फिलिप्पियों 3:12 - काँगड़ी

¹² एह़ मतलब नीं कि मैं इन्हां सारी चीज्जां जो पैहल्ले ते पाई चुकेया ऐ, या सिद्ध होई चुकेया ऐ। अपर मैं तिसा चीज्जा जो पाणे तांई गांह बधदा जा दा ऐ, तांजे मैं सिद्ध होई जां। जिस तांई यीशु मसीयैं मिन्जो चुणेया था,

फिलिप्पियों 3:12 Iomraidhean Croise

मत्ती 5:48

इसतांई चाइदा कि तुहां हमेसा सैई करा जेह्ड़ा भला ऐ, जिंआं तुहां दा सुअर्गीय पिता भला ऐ।

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

1 कुरिन्थियों 13:10

अपर जाह़लू सिद्धता दा बग्त ओंगा, तां एह़ अधूरियां चीज्जां बेकार होई जांगियां।

1 कुरिन्थियों 13:12

हुण अहां जो सीशे च धुदंल़ा दुस्सा दा ऐ, अपर तिस बग्त अहां आमणै-सामणै दिक्खगे, इस बग्त मेरा ज्ञान अधुरा ऐ, अपर तिस बग्त मेरा ज्ञान तिंआं ई हुंगा, जिंआं इस बग्त मेरे बारे च परमात्मे दा ऐ।

1 कुरिन्थियों 9:24

क्या तुहां नीं जाणदे कि दौड़ा च सारे हिस्सा लैंदे हन, अपर इनाम इक्क ई जीत्ती करी लेई जांदा ऐ, तुहां तिंआं ई दौड़ा कि जीत्ती सकन।

2 कुरिन्थियों 13:9

जाह़लू अहां कमजोर हन, कने तुहां ताकतवर हन, तां अहां खुस हुंदे हन, कने एह़ प्रार्थना भी करदे हन, कि तुहां बसुआसे च मजबूत होई जा।

2 कुरिन्थियों 7:1

हे प्यारे साथी बसुआसियो, जाह़लू अहां नैं एह़ वादे कित्ते, तां ओआ, अहां अपणे आप्पे जो सरीर कने आत्मा दिया सारी बुराईया ते दूर रखन, कने परमात्मे दा डर मन्नी करी पवित्र ज़िन्दगी जीणे दी कोसस करन।

गलातियों 5:17

क्जोकि सरीर पवित्र आत्मा दे खलाफ कने पवित्र आत्मा सरीरे दे खलाफ इच्छा करदा ऐ, कने एह़ इक्की दूये दे बैरी हन, इसतांई कि जेह्ड़ा तुहां करणा चांह़दे हन सैह़ नीं करी सकन।

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

इफिसियों 4:12

जिसते परमात्मे दे लोक पक्के होई नैं सेवा दे कम्मां तांई त्यार होई जान, जिसते कि मसीह दा सरीर जेह्ड़ा कलीसिया ऐ, मजबूतिया नैं बधदी जां,

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 3:16

इसतांई अहां जो तिसा सच्चाईया दे मताबक जीणा चाइदा, जेह्ड़ी परमात्मैं पैहल्ले ते ई अहां पर प्रगट कित्तियो थी।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

1 थिस्सलुनीकियों 5:15

चौकन्ने रेह्आ कोई कुसी नैं बुराईया दे बदले बुराई ना करैं, अपर हमेसा भलाई करणे जो त्यार रेह्आ, अप्पु च कने सबना नैं हमेसा भलाईया दे कम्म करणे दी कोसस करा।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

1 तीमुथियुस 5:10

कने खरेयां कम्मां करणे च तिसादा खरा नां होयैं, जिन्नै बच्चेयां दा पालण-पोसण कित्या होयैं, परोणेयां दी आदर-खातर कित्तियो होयैं, परमात्मे दे लोकां दी सेवा कित्तियो होयैं, दुखियां दी मदत कित्तियो होयैं, कने हर इक्की खरे कम्मे च मन लगाया होयैं।

1 तीमुथियुस 6:19

इस तरीके नैं सैह़ अपणे खरे कम्मां जो अप्पु तांई धन-दौलता साइआं किठ्ठा करगे जेह्ड़ी सुअर्गे च तिन्हां दे भविष्य तांई इक्क मजबूत नीआं साइआं हुंगी, तांजे सैह़ सच्ची ज़िन्दगी पाई सकन।

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।

इब्रानियों 12:23

कने तुहां परमात्मे दे जेठे दी सभा च आएयो हन, जिन्हां दे नां सुअर्गे च लिख्यो हन, तुहां अप्पु परमात्मे दे नेड़े आएयो हन, जेह्ड़ा सबना दा न्याय करणे आल़ा ऐ। तुहां सुअर्गे दे धर्मी लोकां दियां आत्मां बक्खे आएयो हन, जिन्हां जो सिद्ध बणाया गेआ ऐ।

इब्रानियों 13:21

परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।

याकूब 3:2

अहां सारे ग्लाणे च मती बरी गलती करी जांदे हन; अपर जेह्ड़ा कोई ग्लाणे च गलती नीं करदा सैई तां सिद्ध माणु ऐ, कने सैह़ सारे सरीरे जो अपणे बसे च करी सकदा ऐ।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।