फिलिप्पियों 2:3 - काँगड़ी

³ अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

फिलिप्पियों 2:3 Iomraidhean Croise

लूका 18:14

मैं तुहां नैं ग्लांदा ऐ, कि सैह़ फरीसी नीं, अपर ऐई माणु जेह्ड़ा चुंगी लैणे आल़ा धर्मी होएया, कने अपणे घरेयो गेआ; क्जोकि जेह्ड़ा कोई अपणे आप्पे जो बड्डा बणांगा, सैह़ छोटा कित्ता जांगा; कने जेह्ड़ा अपणे आप्पे जो छोटा बणांगा, सैह़ बड्डा कित्ता जांगा।”

रोमियो 12:10

इक्की दूये नैं परवारे दे लोकां साइआं प्यार रखा; हर इक्क माणु दूयेयां जो अप्पु ते म्हान समझैं।

रोमियो 13:13

अहां दा सभाव बग्ते दे मताबक कने दिने साइआं खरा होणा चाइदा, ना कि लीला क्रीड़ा, पियक्कड़पण च, ना ब्यभिचार च, कने ना लुचपण च, कने ना झगड़े कने ना जल़निया च।

रोमियो 2:8

अपर जेह्ड़े लोक सुवार्थी हन कने सच्च जो नीं मनदे अपर बुरे कम्मां जो करदे हन, तिन्हां पर परमात्मा अपणा गुस्सा कने कोप दस्सगा।

1 कुरिन्थियों 15:9

क्जोकि मैं सारे प्रेरितां च जादा खास नीं ऐ, अपर प्रेरित कैहलाणे जोग्गा भी नीं ऐ, क्जोकि मैं परमात्मे दिया कलीसिया च बसुआसी लोकां जो बड़ा सताया था।

1 कुरिन्थियों 3:3

क्जोकि तुहां अह्ल्ली भी इन्हां संसारिक लोकां साइआं जीआ दे हन। इसतांई कि जाह़लू तुहां च जल़ण कने लड़ाई झगड़े हुंदे हन, तां क्या सैह़ एह़ साबित नीं करदा? कि तुहां संसारे दे हन, क्या तुहां इन्हां संसारिक लोकां साइआं नीं जीआ दे हन?

2 कुरिन्थियों 12:20

क्जोकि मिन्जो डर ऐ, कुत्थी इआं ना होयैं कि मैं आई नैं जिंआं चांह़दा ऐ, तिंआं तुहां जो नीं पां; कने मिन्जो भी जिंआं तुहां नीं चांह़दे तिंआं ई पान; कने तुहां च झगड़ा, जल़ण, गुस्सा, बरोध, नफरत, चुगली, घमंड कने बखेड़े होन।

गलातियों 5:15

अपर जे तुहां इक्क दूये जो जंगली जानवरां साइआं दंदे नैं कटदे कने फाड़दे हन, तां चौकन्ने रेह्आ कि इक्की दूये दा नास नीं करी दैंन।

गलातियों 5:26

अहां घमंडी होई नैं ना इक्की दूये जो छेड़न, कने ना इक्की दूये सौगी कपट रखन।

इफिसियों 4:2

सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

इफिसियों 5:21

मसीह च आदर रखणे दिया बज़ाह ते इक्की दूये दे अधीन रेह्आ।

फिलिप्पियों 2:14

सारा कम्म बगैर बुड़बुड़ाये कने बगैर झगड़े दे करदे रेह्आ,

कुलुस्सियों 3:12

इसतांई परमात्मे तुहां जो तिसदे पवित्र लोक होणे तांई चुणेयां, कने तुहां नैं प्यार करदा ऐ, बड़ी दया, कने बड़ी भलाई, बड़ी दीनता, कने बड़ा नरम सभाव, कने अपणे आप्पे च सेहनसक्ति रखा।

कुलुस्सियों 3:8

अपर हुण तुहां भी इन्हां सारेयां जो, मतलब गुस्सा, रोष, बैरभाव, निंदा कने मुँऐ ते गालियां बकणा, इन्हां सारियां गल्लां जो करणा छड्डी देआ।

1 तीमुथियुस 6:4

तां सैह़ घमंडी होई गेआ ऐ, कने सैह़ कुच्छ भी नीं जाणदा। ऐदेय माणु बैंह्सबाजी कने बेकार दियां गल्लां कने सब्दां दे बारे च झगड़ा करणा चांह़दे हन, जिसदा नतीजा जल़ण, झगड़े, निंदा दी गल्लां कने बुरे-बुरे शक,

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 5:5

इसी तरीके नैं हे नौजुआनो तुहां भी स्याणे बसुआसियां दे अधीन रेह्आ, अपर तुहां सबना जो इमानदारिया नैं इक्की दूये दी सेवा करणी चाइदी, क्जोकि पवित्रशास्त्रे च एह़ लिख्या ऐ, कि “परमात्मा घमंडी लोकां दा बरोध करदा ऐ, अपर सैह़ दीन माणुआं पर अनुग्रह करदा ऐ।”