फिलिप्पियों 4:18 - काँगड़ी

¹⁸ मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

फिलिप्पियों 4:18 Iomraidhean Croise

प्रेरितां दे कम्म 10:4

तिन्हीं तिसियो ध्याने नैं दिख्या कने डरी करी ग्लाया, “हे प्रभु, क्या ऐ?” तिन्हीं तिस नैं ग्लाया, “तेरी प्रार्थना सुणी लेई ऐ कने तेरे दान परमात्मे सामणै याद कित्ते गै हन।

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

2 कुरिन्थियों 11:8

तुहां इआं नीं ग्लान कि मैं होरनी कलीसियां जो लुटी लेआ ऐ, अपर मैं तिन्हां ते दान लेआ, तांजे तुहां दी सेवा करी सकैं।

2 कुरिन्थियों 9:12

क्जोकि इसा सेवा दे पूरा करणे ते ना सिर्फ परमात्मे दे लोकां दी जरूरतां पूरियां हुंदियां हन, अपर लोकां दिया तरफा ते परमात्मे दा भी बड़ा धन्यावाद हुंदा ऐ।

इफिसियों 5:2

कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

फिलिप्पियों 4:12

मैं थोड़े च भी ज़िन्दगी जी सकदा ऐ, कने जरूरता ते जादा होणे पर भी जीणा जाणदा ऐ। भुखा रैहणा, कने बधणा घटणा, इन्हां हर इक्क गल्ला च कने सारे हलातां च मैं जीणा सीखी लेआ।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

इब्रानियों 13:16

कने भलाई करणे तांई कने इक्की दूये दी मदत करणे तांई त्यार रेह्आ, क्जोकि परमात्मा ऐदेय बलिदानां ते खुस हुंदा ऐ।

1 पतरस 2:5

तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।