फिलिप्पियों 3:6 - काँगड़ी

⁶ जोशे दे बारे च जे ग्लान, तां कलीसिया जो सताणे आल़ा। कने यहूदी व्यबस्था जो मन्नणे दी गल्ल ग्लान, तां मैं धर्मी माणु था, क्जोकि मैं तिसा व्यबस्था दा पालण करदा था।

फिलिप्पियों 3:6 Iomraidhean Croise

मत्ती 23:25

“हे पाखंडी सास्त्री कने फरीसी माणुओ, तुहां पर हाय, तुहां तिन्हां कटोरे कने थाल़िया साइआं हन, जेह्ड़ियां बाहरे ते साफ कने अंदरे ते गंदियां हन, तिंआं ई तुहां दे मन अंदरे ते लालची कने मतलबी हन।

मत्ती 5:20

क्जोकि मैं तुहां नैं सच्च ग्लांदा ऐ, कि जे तुहां परमात्मे दे हुक्मां जो सास्त्री कने फरीसी माणुआं दे हुक्मां ते बधी नैं मनगे, तां तुहां सुअर्गे दे राज्जे च पुज्जी सकगे।

लूका 1:6

जकरियाह कने इलीशिबा परमात्मे सामणै बड़े धर्मी थे, कने परमात्मे दे सारे हुक्मां कने विधिया पर सिध्धे मने नैं चलणे आल़े थे।

प्रेरितां दे कम्म 21:20

तिन्हां एह़ सुणी करी परमात्मे दी महिमा कित्ती, भिरी तिस नैं ग्लाया, “हे भाऊ, तू जाणदा ऐ कि यहूदियां च मतेआं हज़ारां लोकां बसुआस कित्ता ऐ; कने तिन्हां सारेयां मूसा दिया व्यबस्था जो बड़े बसुआसे नैं पालण कित्ता।

प्रेरितां दे कम्म 22:5

इसा गल्ला तांई अप्पु ई महायाजक कने महासभा दे सारे स्याणे गवाह हन, कि तिन्हां च मैं यहूदी भाऊआं दे नांऐ दियां चिठ्ठियां लेई करी दमिश्क सैहरे जो चलेया था, कि जेह्ड़े तित्थु हन तिन्हां जो भी सज़ा दुआणे तांई बन्नी करी यरूशलेम सैहरे जो लेई औयें।

प्रेरितां दे कम्म 26:5

जे सैह़ गवाही दैणा चां, तां जुआनिया ते ई मिन्जो पणछैणदे हन, कि मैं फरीसी होई करी अपणिया धार्मिकता दे सबते कट्टर धर्मे दे मताबक चलेया।

प्रेरितां दे कम्म 8:3

शाऊल कलीसिया जो सता दा था; कने घर-घर जाई करी बसुआसी मर्दां कने जणासां जो घसीटी-घसीटी करी जेला च पांदा था।

रोमियो 7:9

इक्क बग्त था जाह़लू मैं व्यबस्था दे बगैर ज़िन्दगी जींदा था, अपर जाह़लू मैं व्यबस्था जो जाणेया, ताह़लू मेरे अंदर पाप करणे दियां इच्छां जागियां, कने मैं परमात्मे ते दूर होई गेआ।

1 कुरिन्थियों 10:32

तुहां ना यहूदी लोकां, ना यूनानी लोकां कने ना परमात्मे दी कलीसिया तांई ठोकरा दी बज़ाह बणा।

1 कुरिन्थियों 15:9

क्जोकि मैं सारे प्रेरितां च जादा खास नीं ऐ, अपर प्रेरित कैहलाणे जोग्गा भी नीं ऐ, क्जोकि मैं परमात्मे दिया कलीसिया च बसुआसी लोकां जो बड़ा सताया था।

फिलिप्पियों 2:15

तांजे तुहां बेकसूर कने भोल़े होई नैं टेढे कने बेइमान लोकां दे बिच्च परमात्मे दी बेदाग औलाद बणी रेह्आ, कने जिन्हां बिच्च तुहां ज़िन्दगिया दा वचन लेई करी संसारे च अम्बरे दे तारेयां साइआं चमकदे दुस्सा दे हन।

फिलिप्पियों 3:9

तांजे मैं तिस सौगी एकता च जी सकैं; ना कि अपणी तिसा धार्मिकता दे सौगी, जेह्ड़ी मूसा दिया व्यबस्था ते ऐ, अपर तिसा धार्मिकता दे सौगी जेह्ड़ा मसीह पर बसुआस करणे दिया बज़ाह ते ऐ, कने परमात्मे दे पास्से ते बसुआस करणे पर मिन्जो मिलदी ऐ,

1 तीमुथियुस 1:13

मसीह च बसुआस करणे ते पैहल्लैं मैं मसीह दी निंदा करदा था, कने बसुआसी लोकां पर जुल्म करी नैं बड़ी बेरैहमिया नैं तिन्हां दा नकसान करदा था। अपर भिरी भी परमात्मे मिन्जो पर दया कित्ती, क्जोकि मिन्जो नीं पता था कि मैं क्या करा दा ऐ, कने तिस बग्ते तिकर मैं यीशु मसीह पर बसुआस नीं करदा था।