फिलिप्पियों 3:2 - काँगड़ी

² तिन्हां लोकां ते चौकनै रेह्आ, जेह्ड़े जंगली कुत्तेआं साइआं खतरनाक हन, बुरे कम्म करणे आल़े हन, कने ग्लांदे हन, कि छुटकारा पाणे तांई खतणा जरूरी ऐ।

फिलिप्पियों 3:2 Iomraidhean Croise

मत्ती 24:10

तिन्हां दिनां च मतेआं दा बसुआस जांदा रैंह्गा, कने इक्की दूये जो पकड़ुआंगे, इक्की दूये नैं बैर रखगे।

मत्ती 7:15

“झूठे भविष्यवक्ता ते चौकन्ने रेह्आ, जेह्ड़े भेड्डां दे भेसे च ओंदे हन, अपर असल च सैह़ चीरणे आल़े भेड़िये हन।

मत्ती 7:6

“पवित्र चीज्ज कुत्तेआं जो मत देआ, कने अपणे मोती सूरां गांह मत पा, इआं ना होयैं कि सैह़ तिन्हां जो पैरां थल्लैं देई दैंन कने मुड़ी नैं तुहां जो चिरी-फाड़ी दैंन।

रोमियो 2:28

क्जोकि ऐदेया नीं कि तू जन्म ते यहूदी ऐ, कने बाहरे ते यहूदी लगदा ऐ; कने ना ई सैह़ खतणा ऐ जेह्ड़ा प्रगट च ऐ कने सरीरे च ऐ।

2 कुरिन्थियों 11:13

क्जोकि देहय् लोक झूठे प्रेरित, कने छले नैं कम्म करणे आल़े हन, कने मसीह दा प्रेरित होणे दा ढोंग करदे हन।

गलातियों 5:13

हे प्यारे साथी बसुआसियो, तुहां अजाद होणे तांई सद्देयो हन; अपर इसा अजादिया जो अपणी सरीरे दी इच्छा जो पूरी करणे दा मौका मत बणा, अपर प्यारे नैं इक्की दूये दी सेवा करा।

गलातियों 5:15

अपर जे तुहां इक्क दूये जो जंगली जानवरां साइआं दंदे नैं कटदे कने फाड़दे हन, तां चौकन्ने रेह्आ कि इक्की दूये दा नास नीं करी दैंन।

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

फिलिप्पियों 3:19

तिन्हां दा अन्त विनाश ऐ, तिन्हां दा ईश्वर तिन्हां दे सरीरे दी इच्छा ऐ, अपणियां सर्मां दियां गल्लां पर घमंड करदे हन, कने संसारे दियां चीज्जां पर मन लगाई रखदे हन।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

1 तीमुथियुस 1:19

तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

2 पतरस 2:22

तिन्हां पर एह़ काहवत ठीक बैंहदी ऐ, कि “कुत्ता अपणिया उल्टिया दे पास्से जांदा ऐ,” कने “न्हौतियो सूअरनी चिकड़े च लमड़ूणे तांई भिरी बापस जांदी ऐ।”

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।

प्रकाशितवाक्य 2:9

मैं तेरे दुखे कने गरीबिया जो जाणदा ऐ अपर सच्चाई एह़ कि तू अमीर ऐ; कने जेह्ड़े लोक अपणे आप्पे जो यहूदी ग्लांदे हन, अपर सच्चाई ऐ कि सैह़ हन नीं, एह़ लोक दावा करदे हन कि सैह़ परमात्मे पचांह़ चलणे आल़े हन, अपर सच्चाई एह़ ऐ कि सैह़ सैताने पचांह़ चलदे हन, मैं तिन्हां दी इस निंदा जो भी जाणदा ऐ।

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 22:15

अपर कुत्ते, जादू-टूणा करणे आल़े, ब्यभिचारी, हत्यारे, मूर्ति दी पूजा करणे आल़े, हर इक्क झूठ दा साथ दैणे आल़े, झूठ ग्लाणे आल़े बाहर रैंह्गे।

प्रकाशितवाक्य 3:9

इसतांई सैह़ लोक जेह्ड़े सैताने दिया सभा दे हन, सैह़ एह़ दावा करदे हन कि सैह़ परमात्मे दे चुणेयो लोक हन, अपर सच्चाई ऐ कि सैह़ झूठ ग्लांदे हन, इसतांई मैं इआं करगा कि सैह़ आई करी तिज्जो प्रणांम करगे, कने एह़ जाणी लैंगे कि मैं तिज्जो नैं प्यार कित्ता ऐ।