फिलिप्पियों 3:9 - काँगड़ी

⁹ तांजे मैं तिस सौगी एकता च जी सकैं; ना कि अपणी तिसा धार्मिकता दे सौगी, जेह्ड़ी मूसा दिया व्यबस्था ते ऐ, अपर तिसा धार्मिकता दे सौगी जेह्ड़ा मसीह पर बसुआस करणे दिया बज़ाह ते ऐ, कने परमात्मे दे पास्से ते बसुआस करणे पर मिन्जो मिलदी ऐ,

फिलिप्पियों 3:9 Iomraidhean Croise

मत्ती 9:13

इसतांई तुहां जाई नैं इसदा मतलब सीखी लेआ। मैं बलिदान नीं अपर दया चांह़दा। क्जोकि मैं धर्मियां जो नीं, अपर पापियां जो सदणा आया ऐ तांजे पापी उद्धार पान।”

रोमियो 1:17

क्जोकि तिस सुसमाचारे च परमात्मे दी धार्मिकता बसुआसे ते कने बसुआसे तांई प्रगट हुंदी ऐ, जिंआं पवित्रशास्त्रे च लिख्या ऐ, “सैह़ माणु जेह्ड़ा बसुआसे दे जरिये धर्मी बणेया ऐ, जिन्दा रैंह्गा।”

रोमियो 10:10

क्जोकि परमात्मे दिया नजरा च धर्मी बणने तांई मने ते बसुआस कित्ता जांदा ऐ, कने उद्धार तांई मुँऐ ते अंगीकार कित्ता जांदा ऐ।

रोमियो 16:7

भाऊ अन्द्रुनीकुस कने यूनियासे बैह्णी जो जेह्ड़े मेरे जाति दे लोक हन, कने मिन्जो सौगी जेला च थे तिन्हां जो भी मेरा नमस्कार। एह़ लोक प्रेरितां च मनेयो-तनेयो कने मिन्जो ते पैहल्ले मसीह दे चेले बणी गियो थे।

रोमियो 5:21

कि जिंआं पापें मौत्ती जो फैलाई करी सारे लोकां पर राज्ज कित्ता, तिंआं ई अहां दे प्रभु यीशु मसीह दे जरिये परमात्मे दा अनुग्रह भी सदा दी ज़िन्दगिया तांई धर्मी बणाई करी राज्ज करदा ऐ।

रोमियो 8:1

इसतांई हुण जेह्ड़ा यीशु मसीह च ऐ, तिन्हां पर सज़ा दा हुक्म नीं। क्जोकि सैह़ सरीरे मताबक नीं अपर पवित्र आत्मा मताबक चलदे हन।

रोमियो 8:3

क्जोकि जेह्ड़े कम्म मूसा दिया व्यबस्था अहां दे पापी सभावे दिया बज़ाह ते कमजोर होई नैं नीं करी सकी। सैह़ कम्म परमात्मैं करी दित्ते हन, मतलब जिन्हीं अहां दे पापां दी माफी तांई अपणे पुत्तरे जो बलिदान होणे तांई घल्लेया, कने जिन्हीं अहां पापी माणुआं साइआं सरीर धारण कित्ता, कने परमात्मैं मसीह दे सरीरे च पापे जो सज़ा दा हुक्म दित्ता।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

2 कुरिन्थियों 5:17

इसतांई जे कोई मसीह पर बसुआस करदा ऐ, तां सैह़ मसीह च नौआं माणु ऐ। पराणियां गल्लां बीती गियां हन। दिक्खा, सारियां गल्लां नौईआं होई गियां हन।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

गलातियों 2:16

तमी सैह़ जाणी करी कि माणु व्यबस्था दे कम्मां ते नीं, अपर सिर्फ यीशु मसीह पर बसुआस करणे दे जरिये धर्मी बणदा ऐ, अहां अप्पु भी यीशु मसीह पर बसुआस कित्ता कि अहां मूसा दिया व्यबस्था जो मन्नणे ते नीं, अपर मसीह पर बसुआस करणे ते धर्मी बणे; क्जोकि मूसा दिया व्यबस्था जो मन्नणे ते कोई माणु धर्मी नीं बणगा।

फिलिप्पियों 3:6

जोशे दे बारे च जे ग्लान, तां कलीसिया जो सताणे आल़ा। कने यहूदी व्यबस्था जो मन्नणे दी गल्ल ग्लान, तां मैं धर्मी माणु था, क्जोकि मैं तिसा व्यबस्था दा पालण करदा था।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

तीतुस 3:5

तां तिन्हीं अहां जो अहां दे पापां दिया सज़ा ते बचाया, कने एह़ धार्मिकता दे कम्मां दिया बज़ाह ते नीं ऐ, जेह्ड़े अहां अप्पु कित्ते, अपर तिन्हीं अपणिया दया मताबक कित्ता ऐ, तिन्हीं अहां दे पापां जो धोई नैं दूर कित्ता ऐ, कने पवित्र आत्मा दे जरिये अहां जो नौआं जन्म कने नौई ज़िन्दगी दित्ती ऐ।

इब्रानियों 6:18

तां भिरी ऐत्थु दूँ गल्लां दा जिकर ऐ, इक्क तिसदा वादा कने दूई तिसदी कसम जेह्ड़े कदी नीं बदली सकदे कने जिन्हां दे बारे च परमात्मा कदी झूठ नीं ग्लाई सकदा। इसतांई अहां जेह्ड़े परमात्मे दे नेड़े पनाह लैणे जो आएयो हन कने जेह्ड़ी आसा तिन्हीं अहां जो दित्तियो ऐ, तिसा जो पकड़ी करी रखेया ऐ, कने अहां बड़े खुस हन।

याकूब 3:2

अहां सारे ग्लाणे च मती बरी गलती करी जांदे हन; अपर जेह्ड़ा कोई ग्लाणे च गलती नीं करदा सैई तां सिद्ध माणु ऐ, कने सैह़ सारे सरीरे जो अपणे बसे च करी सकदा ऐ।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

1 यूहन्ना 3:4

जेह्ड़ा कोई लगातार पाप करदा ऐ, सैह़ परमात्मे दिया व्यबस्था दा बरोध करदा ऐ; कने व्यबस्था दा बरोध करणा ई पाप ऐ।