फिलिप्पियों 2:30 - काँगड़ी

³⁰ क्जोकि सैह़ मसीह दे कम्मे तांई अपणे प्राणा जो खतरे च पाई नैं मौत्ती नेड़े आई गेआ था तांजे जेह्ड़ी कमी तुहां दे पास्से ते मेरी सेवा च होई तिसायो पूरी करैं।

फिलिप्पियों 2:30 Iomraidhean Croise

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

रोमियो 16:4

तिन्हां मिन्जो तांई अपणी ज़िन्दगी खतरे च पाई दित्तियो थी; कने सिर्फ मैंई नीं, अपर होरनी जातिआं दे सारी कलीसियां दे लोक भी तिन्हां दा धन्यावाद करदे हन।

1 कुरिन्थियों 15:53

क्जोकि अहां दा एह़ सरीर जेह्ड़ा बड़ी असानिया नैं मरी कने गल़ी जांदा ऐ, जरूरी ऐ, कि इसदा रूप इक्क ऐदेय सरीरे च बदली जां, जेह्ड़ा ना तां कदी मरदा कने ना ई कदी गल़दा।

1 कुरिन्थियों 16:10

जे तीमुथियुस आई जां, तां तिसदी खरे कित्ते आदर-खातर करनेयों। क्जोकि सैह़ मिन्जो साइआं प्रभु दे कम्म करदा ऐ।

1 कुरिन्थियों 16:17

मैं स्तिफनासे, फूरतूनातुसे कने अखइकुसे दे ओणे ते खुस ऐ, क्जोकि तिन्हां मेरी मदत कित्ती, जेह्ड़ी तुहां नीं करी सके।

2 कुरिन्थियों 12:15

मैं तुहां लोकां तांई बड़ी खुसिया नैं सब कुच्छ खर्च करी दिंगा, कने अपणे आप्पे जो भी देई दिंगा। जे मैं तुहां नैं इतणा प्यार करदा ऐ, तां क्या तुहां मिन्जो नैं घट प्यार करगे?

2 कुरिन्थियों 4:12

इसतांई इसदा मतलब एह़ ऐ कि अहां लगातार मौत्ती दा सामणा तां करदे हन, अपर तुहां तांई इसदा नतीजा एह़ ऐ कि तुहां सदा दी ज़िन्दगी पाणी ऐ।

फिलिप्पियों 2:17

तुहां दा मसीह च बसुआस कने तुहां दी सेवा परमात्मे तांई चढ़ाईया बल़िया साइआं ऐ। जे सैह़ मिन्जो मारी भी दैन, तमी मैं खुस ऐ, कने तुहां सबना सौगी खुसी मनांदा ऐ।

फिलिप्पियों 2:27

सच्ची च सैह़ बमार तां होई गेआ था ऐत्थु तिकर कि मरने पर था, अपर परमात्मैं तिस पर दया कित्ती, कने ना सिर्फ तिस पर अपर मिन्जो पर भी, कि मिन्जो होर जादा दुखी ना होणा पोयैं।

फिलिप्पियों 4:10

मैं प्रभु च बड़ा खुस ऐ कि हुण इतणेयां दिनां बाद तुहां दे मने च मेरे बारे च पैसे घल्लणे दी भिरी ते फिकर होई। सच्ची च तुहां जो सुरू च भी इसदे बारे च फिकर थी, अपर तुहां जो मौका नीं मिल्लेया।

फिलिप्पियों 4:18

मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

फिलेमोन 1:13

तिसियो मैं अप्पु अल्ल रखणा चांह़दा था कि सैह़ तेरे पास्से ते इसा कैदा च जेह्ड़ा सुसमाचारे दिया बज़ाह ते ऐ, मेरी सेवा करैं।

प्रकाशितवाक्य 12:11

“सैह़ मेम्ने दे खूने दिया बज़ाह कने अपणिया गवाहिया दे वचनां दिया बज़ाह ते तिस पर जीत्त हासल कित्ती, क्जोकि तिन्हां अपणे प्राणा जो प्यारा नीं समझेया, ऐत्थु तिकर कि मौत्त भी झेली लेई।