फिलिप्पियों 2:20 - काँगड़ी

²⁰ क्जोकि मिन्जो अल्ल देहय् सभावे दा कोई नीं जेह्ड़ा सुद्ध मने नैं तुहां दी फिकर करैं।

फिलिप्पियों 2:20 Iomraidhean Croise

यूहन्ना 10:13

सैह़ इसतांई नठ्ठी जांदा ऐ कि सैह़ किराये दा मजदूर ऐ, कने तिसियो भेड्डां दी फिकर नीं।

यूहन्ना 12:6

तिन्हीं एह़ गल्ल इसतांई नीं ग्लाई कि तिसियो गरीबां दी फिकर थी अपर इसतांई कि सैह़ चोर था, कने तिस अल्ल तिन्हां दे पैसेयां दी झोल़ी रैंह्दी थी, कने तिसा च जेह्ड़ा कुच्छ पांदे थे, सैह़ कड्डी लैंदा था।

रोमियो 15:5

मैं एह़ प्रार्थना करदा ऐ, कि परमात्मा तुहां जो सबर कने हौंसले दा वरदान दैं, तांजे यीशु मसीह दे जरिये अप्पु च मिल्ली जुली नैं रेह्आ।

1 कुरिन्थियों 16:10

जे तीमुथियुस आई जां, तां तिसदी खरे कित्ते आदर-खातर करनेयों। क्जोकि सैह़ मिन्जो साइआं प्रभु दे कम्म करदा ऐ।

फिलिप्पियों 2:2

तां इक्क मन, इक्को ई देहया प्यार, अप्पु च मेल-जोल, कने इक्को ई नेक इरादा रखी नैं मेरिया खुसिया जो पूरा करा।

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

कुलुस्सियों 4:11

कने यीशु जिसियो लोक यूस्तुस ग्लांदे हन, तुहां जो नमस्कार ग्लांदे हन। यहूदी बसुआसी लोकां च सिर्फ ऐई त्रै माणु परमात्मे दे राज्जे तांई मेरे साथी हन, जेह्ड़े मिन्जो हिम्मत दिंदे हन।

1 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। क्जोकि तिन्हीं भी मिन्जो साइआं यीशु मसीह पर बसुआस कित्ता, मैं प्रार्थना करदा ऐ, कि पिता परमात्मे कने अहां दे प्रभु यीशु मसीह ते तिज्जो अनुग्रह, दया कने सांति मिलदी रैंह्।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

2 तीमुथियुस 3:10

अपर तीमुथियुस तैं मेरिया सिक्षा, चाल-चलण, मकसद, बसुआस, सेहनसक्ति, प्यार, सबर, कने जुल्म होणे पर कने दुखां च मेरा साथ दित्ता।