फिलिप्पियों 2:1 - काँगड़ी

¹ इसतांई जे तुहां लोकां च मसीह च जरा भी हौंसला, प्यारे दे जरिये पैदा सबर, आत्मा दी संगति, कुच्छ करूणा कने दया ऐ,

फिलिप्पियों 2:1 Iomraidhean Croise

लूका 2:25

तिस बग्त यरूशलेम सैहरे च शमौन नांऐ दा इक्क माणु था, कने सैह़ माणु धर्मी कने भक्त था; कने सैह़ पवित्र आत्मा नैं भरोया था कने इस्राएल देसे दे लोकां जो सांति दैणे आल़े मसीह दा इन्तजार करा दा था,।

यूहन्ना 14:18

“मैं तुहां जो अनाथ नीं छड्डगा, मैं तुहां अल्ल बापस ओंगा।

यूहन्ना 14:27

मैं तुहां जो सांति देई नैं चलेया, मैं अपणी सांति तुहां जो दिंदा ऐ, सैदेई नीं जदेई संसार दिंदा ऐ। तुहां दा मन बेचैन नीं होयैं कने ना ई डरे।

यूहन्ना 17:13

अपर हुण मैं तिज्जो अल्ल ओआ दा ऐ, कने एह़ गल्लां संसारे च ग्लांदा ऐ, तांजे सैह़ मेरी खुसिया च भरोई जान।

प्रेरितां दे कम्म 2:46

सैह़ रोज इक्क मन होई करी मंदरे च किठ्ठे हुंदे थे, कने घर-घर रोटी तोड़दे कने खुसी कने मने दी सिधाई सौगी खाणा खांदे थे,

प्रेरितां दे कम्म 4:32

बसुआस करणे आल़ेआं दी मंडल़ी इक्क चित कने इक्क मन दी थी, ऐत्थु तिकर कि कोई भी अपणिया जायदाता जो अपणी नीं ग्लांदा था, अपर सारा कुच्छ साझी था।

रोमियो 5:5

कने बसुआसे ते सर्म नीं हुंदी, क्जोकि पवित्र आत्मा जेह्ड़ा परमात्मे अहां जो दित्या ऐ तिसदे जरिये परमात्मे दा प्यार अहां दे मने च पाया ऐ।

रोमियो 8:26

इसी तरीके नैं पवित्र आत्मा भी अहां दे बसुआसे दिया कमजोरिया च अहां दी मदत करदा ऐ, क्जोकि अहां नीं जाणदे, कि प्रार्थना कुस तरीके नैं करणा चाइदी, अपर पवित्र आत्मा अप्पु ई घुटी-घुटी करी रोई नैं, जिसादे बारे च दस्सी नीं सकदे, अहां तांई विणती करदा ऐ।

1 कुरिन्थियों 12:13

क्जोकि अहां सारे क्या यहूदी हन क्या यूनानी, क्या दास, क्या अजाद इक्क ई आत्मा दे जरिये इक्क सरीर होणे तांई बपतिस्मा लेआ, कने अहां सबना जो इक्क ई आत्मा मिलियो ऐ।

1 कुरिन्थियों 15:31

हे मेरे प्यारे साथी बसुआसियो, हर दिन मैं मौत्ती दा सामणा करदा ऐ, कने जेह्ड़ा मैं ग्लादा ऐ, सैह़ बिलकुल सच्च ऐ, कने एह़ भी सच्च ऐ कि अहां दे प्रभु यीशु मसीह च तुहां दे बसुआसे दिया बज़ाह ते मैं बड़ा भरी खुस ऐ।

1 कुरिन्थियों 3:16

क्या तुहां नीं जाणदे कि तुहां परमात्मे दा मंदर हन, कने परमात्मे दा आत्मा तुहां च वास करदा ऐ?

