फिलिप्पियों 3:19 - काँगड़ी

¹⁹ तिन्हां दा अन्त विनाश ऐ, तिन्हां दा ईश्वर तिन्हां दे सरीरे दी इच्छा ऐ, अपणियां सर्मां दियां गल्लां पर घमंड करदे हन, कने संसारे दियां चीज्जां पर मन लगाई रखदे हन।

फिलिप्पियों 3:19 Iomraidhean Croise

मत्ती 16:23

तिन्हीं मुड़ी करी पतरसे नैं ग्लाया, “हे सैतान, मेरे सामणै ते दूर होई जा। तू मिन्जो तांई ठोकरा दी बज़ाह ऐ; क्जोकि तू परमात्मे दियां गल्लां पर मन नीं, अपर माणुआं दियां गल्लां पर मन लगांदा ऐ।”

मत्ती 25:41

“ताह़लू सैह़ खब्बे पास्से आल़ेआं नैं ग्लांगा, ‘हे श्रापित लोको, मेरे सामणै ते तिसा सदा दी अग्गी च चली जा, जेह्ड़ी परमात्मे सैताने कने तिसदे दूतां तांई त्यार कित्तियो ऐ।

लूका 12:19

तिसते बाद सैह़ अपणे आप्पे नैं ग्लांगा, हे मेरे सरीर, तिज्जो अल्ल मते साल्लां तांई खाणे तांई बड़ा अनाज कने मती धन दौलत रखियो ऐ। आरामें नैं खा पी कने मौजा नैं रैह्।’

लूका 16:19

“इक्क अमीर माणु था जेह्ड़ा मैंह्गे कपड़े पैहणदा कने हर रोज सुख-विलासे च कने बड़ी ठाट बाट नैं रैंह्दा था।

लूका 18:4

मतेआं दिनां तिकर तां सैह़ नीं मन्नेया अपर अन्त च सोची नैं ग्लाया, ‘कने मैं ना परमात्मे ते डरदा, कने ना माणुआं दी कुच्छ परवाह करदा ऐ,

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

रोमियो 6:21

तुहां बुरे कम्म कित्ते हन कने हुण तुहां तिन्हां गल्लां ते सर्मिंदा हुंदे हन, तिन्हां सारे बुरे कम्मां ते तुहां दा क्या फायदा होएया ऐ? क्जोकि इन्हां दा नतीजा तां मौत्त ऐ।

1 कुरिन्थियों 3:3

क्जोकि तुहां अह्ल्ली भी इन्हां संसारिक लोकां साइआं जीआ दे हन। इसतांई कि जाह़लू तुहां च जल़ण कने लड़ाई झगड़े हुंदे हन, तां क्या सैह़ एह़ साबित नीं करदा? कि तुहां संसारे दे हन, क्या तुहां इन्हां संसारिक लोकां साइआं नीं जीआ दे हन?

1 कुरिन्थियों 5:2

कने तुहां अपणे आप्पे च बड़ा घमंड करदे हन, अपर तुहां जो दुख कने सर्म होणा चाइदी, कने तुहां जो ऐदेय माणुये जो अपणिया कलीसिया ते बाहर कड्डणा चाइदा।

1 कुरिन्थियों 5:6

तुहां जो घमंड करणा खरा नीं; क्या तुहां नीं जाणदे कि थोड़ा देहया खमीर पूरे गुन्नेयो आटे जो खमीर बणाई दिंदा ऐ।

2 कुरिन्थियों 11:12

अपर जेह्ड़ा कुच्छ मैं करदा ऐ, सैई करदा रैंह्गा कि जेह्ड़े लोक मौका तोपदे हन, तिन्हां जो मैं मौका नीं दिंदा, तांजे सैह़ तिन्हां कम्मां च घमंड नीं करी पान, तिन्हां दे कम्म अहां ई साइआं हन।

2 कुरिन्थियों 11:15

इसतांई जे सैताने दे सेवक भी धार्मिकता दे सेवकां साइआं होणे दा ढोंग करन, तां कोई बड्डी गल्ल नीं, अपर तिन्हां दा अन्त तिन्हां दे कम्मां मताबक हुंगा।

गलातियों 6:13

हलांकि सैह़ यहूदी बसुआसी जिन्हां दा खतणा होएया ऐ, सैह़ मूसा दिया व्यबस्था जो नीं मनदे, अपर सैह़ चांह़दे हन, कि तुहां दा खतणा होयैं, तांजे सैह़ दूयेयां यहूदी लोकां सामणै एह़ घमंड करी सकन, कि तुहां दा खतणा तिन्हां दिया बज़ाह ते होएया ऐ।

फिलिप्पियों 2:21

क्जोकि सारे अपणे मतलबे दिया तोपा च रैंह्दे हन, ना कि यीशु मसीह दी।

कुलुस्सियों 3:2

धरती दियां चीज्जां पर नीं, अपर तिन्हां चीज्जां दी इच्छा करदे रेह्आ, जेह्ड़ियां परमात्मे तुहां तांई सुअर्गे च रखियां हन।

2 थिस्सलुनीकियों 1:9

प्रभु तिन्हां जो अप्पु ते दूर करगा, कने तिन्हां जो अपणिया महिमा च सामर्थी जो मसूस करणे दी इजाजत नीं दिंगा, कने सैह़ तिन्हां जो सदा दी सज़ा दिंगा

2 थिस्सलुनीकियों 2:12

कने इसदा नतीजा एह़ होणा ऐ, कि जितणे लोक सच्चाईया दा बसुआस नीं करदे, अपर बुरे कम्मां नैं खुस हुंदे हन, परमात्मा तिन्हां सारेयां जो सज़ा दिंगा।

