फिलिप्पियों 4:5 - काँगड़ी

⁵ सारे माणु तुहां दे नरम सभावे जो जाणी लैन। प्रभु दा बापस औणां नेड़े ऐ।

फिलिप्पियों 4:5 Iomraidhean Croise

मत्ती 6:25

“इसतांई मैं तुहां नैं ग्लांदा ऐ, कि अपणिया ज़िन्दगिया दे बारे च एह़ फिकर मत करा कि अहां क्या खाणा कने क्या पीणा, कने ना अपणे सरीरे तांई कि क्या लगाणा। क्या ज़िन्दगी खाणे ते, कने सरीर कपड़ेयां ते भी जादा कीमती नीं ऐ?

मत्ती 6:34

कने कल्ले दी फिकर मत करा, क्जोकि कल्ले दा दिन अपणी फिकर अप्पु करी लैंगा; अज्जे तांई अज्जे दा ई दुख बड़ा भरी ऐ।”

लूका 21:34

“इस बज़ाह ते चौकन्ने रेह्आ, कुत्थी इआं नीं होयैं कि तुहां दे मने च खुमार, कने मतवाल़ापन, कने इसा ज़िन्दगिया दी फिकर करी नैं सुस्त होई जान, कने सैह़ दिन तुहां पर गल़फाये साइआं चाणचक आई पोयैं।

1 कुरिन्थियों 16:22

हे अहां दे प्रभु, आ।

1 कुरिन्थियों 6:7

जाह़लू तुहां च कोई दूये जो कचेहरिया च लेई करी जांदा ऐ, तां इसदा मतलब एह़ ऐ, कि तुहां बिलकुल भी मसीह नियमां दे मताबक नीं जीआ दे हन, इसदी बजाये तुहां ई अन्याय कने नकसान क्जो नीं झेली लैंदे?

1 कुरिन्थियों 8:13

इसतांई जे मूर्तियां सामणै चढ़ाईयां चीज्जां खाणे ते दूये बसुआसी भाऊ बसुआसे च कमजोर हुंदे हन, तां मैं इन्हां चीज्जां जो कदी नीं खांगा, जिसते कि मैं कुसी बसुआसी भाऊये तांई ठोकरा दी बज़ाह नीं बणैं।

1 कुरिन्थियों 9:25

हर इक्क पैहलवाण जेह्ड़ा कुश्तिया च हिस्सा लैंदा ऐ; सैह़ सबर रखदा ऐ। सैह़ तां नास होणे आल़े मुकटे जो हासल करणे तांई एह़ सब कुच्छ करदा ऐ, अपर अहां तां तिस मुकटे जो हासल करणे तांई करदे हन जेह्ड़ा नास नीं हुंदा ऐ।

2 कुरिन्थियों 10:1

मैं सैई पौलुस जेह्ड़ा तुहां सामणै दीन ऐ, अपर पिठ्ठी पचांह़ तुहां दे पास्से हिम्मत करदा ऐ। तुहां जो मसीह दी नम्रता कने कोमलता दिया बज़ाह ते मेरियां गल्लां सुणने तांई विणती करदा ऐ।

2 थिस्सलुनीकियों 2:2

तुहां चाणचक अपणिया होसा जो कुसी भी आत्मा, वचन, चिठ्ठी दिया बज़ाह ते मत गुआंदे, जेह्ड़ी लगदी ऐ कि अहां लिखियो ऐ। कने जिसा च एह़ लिख्या होयैं कि प्रभु दा दिन आई पुज्जया ऐ; तां तुहां दा मन चाणचक घबराई नीं जां।

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

इब्रानियों 10:25

कने अराधना च इक्की दूये सौगी किठ्ठे होणा मत छड्डा, जिंआं कुच्छ लोक करदे हन, अपर इक्की दूये जो हौंसला दिंदे रेह्आ। कने जिंआं-जिंआं तुहां प्रभु दे बापस ओणे दे दिन नेड़े ओंदे दिक्खन, तां तिंआं-तिंआं इक्की दूये दे हौंसले जो होर बधांदे रेह्आ।

इब्रानियों 10:37

क्जोकि जिंआं पवित्रशास्त्रे च लिख्या ऐ, “हुण बड़ा ई थोड़ा बग्त रेई गेआ ऐ, जाह़लू कि ओणे आल़ा ओंगा, कने देर नीं करगा।

1 पतरस 1:11

मसीह दी आत्मा तिन्हां च थी, कने एह़ दस्सा दी थी कि किंआं मसीह दुख झेलगा कने किंआं तिसियो महिमा मिलगी। इसतांई तिन्हां एह़ छाण-बीण कित्ती कि मसीह सच्च बिच्च कुण हुंगा कने एह़ कुस बग्त हुंगा?

1 पतरस 4:7

सारियां गल्लां दा अन्त तौल़ी होणे आल़ा ऐ; इसतांई अपणे आप्पे पर काबू करी नैं कने सच्चाई नैं प्रार्थना च लग्गी रेह्आ।

प्रकाशितवाक्य 22:20

जेह्ड़ा इन्हां गल्लां दी गवाही दिंदा ऐ सैह़ एह़ ग्लांदा ऐ, “हाँ, मैं तौल़ी ओणे आल़ा।” मैं यहून्ना जवाब दिंदा ऐ आमीन। हे प्रभु यीशु आ।

प्रकाशितवाक्य 22:7

“दिक्ख, मैं तौल़ी ओणे आल़ा। धन ऐ सैह़ जेह्ड़ा इसा कताबा दी भविष्यवाणी दियां गल्लां मनदा ऐ।”