फिलिप्पियों 3:17 - काँगड़ी

¹⁷ हे प्यारे साथी बसुआसियो, तुहां सारे मिल्ली नैं मिन्जो साइआं ज़िन्दगी जीआ, कने तिन्हां जो पणछैणा, जेह्ड़े इसा रीतिया नैं जींदे हन, जिसदा उदारण तुहां अहां च पांदे हन।

फिलिप्पियों 3:17 Iomraidhean Croise

रोमियो 16:17

हुण हे प्यारे साथी बसुआसियो, मैं तुहां नैं विणती करदा ऐ, कि तुहां तिन्हां लोकां ते चौकन्ने कने दूर रेह्आ, जेह्ड़े तिसा सिक्षा दे खलाफ हन जेह्ड़ी तुहां जो मिलियो ऐ कने जेह्ड़े दूयेयां लोकां दे बसुआसे च कमजोर होणे दी कने झगड़े दी बज़ाह बणदे हन।

1 कुरिन्थियों 10:32

तुहां ना यहूदी लोकां, ना यूनानी लोकां कने ना परमात्मे दी कलीसिया तांई ठोकरा दी बज़ाह बणा।

1 कुरिन्थियों 11:1

जिंआं मैं मसीह साइआं ज़िन्दगी जींदा ऐ, तिंआं ई तुहां भी मिन्जो साइआं ज़िन्दगी जीआ।

1 कुरिन्थियों 4:16

इसतांई मैं तुहां नैं विणती करदा ऐ, कि मिन्जो साइआं मसीह तांई ज़िन्दगी जीआ ।

फिलिप्पियों 4:9

जेह्ड़ियां गल्लां तुहां मिन्जो ते सिखियां, कने अपनाईयां, कने सुणियां कने मिन्जो च दिक्खियां, तिन्हां ई दा पालण करदे रेह्आ। ताह़लू सांति दा परमात्मा तुहां लोकां सौगी रैंह्गा।

1 थिस्सलुनीकियों 1:6

तुहां तिसा बड़िया मुसीबता च, पवित्र आत्मा दे जरिये मिलियो खुसिया सौगी वचनां जो मन्नी करी अहां दी कने प्रभुये साइआं ज़िन्दगी जीणा लग्गे।

2 थिस्सलुनीकियों 3:14

जे कोई अहां दिया इसा चिठ्ठिया दिया सिक्षा जो नीं मन्नैं तां तिस पर नजर रखा, कने तिसदी संगति मत करा, जिसते सैह़ सर्मिंदगी मसूस होयैं।

2 थिस्सलुनीकियों 3:7

क्जोकि तुहां जाणदे हन, कि तुहां जो ठीक तिसा रीतिया नैं ज़िन्दगी जीणा चाइदी, जिंआं अहां जीआ थे। क्जोकि जाह़लू अहां तुहां सौगी रैंह्दे थे, ताह़लू अहां आलसी नीं थे अपर कम्म करदे थे,

2 थिस्सलुनीकियों 3:9

अहां कड़ी मेहनत कित्ती, इसतांई नीं कि अहां अल्ल कोई हक्क नीं था, कि अहां तुहां ते अपणिया जरूरता तांई मंगन। अपर इसतांई कि अपणे आप्पे जो तुहां तांई इक्क उदारण पेस करन कि तुहां अहां साइआं ज़िन्दगी जीआ।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

इब्रानियों 13:7

जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।

1 पतरस 5:3

जिन्हां लोकां दी जिम्मेवारी तुहां जो दित्तियो ऐ, तिन्हां पर अधिकारियां साइआं हक्क मत जता, अपर तिन्हां तांई इक्क खरा उदारण बणा।