2 थिस्सलुनीकियों 2:8

ताह़लू सैह़ दुष्ट माणुये सामणै ओंगा, जिसियो प्रभु यीशु अपणे इक्की हुक्मे नैं मारी दिंगा, कने अपणे ओणे दे तेजे नैं भस्म करगा।

1 तीमुथियुस 6:5

कने इक्की दूये सौगी नीं मुकणे आल़े झगड़े, जिन्हां दी अक्ल भरष्ठ होई गेई ऐ, कने सैह़ सच्चाईया जो नीं समझी सकदे हन, कने समझदे हन कि परमात्मे दी सेवा करणा ई अमीर होणे दा जरिया ऐ।

2 तीमुथियुस 3:4

ढीठ, घमंडी, परमात्मे नैं प्यार रखणे आल़े नीं कने बसुआसे जोग्गे नीं अपर सरीरे दियां इच्छां नैं प्यार रखणे आल़े हुंगे।

याकूब 4:16

अपर हुण तुहां अपणियां बणाईयां योजनां पर घमंड करदे हन; ऐदेया सारा घमंड बुरा हुंदा ऐ।

2 पतरस 2:1

जिंआं बड़ी पैहल्ले इस्राएली लोकां च झूठे भविष्यवक्ता थे, तिंआं ई तुहां च भी झूठी सिक्षा दैणे आल़े हुंगे, सैह़ ऐदिआं झूठियां सिक्षां च फंसी जांगे, जिसदिया बज़ाह ते सैह़ यीशु मसीह पर बसुआस करणा छड्डी दिंगे। ऐत्थु तिकर कि एह़ झूठे सिक्षक यीशु मसीह जो अपणा मालक मन्नणे ते इन्कार करगे, जिन्हीं तिन्हां जो अपनाया कने पापे दिया ताकता दे अजाद कित्ता, इस तरीके नैं सैह़ तिन्हां जो चाणचक नास करी दिंगे।

2 पतरस 2:13

इन्हां दे बुरे कम्मां दा बुरा फल़ मिलगा। तिन्हां जो दिन दोपैर सरीरे दियां इच्छां च पोणा कने मौज-मस्ती करणा खरा लगदा ऐ। सैह़ तुहां बिच्च बदनामिया दे दाग हन, जाह़लू सैह़ तुहां सौगी खांदे पींदे हन, तां सैह़ कपटी गल्लां करी नैं बड़े खुस हुंदे हन।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:10

अपर एह़ लोक जिन्हां गल्लां जो नीं समझदे, तिन्हां दे खलाफ बुरा भला ग्लांदे हन, कने जिन्हां गल्लां जो सैह़ समझदे हन, तिन्हां जो बगैर सोचे समझे जंगली जानवरां साइआं करदे हन, परमात्मा तिन्हां जो सज़ा दिंगा।

यहूदा 1:16

एह़ लोक हमेसा परमात्मे दे खलाफ ग्लांदे हन, कने दूयेयां लोकां च खोट कड्डदे हन, सैह़ हमेसा तिन्हां बुरे कम्मां जो करदे हन, जिन्हां जो सैह़ करणा चांह़दे हन। कने सैह़ अपणे फायदे तांई दूयेयां लोकां सौगी चापलूसियां दियां गल्लां करदे हन।

यहूदा 1:4

मैं तिज्जो एह़ लिखा दा ऐ कि कुच्छ झूठे सिक्षक अहां सौगी मिल्ली गियो हन, जिन्हां दे बारे च परमात्मे बड़ी पैहल्ले ते ई पवित्रशास्त्रे च ग्लाई दित्या था, कि सैह़ तिन्हां जो सज़ा दिंगा। तिन्हां परमात्मे दे प्यारे दे सुसमाचारे जो कने अनुग्रह जो बगाड़ी करी नाजायज रिस्तेयां दे कम्मां च बदली दित्या ऐ। सैह़ यीशु मसीह दा भी इन्कार करदे हन, जेह्ड़ा अहां दा इक्को ई मालक कने प्रभु ऐ।

प्रकाशितवाक्य 18:7

जितणी तिन्हीं अपणी तारीफ कित्ती कने सुख विलास कित्ता, तितणी तिसियो पीड़ा कने दुख देआ; क्जोकि सैह़ अपणे मने च ग्लांदी ऐ, ‘मैं राणिया साइआं विराजमान ऐ, बिधवा नीं, कने सोग कदी नीं मनांगी।’

प्रकाशितवाक्य 19:20

सैह़ जंगली जानवर, कने तिस सौगी सैह़ झूठा भविष्यवक्ता पकड़ेया गेआ जिन्हीं तिसदे सामणै ऐदेय चमत्कार दस्सेयो थे जिन्हां दे जरिये तिन्हीं तिन्हां जो भटकाया जिन्हां पर तिस जंगली जानवरे दी मोहर थी कने जेह्ड़े तिसदिया मूर्तिया दी अराधना करदे थे। एह़ दोयो जिन्दे जी तिसा अग्गी दी झीला च पाई दित्ते, जेह्ड़ी गंधका नैं बल़दी ऐ।

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 22:15

अपर कुत्ते, जादू-टूणा करणे आल़े, ब्यभिचारी, हत्यारे, मूर्ति दी पूजा करणे आल़े, हर इक्क झूठ दा साथ दैणे आल़े, झूठ ग्लाणे आल़े बाहर रैंह्गे।