फिलिप्पियों 3:16 - काँगड़ी

¹⁶ इसतांई अहां जो तिसा सच्चाईया दे मताबक जीणा चाइदा, जेह्ड़ी परमात्मैं पैहल्ले ते ई अहां पर प्रगट कित्तियो थी।

फिलिप्पियों 3:16 Iomraidhean Croise

रोमियो 12:16

तुहां जिंआं अपणी परवाह करदे हन, तिंआं ई इक्की दूये दी परवाह करदे रेह्आ। घमंडी मत बणा, अपर जेह्ड़े गरीब हन, तिन्हां सौगी संगति रखणे तांई हमेसा त्यार रेह्आ। अपणे आप्पे जो अक्लमंद मत समझा।

रोमियो 15:5

मैं एह़ प्रार्थना करदा ऐ, कि परमात्मा तुहां जो सबर कने हौंसले दा वरदान दैं, तांजे यीशु मसीह दे जरिये अप्पु च मिल्ली जुली नैं रेह्आ।

गलातियों 5:7

तुहां मसीह सौगी गांह बधणे च खरी तरक्की करा दे थे। हुण तुहां जो मसीह दी सच्चाईया जो नीं मन्नणे ते कुणी रोकी दित्ता?

गलातियों 6:16

परमात्मा तिन्हां सारेयां जो सांति कने आसीष दिंगा, जेह्ड़े इन्हां नियमां पर चलदे हन, क्जोकि सैह़ परमात्मे दे लोक हन।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 2:2

तां इक्क मन, इक्को ई देहया प्यार, अप्पु च मेल-जोल, कने इक्को ई नेक इरादा रखी नैं मेरिया खुसिया जो पूरा करा।

फिलिप्पियों 4:2

मैं यूओदिया कने सुन्तुखे जो भी हौंसला दिंदा ऐ, कि सैह़ प्रभु च इक्क मन रैह़न।

कुलुस्सियों 2:6

कने जिंआं तुहां यीशु मसीह जो प्रभु मन्नी करी ग्रहण करी लेआ ऐ, तिंआं ई लगातार तिसदे पचांह़ चलदे रेह्आ।

कुलुस्सियों 4:2

प्रार्थना च लगातार लग्गी रेह्आ, जाह़लू तुहां प्रार्थना करदे, तां हमेसा चौकनै कने परमात्मे दा धन्यावाद करदे रेह्आ;

प्रकाशितवाक्य 3:3

इसतांई याद कर कि तैं कुस तरीके नैं सिक्षा हासल कित्ती कने सुणी, कने तिस च बणी रैंह् कने अपणे मने बदल। जे तू चौकन्ना नीं हुंगा तां मैं चोरे साइआं आई जांगा कने तू तिस बग्ते जो कदी नीं जाणी सकगा, जाह़लू मैं तिज्जो सज़ा दैणे तांई ओंगा।