फिलिप्पियों 3:8 - काँगड़ी

⁸ अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

फिलिप्पियों 3:8 Iomraidhean Croise

लूका 1:43

मैं अपणे आप्पे जो बड़ी भाग्यवान समझदी ऐ, कि मेरे प्रभु दी माँ मेरे घरेयो आईयो ऐ,

लूका 11:20

अपर जे मैं परमात्मे दी सामर्थी नैं दुष्टआत्मां जो कड्डदा ऐ, तां परमात्मे दा राज्ज तुहां अल्ल आई रेह्आ ऐ।

यूहन्ना 14:20

जाह़लू मैं मरेयां ते दुवारी जिन्दे होई करी बापस ओंगा, तां तिस दिन तुहां जाणी लैंगे कि मैं अपणे पिता च ऐ, कने तुहां मिन्जो च, कने मैं तुहां च।

यूहन्ना 14:7

जे तुहां मिन्जो जाणेया हुंदा, तां मेरे पिता जो भी जाणदे; कने हुण तिसियो जाणदे हन, कने तिसियो दिख्या भी ऐ।”

यूहन्ना 16:3

इआं तिन्हां इसतांई करणा कि तिन्हां ना तां पिता जो जाणेया ऐ कने ना तां मिन्जो जाणदे हन।

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

यूहन्ना 17:8

क्जोकि जेह्ड़े वचन तैं मिन्जो दित्यो, मैं सैह़ वचन तिन्हां अल्ल पज्जाई दित्ते; कने तिन्हां वचनां जो अपनाई लेआ, कने सच्च-सच्च जाणी लेआ ऐ कि मैं तेरे पास्से ते आया, कने बसुआस करी लेआ ऐ कि तैंईं मिन्जो घल्लेया।

यूहन्ना 20:13

तिन्हां तिसा नैं ग्लाया, “हे नारी, तू क्जो रोआ दी ऐ?” तिन्नै तिन्हां नैं ग्लाया, सैह़ मेरे प्रभु दिया लाह्सा जो चुक्की लेई गियो हन, कने मैं नीं जाणदी कि तिसियो कुत्थू रखेया ऐ।

यूहन्ना 20:28

एह़ सुणी थोमे जवाब दित्ता, “हे मेरे प्रभु हे मेरे परमात्मा।”

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

रोमियो 8:18

मैं जाणदा ऐ, कि इस बग्ते दे दुख कने मुसीबत परमात्मे दिया महिमा दे सामणै कुच्छ भी नीं हन, जेह्ड़ी अहां पर प्रगट होणे आल़ी ऐ।

1 कुरिन्थियों 2:2

क्जोकि मैं एह़ फैसला करी लेआ था कि मैं यीशु मसीह जो कने तिसदिया सूल़िया दिया मौत्ती जो छड्डी नैं होर कुसी भी गल्ला जो नीं जाणेया।

1 कुरिन्थियों 9:10

सैह़ खास करी नैं अहां दे बारे च ग्लादा था। हाँ, एह़ अहां तांई पवित्रशास्त्रे च लिख्या ऐ, कि “सारे जेह्ड़े हल़ चलांदे कने दाणेयां पींदे हन, सैह़ फसला ते ई अपणा हिस्सा पाणे दी आसा करगे।”

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

2 कुरिन्थियों 4:6

इसतांई कि परमात्मे ग्लाया, “नेहरे ते जोत्ती चमके,” कने परमात्मे अहां दे मनां च इक्क जोत्ती साइआं समझ दित्ती, तांजे अहां परमात्मे दिया महिमा जो दिक्खी सकन, जेह्ड़ी यीशु मसीह च प्रगट हुंदी ऐ।

इफिसियों 4:13

एह़ लगातार हुंदा रैंह्गा, कि जाह़लू तिकर अहां सारे अहां दे बसुआसे कने परमात्मे दे पुत्तरे दे ज्ञाने दे जरिये इक्क मन नीं होई जान। तां अहां मसीह साइआं सिद्ध बणगे कने पूरे तरीके नैं तिस साइआं हुंगे।

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 3:10

मैं एह़ चांह़दा ऐ कि मसीह जो जाणी लैं। कने तिसदे दुवारी जिन्दे होणे दिया सामर्थी जो मसूस करी सकैं, कने तिसदे दुख झेलणे च साझी होई नैं, कने मौत्ती च तिस साइआं बणी जां।

फिलिप्पियों 3:12

एह़ मतलब नीं कि मैं इन्हां सारी चीज्जां जो पैहल्ले ते पाई चुकेया ऐ, या सिद्ध होई चुकेया ऐ। अपर मैं तिसा चीज्जा जो पाणे तांई गांह बधदा जा दा ऐ, तांजे मैं सिद्ध होई जां। जिस तांई यीशु मसीयैं मिन्जो चुणेया था,

फिलिप्पियों 3:7

अपर जेह्ड़ियां-जेह्ड़ियां गल्लां मैं सोचियां कि मेरे फायदे दियां हन, तिन्हां जो मैं मसीह जो जाणने तांई बेकार समझी लेआ ऐ।

2 तीमुथियुस 4:6

मैं तुहां जो एह़ हुक्म इसतांई दिंदा ऐ, कि मेरी ज़िन्दगी कने मेरा परमात्मे तांई कम्म खत्म होणे आल़ा ऐ क्जोकि मैं जाणदा कि मैं तौल़ी ई मरी जांगा।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

1 पतरस 2:7

एह़ पत्थर तुहां तांई जेह्ड़े यीशु मसीह पर बसुआस करदे हन बड़ा भरी कीमती ऐ, अपर पवित्रशास्त्र तिन्हां लोकां दे बारे च जेह्ड़े बसुआस नीं करदे एह़ ग्लांदा ऐ: “जिस पत्थरे जो राजमिस्त्रियां बेकार समझेया था, सैई कुणे दा सिरा बणी गेआ,”

2 पतरस 1:2

मैं प्रार्थना करदा ऐ, कि जिंआं तुहां परमात्मे दे ज्ञाने च कने अहां दे प्रभु यीशु मसीह च बधा दे हन, तां परमात्मे ते तुहां जो जादा ते जादा अनुग्रह कने सांति मिलदी रैंह्।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

2 पतरस 1:8

क्जोकि जे एह़ सारियां गल्लां तुहां च हन, तां सैह़ तुहां दे फायदे तांई हन, कने एह़ तुहां जो प्रभु यीशु मसीह दे ज्ञाने च बधणे तांई मदत करगियां।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

1 यूहन्ना 2:19

मसीह दे बरोधी तां अहां ते ई निकल़ेयो हन, अपर सैह़ अहां दे अपणे नीं थे। क्जोकि जे सैह़ अहां दे अपणे हुंदे, तां अहां सौगी रैंह्दे; अपर इसतांई निकल़ी गै तांजे एह़ पता लग्गी जां कि सैह़ सारे अहां दे अपणे नीं हन।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।