2 कुरिन्थियों 13:14

प्रभु यीशु मसीह दा अनुग्रह कने परमात्मे दा प्यार कने पवित्र आत्मा दी सेहभागिता तुहां सबना सौगी हुंदी रैंह्।

2 कुरिन्थियों 2:14

अपर परमात्मे दा धन्यावाद होयैं, क्जोकि मसीह च अहां दी एकता दिया बज़ाह ते सैह़ अहां जो हमेसा अप्पु सौगी चलांदा ऐ, कने अहां जो जीत्त दिंदा ऐ। कने परमात्मा मसीह दे ज्ञाने जो इक्क मिठ्ठी खुसबुया साइआं अहां दे जरिये हर जगाह फैलांदा ऐ।

गलातियों 4:6

कने जे अहां तिसदे बच्चे हन, तां परमात्मैं अपणे पुत्तरे दिया आत्मा जो, जेह्ड़ी परमात्मे जो “हे अब्बा, हे पिता ग्लाई करी हक्कां पांदी ऐ,” अहां दे मनां च घल्लियो ऐ।

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

इफिसियों 4:4

अहां सारे बसुआसी इक्क सरीरे दे अंगा साइआं हन, कने अहां सारेयां इक्क ई पवित्र आत्मा पाया ऐ, ठीक तिंआं सैह़ आसा भी इक्क ई ऐ, जिसा च तुहां परमात्मे दे लोक होणे तांई सद्देयो थे।

फिलिप्पियों 1:8

इस च परमात्मा मेरा गवाह ऐ कि जिंआं ई यीशु मसीह तुहां सारेयां नैं प्यार करदा ऐ, सच्च-बिच्च मैं भी तुहां नैं तिंआं ई प्यार करदा ऐ।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

कुलुस्सियों 3:12

इसतांई परमात्मे तुहां जो तिसदे पवित्र लोक होणे तांई चुणेयां, कने तुहां नैं प्यार करदा ऐ, बड़ी दया, कने बड़ी भलाई, बड़ी दीनता, कने बड़ा नरम सभाव, कने अपणे आप्पे च सेहनसक्ति रखा।

इब्रानियों 6:18

तां भिरी ऐत्थु दूँ गल्लां दा जिकर ऐ, इक्क तिसदा वादा कने दूई तिसदी कसम जेह्ड़े कदी नीं बदली सकदे कने जिन्हां दे बारे च परमात्मा कदी झूठ नीं ग्लाई सकदा। इसतांई अहां जेह्ड़े परमात्मे दे नेड़े पनाह लैणे जो आएयो हन कने जेह्ड़ी आसा तिन्हीं अहां जो दित्तियो ऐ, तिसा जो पकड़ी करी रखेया ऐ, कने अहां बड़े खुस हन।

1 पतरस 1:2

पिता परमात्मे बड़ी पैहल्ले ते तुहां जो अपणे लोक होणे तांई कने पवित्र आत्मा दे जरिये पवित्र करणे तांई फैसला लेई लेआ था, तिन्हीं एह़ तां कित्ता कि तुहां यीशु मसीह जो मनन कने तिसदे खूने दे जरिये सुद्ध होन। मैं प्रार्थना करदा ऐ, कि परमात्मा तुहां जो बड़ा जादा अनुग्रह कने सांति दिंदा रैंह्।

1 यूहन्ना 3:24

कने जेह्ड़ा तिसदे हुक्मां जो मनदा ऐ, सैह़ परमात्मे च कने परमात्मा तिस च बणी रैंह्दा ऐ, कने इसी ते मतलब तिस पवित्र आत्मा ते जेह्ड़ा परमात्मे अहां जो दित्या ऐ, अहां जाणदे हन कि परमात्मा अहां च बणी रैंह्दा ऐ।

1 यूहन्ना 4:12

परमात्मे जो कदी कुणी नीं दिख्या; जे अहां अप्पु च प्यार रखन, तां परमात्मा अहां च बणी रैंह्दा ऐ कने तिसदा प्यार अहां च सिद्ध होई गेआ ऐ।

1 यूहन्ना 4:16

जेह्ड़ा प्यार परमात्मा अहां नैं रखदा ऐ, तिसियो अहां जाणी गै कने अहां जो तिस पर बसुआस ऐ। परमात्मा प्यार ऐ, कने जेह्ड़ा प्यारे च ज़िन्दगी जींदा ऐ, सैह़ परमात्मे च ज़िन्दगी जींदा ऐ, कने परमात्मा तिस च ज़िन्दगी जींदा ऐ।