फिलिप्पियों 3:13 - काँगड़ी

¹³ हे प्यारे साथी बसुआसियो, मेरे ग्लाणे दा मतलब एह़ नीं कि मैं पाई चुकेया ऐ। अपर सिर्फ एह़ इक्क कम्म करदा ऐ, कि जेह्ड़ियां गल्लां बीती गियां हन तिन्हां जो भुल्ली करी, जेह्ड़ियां गल्लां होणे आल़िआं हन, तिन्हां दे पास्से बधदा होएया,

फिलिप्पियों 3:13 Iomraidhean Croise

लूका 10:42

अपर इक्क गल्ल जरूरी ऐ, कि मरियमा अप्पु तांई खरी जगाह चुणी लेई ऐ जेह्ड़ा तिसाते कोई खोई नीं सकदा।”

लूका 9:62

यीशुयैं तिस नैं ग्लाया, “जेह्ड़ा कोई माणु अपणे खेतां बांदे बग्त पचांह़ दिक्खदा ऐ, सैह़ परमात्मे दे राज्जे जोग्गा नीं ऐ।”

2 कुरिन्थियों 5:16

इसतांई अहां माणुये दिया नजरा नैं कुसी दा भी न्याय नीं करदे। हाँ इक्क बग्त था, जाह़लू अहां मसीह दा अंदाजा माणुये दिया नजरा नैं लगाया था, हुण नीं। हुण अहां तिन्हां जो जाणी गै हन।

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 3:12

एह़ मतलब नीं कि मैं इन्हां सारी चीज्जां जो पैहल्ले ते पाई चुकेया ऐ, या सिद्ध होई चुकेया ऐ। अपर मैं तिसा चीज्जा जो पाणे तांई गांह बधदा जा दा ऐ, तांजे मैं सिद्ध होई जां। जिस तांई यीशु मसीयैं मिन्जो चुणेया था,

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

इब्रानियों 6:1

इसतांई जाह़लू अहां पैहल्ली बरी मसीह दे बारे सिखया, तां ओआ मसीह दी सिक्षा ते गांह बधी करी सिद्धता च तरक्की करन। अहां अपणे बुरे कम्मां ते मन बदली लैन जेह्ड़े मौत्ती पास्से लेई जांदे हन, कने परमात्मे पर बसुआस करणे दी दुवारी गल्ल नीं करणी चाइदी।

2 पतरस 3:8

हे मेरे प्यारे साथी बसुआसियो, इसा गल्ला जो मत भुल्ला कि परमात्मे दा इक्क दिन इक्क हज़ार साल्लां दे बराबर ऐ कने हज़ार साल इक्क दिन दे बराबर हन।