फिलिप्पियों 2:9 - काँगड़ी

⁹ इसतांई परमात्मैं तिसियो सबते ऊची पदवी दित्ती, कने तिसियो सैह़ नां दित्ता जेह्ड़ा सारे नां च म्हान ऐ,

फिलिप्पियों 2:9 Iomraidhean Croise

मत्ती 11:27

“मेरे पितैं मिन्जो सब कुच्छ दित्या ऐ, होर कोई पुत्तरे जो नीं जाणदा, सिर्फ पिता; होर कोई पिता जो नीं जाणदा, सिर्फ पुत्तर; कने सैह़ जिस पर पुत्तर तिसियो प्रगट करणा चां।

मत्ती 28:18

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

लूका 10:22

मेरे पितैं मिन्जो सब कुच्छ दित्या ऐ; कने कोई नीं जाणदा कि पुत्तर कुण ऐ सिर्फ पिता, कने पिता कुण ऐ एह़ भी कोई नीं जाणदा सिर्फ पुत्तरे दे सिवाय, कने सैह़ जिस पर पुत्तर तिसियो प्रगट करणा चां।”

यूहन्ना 13:3

यीशुयैं, एह़ जाणी नैं कि पितैं सारा कुच्छ मेरे हक्के च करी दित्या ऐ कने मैं परमात्मे पास्से ते आया ऐ, कने परमात्मे अल्ल ई जांदा ऐ।

यूहन्ना 17:11

मैं हुण संसारे च नीं रैहणा, अपर इन्हां संसारे च रैहणा, कने मैं तिज्जो अल्ल ओआ दा। हे पवित्र पिता, अपणे तिस नांऐ ते जेह्ड़ा तैं मिन्जो दित्या ऐ, तिन्हां दी रक्षा कर कि सैह़ भी अहां साइआं इक्क होन।

यूहन्ना 17:12

जाह़लू मैं तिन्हां सौगी था, तां मैं तेरे तिस नांऐ ते, जेह्ड़ा तैं मिन्जो दित्या ऐ तिन्हां दी रक्षा कित्ती। मैं तिन्हां दी चौकसी कित्ती, कने विनाश दे पुत्तरे जो छड्डी तिन्हां च होर कोई नास नीं होएया, इसतांई कि पवित्रशास्त्रे च जेह्ड़ा लिख्या सैह़ पूरा होयैं।

यूहन्ना 17:5

हुण हे पिता, तू अप्पु सौगी मेरी महिमा तिसा महिमा नैं कर जेह्ड़ी महिमा संसारे दिया सृष्टिया ते पैहल्ले, तिज्जो सौगी थी।

प्रेरितां दे कम्म 5:31

तिसियो परमात्मैं प्रभु कने उद्धार करणे आल़ा ठैहराई नैं, अपणे सज्जे पास्से बड़ी ऊची पदवी दित्तियो ऐ, कि सैह़ इस्राएली लोकां जो मन बदलणे कने पापां दी माफी देई सकैं।

इफिसियों 1:10

जाह़लू इस मकसदे जो पूरा करणे दा बग्त ओंगा, तां परमात्मा सारियां चीज्जां जेह्ड़ियां सुअर्गे च कने धरतिया पर हन, मसीह दे बसे च करगा, तांजे मसीह तिन्हां ऊपर राज्ज करैं।

कुलुस्सियों 1:18

कने मसीह ई ऐ जेह्ड़ा कलीसिया जो चलांदा ऐ। ठीक तिंआं ई जिंआं इक्क माणुये दा सिर तिसदे पूरे सरीरे जो चलांदा ऐ, सैई सुरू ऐ, कने मरेयां ते जिन्दे होणे आल़ेआं च जेठा ऐ, कि सैई सबना च परम प्रधान होयैं।

2 थिस्सलुनीकियों 1:12

इस तरीके नैं अहां दे प्रभु यीशु मसीह दा नां तुहां दे जरिये महिमा पां। कने तुहां तिसदे जरिये आदर पांगे। एह़ सब कुच्छ अहां दे परमात्मे कने यीशु मसीह दे अनुग्रह ते हुंगा।

इब्रानियों 1:4

इसतांई परमात्मैं पुत्तरे जो ऐदेया नां दित्ता, जेह्ड़ा सुअर्गदूतां ते भी म्हान ऐ। जिसते अहां एह़ दिक्खदे हन कि पुत्तर तिन्हां ते बड़ा म्हान ऐ

इब्रानियों 1:9

तू खरे कम्मां नैं प्यार कने बुरे कम्मां नैं बैर रखदा; इसतांई मैं तेरे परमात्मैं, तिज्जो तेरे साथियां ते बधी करी खुसिया दे तेले नैं तेरा अभिषेक कित्ता।”

इब्रानियों 12:2

अहां बसुआसे दे कम्म करणे आल़े कने सिद्ध करणे आल़े यीशुये दे पास्से दिक्खदे रैह़न। यीशु तिसा खुसिया जो जेह्ड़ी तिसदे गांह रखियो थी, सर्मा दी कुच्छ फिकर नीं करदे, सूल़िया दा दुख झेलेया कने सुअर्गे च परमात्मे दे सिंहासणे दी सज्जे बक्खे जाई बैठेया।

इब्रानियों 2:9

अपर अहां यीशुये जो जेह्ड़ा सुअर्गदूतां ते थोड़े बग्ते तांई घट रखेया था, मौत्ती दा दुख झेलणे दिया बज़ाह ते तिसियो महिमा कने आदरे दा मुकट पैहनेयो दिक्खदे हन, तांजे परमात्मे दे अनुग्रह ते सैह़ हर इक्क माणुये तांई मरें।

1 पतरस 3:22

कने सैह़ सुअर्गे जो चली गेआ। जित्थु सैह़ हुण परमात्मे दे सज्जे पास्से ऐ, जेह्ड़ी बड़ी खास जगाह ऐ, कने सैह़ सारे सुअर्गदूतां, सारे अधिकारियां कने सारियां ताकतां ऊपर राज्ज करा दा ऐ।

2 पतरस 1:17

क्जोकि जाह़लू यीशु मसीह जो पिता परमात्मे ते आदर कने महिमा मिल्ली, तां तिस बग्त परमात्मे दे पास्से ते एह़ उआज़ आई, “एह़ मेरा प्यारा पुत्तर ऐ, जिसते मैं बड़ा भरी खुस ऐ।”

3 यूहन्ना 1:7

क्जोकि सैह़ मसीह दे कम्मे तांई निकल़ेयो हन, कने होरनी जातिआं दे लोकां ते कोई भी मदत नीं लैंदे।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 11:15

जाह़लू सतमे सुअर्गदूतैं तुरही बजाई, तां सुअर्गे ते इस बारे च जोरे-जोरे दियां उआज़ां होणा लग्गियां: “संसारे दा राज्ज अहां दे प्रभु कने तिसदे मसीह दा होईया, कने सैई जुगा-जुग राज्ज करगा।”

प्रकाशितवाक्य 19:16

तिसदे कपड़े कने जंघा पर एह़ नां लिख्या ऐ, “राजेयां दा राजा कने प्रभुआं दा प्रभु।”

प्रकाशितवाक्य 3:21

जेह्ड़ा बुरिआं ताकतां जो हराई दिंदा ऐ, मैं तिसियो अपणे सौगी अपणे सिंहासणे पर बठाल़गा, जिंआं मैं भी बुरिआं ताकतां जो हराई करी अपणे पिता सौगी तिसदे सिंहासणे पर बेई गेआ।

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”