीं साह्भें सेवकां दियां लाड़ियां जो भी इज्जतदार होणा चाइदा। दोस लगाणे आल़िआं ना होन, अपर हर हालता च अपणे आप्पे जो काबू करणे आल़िआं कने सारियां गल्लां च बसुआसे जोग्गियां होन।

1 तीमुथियुस 3:4

सैह़ अपणे परवारे जो ठीक ढंगे नैं चलाणे आल़ा होयैं, कने तिसियो अपणे बाल बच्चेयां जो सारियां गल्लां च इज्जता सौगी सखाणा चाइदा।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 5:2

बुढियां जणासां जो अपणिया माँऊ साइआं समझी करी; कने जुआन जणासां जो पूरी पवित्रता नैं बैह्णी साइआं समझी करी प्यारे नैं समझाई दे।

तीतुस 1:8

अपर घरैं आएयो परोणेयां दी इज्जत करणे आल़ा, दूयेयां सौगी भलाईया करणे आल़ा, हर हालता च अपणे आप्पे पर काबू करणे आल़ा, सच्चा न्याय करणे आल़ा, पवित्र कने अपणिया इच्छा पर काबू करणे आल़ा होणा चाइदा।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

तीतुस 2:2

स्याणे माणुआं जो अपणे आप्पे पर काबू रखणा, इज्जतदार बणना, कने अक्लमंदिया नैं जीणा सखा। तिन्हां अल्ल मजबूत बसुआस, प्यार कने सबर होणा चाइदा।

तीतुस 2:7

तुहां जो हमेसा खरे कम्म करणा चाइदा, तांजे तुहां दूयेयां लोकां तांई उदारण बणन। जाह़लू तुहां बसुआसियां जो सखांदे हन, तां तुहां जो खरे इरादे सौगी सखाणा चाइदा, जिसते लोक तुहां दी इज्जत करन।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

इब्रानियों 11:2

अहां दे पूर्वजां जो एह़ बसुआस था, सिर्फ इसा बज़ाह ते परमात्मा तिन्हां ते खुस था।

इब्रानियों 13:18

अहां तांई प्रार्थना करदे रेह्आ। अहां जो भरोसा ऐ कि अहां दा जमीर साफ ऐ। कने अहां सारियां गल्लां च जेह्ड़ियां अहां करदे हन, परमात्मे दी महिमा करणा चांह़दे हन।

याकूब 1:27

अहां दे पिता परमात्मे दे सामणै सुद्ध कने सच्ची भक्ति एह़ ऐ कि अनाथां कने बिधवां दे दुखां च तिन्हां दा ख्याल रखन, कने अपणे आप्पे जो संसारे दे बुरे कम्मां ते बचाई करी रखन।

याकूब 3:17

अपर जेह्ड़ा ज्ञान सुअर्गे ते मिलदा ऐ सैह़ पैहल्लैं तां पवित्र हुंदा ऐ, भिरी मिलणसार, नरम, खरा लगणे आल़ा, दया, कने खरे-खरे फल़ां नैं भरोया, बगैर भेदभाव, कने बगैर कपटा ते हुंदा ऐ।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 4:8

साबना ते बड्डी गल्ल एह़ ऐ कि इक्की दूये नैं प्यार रखा, क्जोकि जे तुहां इक्की दूये नैं प्यार करदे हन तां तुहां हमेसा तिन्हां देयां अपराधां जो माफ करणे तांई त्यार रैंह्दे हन, जेह्ड़ियां तिन्हां कित्तियां हन।

2 पतरस 3:1

हे मेरे प्यारे साथी बसुआसियो, हुण मैं तुहां जो एह़ दूई चिठ्ठी लिखा दा ऐ, कने दून्नी चिठ्ठियां च मैं तुहां जो तिन्हां गल्लां दी जेह्ड़ियां तुहां पैहल्ले ते सिखियां हन, याद करवाणे दी कोसस करी नैं हौंसला दिंदा ऐ, तांजे तुहां तिन्हां गल्लां दे बारे च खरे कित्ते सोचन,

1 यूहन्ना 3:18

हे मेरे प्यारे बच्चो, अहां वचने ते कने गल्लां-बातां ते ई नीं, अपर कम्मे कने सच्चाईया दे जरिये भी प्यार करन।

1 यूहन्ना 3:3

कने जेह्ड़ा कोई मसीह पर एह़ आस रखदा ऐ, सैह़ अपणे आप्पे जो तिंआं ई पवित्र करदा ऐ, जिंआं सैह़ पवित्र ऐ।

1 यूहन्ना 4:1

हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।