फिलिप्पियों 3:14 - काँगड़ी

¹⁴ मैं लक्ष्य दे पास्से दौड़दा चली जांदा ऐ, तांजे सुअर्गीय इनाम पाई सकैं, जिस तांई परमात्मैं मिन्जो यीशु मसीह दे जरिये सुअर्गे जो सद्देया ऐ।

फिलिप्पियों 3:14 Iomraidhean Croise

लूका 16:16

“यीशुयैं ग्लाया, मूसा दी व्यबस्था कने भविष्यवक्तां दा संदेस यूहन्ना बपतिस्मा दैणे आल़े दे बग्त तिकर थे, तिसते बाद परमात्मे दे राज्जे दा सुसमाचार तुहां जो सणाया जा दा ऐ, कने हर इक्क माणु तिस च बड़ी मजबूतिया नैं ओआ दा ऐ।

रोमियो 11:29

क्जोकि परमात्मा ना तां अपणे वरदान बापस लैंदा कने ना बुलाहटा ते अपणे मने बदलदा ऐ।

1 कुरिन्थियों 9:24

क्या तुहां नीं जाणदे कि दौड़ा च सारे हिस्सा लैंदे हन, अपर इनाम इक्क ई जीत्ती करी लेई जांदा ऐ, तुहां तिंआं ई दौड़ा कि जीत्ती सकन।

2 कुरिन्थियों 4:17

अहां दा अज्जे दा दुख छोटा कने जादा बग्ते तिकर रैहणे आल़ा नीं ऐ। क्जोकि तिसदा नतीजा सदा दी महिमा ऐ, कने सैह़ तिन्हां सारियां गल्लां ते जेह्ड़ियां अहां सोची सकदे हन, बड़ियां म्हान हन।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

कुलुस्सियों 2:18

कोई भी माणु, जेह्ड़ा दीनता दे ढोंग कने सुअर्गदूतां दी अराधना च लीन ऐ, तुहां जो तुहां दे इनामे ते दूर नीं करी सकैं। ऐदेया माणु इश्वरे दे दर्शन दिक्खणे च ढींगा मारदा ऐ। अपर एह़ सब बकबास ऐ क्जोकि तिन्हां दे दिमाग मतलबी इच्छां नैं भरोया ऐ।

1 थिस्सलुनीकियों 2:12

कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।

इब्रानियों 6:1

इसतांई जाह़लू अहां पैहल्ली बरी मसीह दे बारे सिखया, तां ओआ मसीह दी सिक्षा ते गांह बधी करी सिद्धता च तरक्की करन। अहां अपणे बुरे कम्मां ते मन बदली लैन जेह्ड़े मौत्ती पास्से लेई जांदे हन, कने परमात्मे पर बसुआस करणे दी दुवारी गल्ल नीं करणी चाइदी।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 1:3

क्जोकि परमात्मे अपणिया सामर्थी दे जरिये अहां जो सैह़ सब कुच्छ दित्या ऐ, जिसदे जरिये अहां ऐदई ज़िन्दगी जी सकन जेह्ड़ी परमात्मे जो खुस करदी ऐ। एह़ होई सकदा ऐ, क्जोकि अहां परमात्मे जो जाणदे हन, कने सैई ऐ जिन्हीं अपणिया महिमा कने भलाईया दे जरिये अहां जो अपणे लोक होणे तांई सद्देया ऐ।

प्रकाशितवाक्य 3:21

जेह्ड़ा बुरिआं ताकतां जो हराई दिंदा ऐ, मैं तिसियो अपणे सौगी अपणे सिंहासणे पर बठाल़गा, जिंआं मैं भी बुरिआं ताकतां जो हराई करी अपणे पिता सौगी तिसदे सिंहासणे पर बेई गेआ।