फिलिप्पियों 2:11 - काँगड़ी

¹¹ कने पिता परमात्मे दी महिमा तांई हर इक्क माणु अपणे मुँऐ नैं एह़ मन्नी लैं कि यीशु मसीह ई प्रभु ऐ।

फिलिप्पियों 2:11 Iomraidhean Croise

मत्ती 10:32

“जेह्ड़ा कोई माणुआं सामणै मिन्जो अपनाई लैंगा, तिसियो मैं भी अपणे सुअर्गीय पिता दे सामणै अपनाई लैंगा।

लूका 2:11

कि अज्ज दाऊद राजे दे सैहर बैतलहमे च तुहां तांई इक्क उद्धार करणे आल़ा पैदा होएया ऐ, कने ऐई मसीह प्रभु ऐ।

यूहन्ना 12:42

तमी अधिकारियां च भी मतेआं तिस पर बसुआस कित्ता, अपर फरीसी माणुआं दिया बज़ाह ते नीं मनदे थे, तांजे इआं नीं होयैं कि सैह़ आराधनालय ते कड्डी दित्ते जान;

यूहन्ना 13:13

तुहां मिन्जो गुरू, कने प्रभु ग्लांदे हन, कने खरा ई ग्लांदे हन, क्जोकि मैं सैई ऐ।

यूहन्ना 13:14

जे मैं प्रभु कने गुरू होई नैं तुहां दे पैर धोते; तां तुहां जो भी इक्की दूये दे पैर धोणा चाइदे।

यूहन्ना 14:13

जेह्ड़ा कुच्छ तुहां मेरे नांऐ ते मंगगे, सैई मैं करगा कि पुत्तरे च पिता दी महिमा होयैं।

यूहन्ना 14:23

यीशुयैं तिसियो जवाब दित्ता, “जे कोई मिन्जो नैं प्यार रखगा, तां सैह़ मेरे वचनां जो मनगा, कने मेरा पिता तिस नैं प्यार रखगा, कने अहां तिस अल्ल ओंगे कने तिस सौगी रैंह्गे।

यूहन्ना 17:1

यीशुयैं अपणे चेलेयां नैं एह़ गल्लां ग्लाणे ते बाद सुअर्गे पास्से दिक्खी नैं ग्लाया, “हे पिता, सैह़ बग्त आई रेह्आ ऐ; अपणे पुत्तरे दी महिमा कर कि पुत्तर भी तेरी महिमा करैं,

यूहन्ना 20:28

एह़ सुणी थोमे जवाब दित्ता, “हे मेरे प्रभु हे मेरे परमात्मा।”

यूहन्ना 5:23

कि सारे लोक जिंआं पिता परमात्मे दा आदर करदे हन तिंआं ई पुत्तरे दा भी आदर करन। जेह्ड़ा पुत्तरे दा आदर नीं करदा, सैह़ पिता परमात्मे दा जिन्हीं तिसियो घल्लेया ऐ, आदर नीं करदा।

यूहन्ना 9:22

एह़ गल्लां तिसदे माँऊ बुढ़े इसतांई ग्लाईयां क्जोकि सैह़ यहूदी अगुआं ते डरदे थे, क्जोकि यहूदी अगुऐ सब इक्क होई गियो थे कि जे कोई बसुआस करैं कि यीशु मसीह ऐ, तां सैह़ आराधनालय ते कड्डी दित्ता जां।

प्रेरितां दे कम्म 10:36

“जेह्ड़ा वचन तिन्हीं इस्राएली लोकां अल्ल घल्लेया, जाह़लू कि तिन्हीं यीशु मसीह दिया बज़ाह ते (जेह्ड़ा सबना दा प्रभु ऐ) सांति दा सुसमाचार सणाया,

प्रेरितां दे कम्म 2:36

“कने हुण सारे इस्राएली माणु पक्के तरीके नैं जाणी लैन कि परमात्मैं तिस यीशुये जो जिसियो तुहां सूल़िया पर चढ़ाया, प्रभु कने मसीह भी ठैहराया।”

रोमियो 14:11

क्जोकि पवित्रशास्त्रे च लिख्या ऐ, “प्रभु ग्लांदा ऐ, मैं अपणिया ज़िन्दगिया दी कसम खांदा ऐ, कि हर इक्क माणु मेरे सामणै गोड्डे टेकगा, कने हर इक्क माणु परमात्मे दा अंगीकार करगा।”

रोमियो 14:9

क्जोकि मसीह इसतांई मरेया कने जिन्दा भी होई गेआ कि सैह़ मरेयां कने जिन्देया दून्नी दा प्रभु होयैं।

रोमियो 15:9

कने होरनी जातिआं दे लोक भी परमात्मे दिया दया दिया बज़ाह ते तिसदी स्तुति करन; जिंआं पवित्रशास्त्रे च लिख्या ऐ, “इसतांई मैं होरनी जातिआं दे लोकां च तेरा धन्यावाद करगा, कने तेरे नांऐ दे भजन गांगा।”

1 कुरिन्थियों 12:3

इसतांई मैं चांह़दा ऐ कि तुहां जाणी सकन, जेह्ड़ा कोई परमात्मे दिया आत्मा दी अगुआईया नैं ग्लांदा ऐ, सैह़ नीं ग्लांदा कि यीशु श्रापित ऐ; कने ना कोई पवित्र आत्मा दे बगैर ग्लाई सकदा ऐ कि यीशु प्रभु ऐ।

1 कुरिन्थियों 15:47

पैहल्ला माणु जेह्ड़ा आदम था धरतिया ते मतलब चिक्का ते बणाया। दूआ माणु भी जेह्ड़ा मसीह था, सैह़ सुअर्गे ते आया।

1 पतरस 1:21

यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

1 यूहन्ना 4:15

जेह्ड़ा कोई एह़ मन्नी लैंदा ऐ, कि यीशु परमात्मे दा पुत्तर ऐ, परमात्मा तिस च ज़िन्दगी जींदा ऐ, कने सैह़ परमात्मे च।

1 यूहन्ना 4:2

परमात्मे दी पवित्र आत्मा जो तुहां इस तरीके नैं पणछैणी सकदे हन; जेह्ड़ी आत्मा मन्नी लैंदी ऐ, कि यीशु मसीह सरीरे च होई नैं आया ऐ सैह़ परमात्मे दे पास्से ते ऐ,

2 यूहन्ना 1:7

क्जोकि मते सारे लोक दूयेयां जो भरमाणे तांई इस संसारे च आई गियो हन, जेह्ड़े एह़ नीं मनदे कि यीशु मसीह सरीरे च होई नैं आया। भरमाणे आल़ा कने मसीह दे बरोधी ऐई हन।

प्रकाशितवाक्य 3:5

जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।