Biblia Todo Logo
Bìoball air-loidhne

- Sanasan -




फिलिप्पियों 3:3 - काँगड़ी

3 क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

Faic an caibideil Dèan lethbhreac




फिलिप्पियों 3:3
32 Iomraidhean Croise  

परमात्मा जिसदी सेवा मैं अपणे पूरे मने नैं तिसदे पुत्तरे दे सुसमाचार दे बारे च करदा ऐ, सैई मेरा गवाह ऐ, कि मैं तुहां लोकां जो अपणिया प्रार्थना च लगातार याद करदा रैंह्दा ऐ,


इसतांई मैं यीशु मसीह दिया बज़ाह ते परमात्मे दिया सेवा पर गरूर करी सकदा ऐ।


अपर अहां जिसा व्यबस्था दे बंधने च पैहल्ले थे तिस तांई मरी नैं, हुण व्यबस्था ते इआं छुटी गै, कि हुण लिखियो नियमां दे पराणे तरिकेयां मताबक नीं, अपर पवित्र आत्मा दे जरिये इक्की नौये तरीके नैं परमात्मे दी सेवा करदे हन।


क्जोकि तुहां लोकां जो गुलामी दी आत्मा नीं मिलियो, जिसाते भिरी डरणा लग्गी जान, अपर पवित्र आत्मा अहां जो परमात्मे दे बच्चे बणांदा ऐ, जिसियो अहां “हे अब्बा, हे पिता” ग्लाई नैं पुकारदे हन।


अपर एह़ नीं कि परमात्मा अपणे वादे पूरे करणे च नाकामयाब होई गेआ ऐ, इसतांई कि इस्राएले दे सारे वंश परमात्मे दे सच्चे लोक नीं हन;


जाह़लू कि मते लोक संसारे दे लोकां मताबक घमंड करदे हन, तां मैं भी घमंड करगा।


जे अहां परमात्मे दिया आत्मा दे जरिये जिन्दे हन, तां आत्मा मताबक ज़िन्दगी जीन भी।


परमात्मा तिन्हां सारेयां जो सांति कने आसीष दिंगा, जेह्ड़े इन्हां नियमां पर चलदे हन, क्जोकि सैह़ परमात्मे दे लोक हन।


कने हर बग्त जिंआं पवित्र आत्मा दस्सदा ऐ, अहां जो प्रार्थना कने विणती करदे रेह्आ, कने इसतांई जागदे रेह्आ कि सारे परमात्मे दे लोकां तांई लगातार विणती करदे रेह्आ करा,


मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।


एह़ मतलब नीं कि मैं इन्हां सारी चीज्जां जो पैहल्ले ते पाई चुकेया ऐ, या सिद्ध होई चुकेया ऐ। अपर मैं तिसा चीज्जा जो पाणे तांई गांह बधदा जा दा ऐ, तांजे मैं सिद्ध होई जां। जिस तांई यीशु मसीयैं मिन्जो चुणेया था,


मैं लक्ष्य दे पास्से दौड़दा चली जांदा ऐ, तांजे सुअर्गीय इनाम पाई सकैं, जिस तांई परमात्मैं मिन्जो यीशु मसीह दे जरिये सुअर्गे जो सद्देया ऐ।


मसीयैं भी तुहां दे पापे आल़िआं आदतां जो दूर कित्या ऐ। ठीक तिंआं ई जिंआं खतणा करदे बग्त थोड़ा देहया मास सरीरे ते हटाया जांदा ऐ।


अपर हे मेरे प्यारे साथी बसुआसियो, तुहां लगातार इक्की दूये दी मदत करदे, कने हौंसला दिंदे रेह्आ, कि तुहां पवित्र आत्मा च प्रार्थना कने बसुआस करदे हन। जेह्ड़ी तुहां जो सच्चाईया दा रस्ता दस्सदी ऐ,


Lean sinn:

Sanasan


Sanasan