फिलिप्पियों 2:2 - काँगड़ी

² तां इक्क मन, इक्को ई देहया प्यार, अप्पु च मेल-जोल, कने इक्को ई नेक इरादा रखी नैं मेरिया खुसिया जो पूरा करा।

फिलिप्पियों 2:2 Iomraidhean Croise

यूहन्ना 3:29

जिसदी लाड़ी ऐ, सैई लाड़ा ऐ, अपर लाड़े दा साथी जेह्ड़ा सौगी खड़ोई करी तिसदी सुणदा ऐ, लाड़े दिया उआज़ा सुणी करी बड़ा खुस हुंदा ऐ, कने हुण मेरी एह़ खुसी पूरी होई ऐ।

प्रेरितां दे कम्म 1:14

एह़ सारे कने तिसदे भाऊ कने यीशु दी माता मरियम कने होर जणासां सौगी इक्क मन होई करी प्रार्थना च लग्गी रैह्।

प्रेरितां दे कम्म 2:1

जाह़लू यहूदियां दे पिन्तेकुस्त दा दिन आया, तां सैह़ सारे इक्की जगाह कठ्ठरोयो थे।

प्रेरितां दे कम्म 2:46

सैह़ रोज इक्क मन होई करी मंदरे च किठ्ठे हुंदे थे, कने घर-घर रोटी तोड़दे कने खुसी कने मने दी सिधाई सौगी खाणा खांदे थे,

प्रेरितां दे कम्म 5:12

प्रेरितां देयां हत्थां ते बड़े चमत्कार कने अनोखे कम्म लोकां बिच्च होणा लग्गे, कने मसीह दे सारे बसुआसी इक्क मन होई करी सुलेमाने दे बरांडे च किठ्ठे हुंदे थे।

रोमियो 12:16

तुहां जिंआं अपणी परवाह करदे हन, तिंआं ई इक्की दूये दी परवाह करदे रेह्आ। घमंडी मत बणा, अपर जेह्ड़े गरीब हन, तिन्हां सौगी संगति रखणे तांई हमेसा त्यार रेह्आ। अपणे आप्पे जो अक्लमंद मत समझा।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

2 कुरिन्थियों 2:3

मैं तुहां जो इसी मकसद नैं चिठ्ठी लिखा दा था कि जाह़लू मैं तित्थु औयें तां सैई लोक मेरे दुखे दी बज़ाह ना होई जान। जिन्हां ते मिन्जो खुसी मिलदी ऐ, कने मिन्जो भरोसा ऐ कि मेरी खुसी तुहां सबना दी खुसी ऐ।

2 कुरिन्थियों 7:7

कने ना सिर्फ तिसदे ओणे ते, अपर तिसदी तिसा सांतिया ते भी, जेह्ड़ी तिसियो तुहां दे पास्से ते मिलियो थी। तिन्हीं तुहां दी इच्छा, तुहां दे दुख कने मिन्जो तांई तुहां दी मेहनता दी खबर अहां जो सणाई, जिसते मिन्जो होर भी खुसी होई।

फिलिप्पियों 1:4

कने जाह़लू कदी मैं तुहां सारेयां तांई विणती करदा ऐ, तां सदा खुसिया नैं विणती करदा ऐ।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

फिलिप्पियों 2:20

क्जोकि मिन्जो अल्ल देहय् सभावे दा कोई नीं जेह्ड़ा सुद्ध मने नैं तुहां दी फिकर करैं।

फिलिप्पियों 4:2

मैं यूओदिया कने सुन्तुखे जो भी हौंसला दिंदा ऐ, कि सैह़ प्रभु च इक्क मन रैह़न।

कुलुस्सियों 2:5

क्जोकि जे मैं तुहां ते दूर ऐ, तमी मैं तुहां दे बारे च सोचदा रैंह्दा ऐ, कने मैं खुस हुंदा ऐ, कि जिंआं तुहां जो जीणा चाइदा था, तिंआं ई तुहां ज़िन्दगी जींदे हन, कने तुहां दा बसुआस मसीह च पक्का ऐ।

2 थिस्सलुनीकियों 2:13

हे प्यारे साथी बसुआसियो, अहां जो हमेसा परमात्मे दा धन्यावाद करणा चाइदा, क्जोकि प्रभु तुहां नैं प्यार करदा ऐ। तुहां जो परमात्मैं सुरू ते ई चुणी लेआ कि आत्मा दे जरिये पवित्र बणी करी, कने सच्चाईया दा बसुआस करी नैं उद्धार पा।

2 तीमुथियुस 1:4

कने जाह़लू अहां दोयो अप्पु च लग्ग होएयो थे, तां हुण मैं तेरे तिस रोणे जो याद करी नैं रात-दिन तिज्जो नैं मिलणे दी इच्छा रखदा ऐ, कि मैं खुसिया नैं भरोई जां।

फिलेमोन 1:20

हे मेरे बसुआसी भाऊ, एह़ खुसी मिन्जो प्रभु च तेरे पास्से ते मिल्लैं। मसीह च मेरे दिले जो हरा भरा करी दे।

2 यूहन्ना 1:4

मैं बड़ा खुस होएया कि मैं तेरे कुच्छ बच्चेयां जो तिस हुक्मे मताबक, जेह्ड़ा अहां जो पिता दिया तरफा ते मिल्लेया था, सच्चाईया पर चलदे होये पाया।

3 यूहन्ना 1:4

मिन्जो इसते बधी नैं होर कोई खुसी नीं, कि जिसियो मैं सुणैं, कि सैह़ सारे जेह्ड़े मेरे बाल-बच्चेयां साइआं हन सच्चाई पर चलदे हन।