फिलिप्पियों 1:9 - काँगड़ी

⁹ मैं एह़ प्रार्थना करदा ऐ, कि तुहां दा इक्की दूये नैं प्यार, ज्ञान कने पूरिया समझा नैं होर भी बधदा जां,

फिलिप्पियों 1:9 Iomraidhean Croise

1 कुरिन्थियों 14:20

हे मेरे प्यारे साथी बसुआसियो, तुहां इन्हां गल्लां जो समझणे तांई बच्चे मत बणा; बुराईया तांई तां बेकसूर बच्चे साइआं बणा, अपर ऐदिआं गल्लां जो समझणे तांई स्याणे बणा।

2 कुरिन्थियों 8:7

ठीक जिंआं तुहां हर गल्ला च मतलब बसुआस, वचन, ज्ञान कने हर तरीके दियां कोससां च, कने तिस प्यारे च जेह्ड़ा अहां रखदे हन, बधदे जांदे हन, तिंआं ई तुहां भी हुण गरीब बसुआसियां बिच्च दान दैणे दिया सेवा च बधदे जा।

इफिसियों 5:17

इसतांई बेअक्ले मत बणा, अपर ध्याने नैं समझा कि प्रभु तुहां ते क्या चांह़दा ऐ।

कुलुस्सियों 1:9

इसा बज़ाह ते जिस दिन ते एह़ सुणेया ऐ, अहां भी तुहां तांई एह़ प्रार्थना करणा नीं छड्डेया कने एह़ विणती करदे हन कि तुहां पूरे आत्मिक ज्ञान कने समझा च परमात्मे दी इच्छा दे सारे ज्ञाने च भरोंदे जा,

कुलुस्सियों 3:10

कने हुण तुहां नौये सभावे जो अपनाई लेआ ऐ, एह़ नौआं सभाव जादा ते जादा अपणे बणाणे आल़े साइआं बणदा जांदा ऐ, कने तिसियो खरे कित्ते समझगा।

1 थिस्सलुनीकियों 3:12

कने प्रभु इआं करैं कि जिंआं अहां तुहां नैं प्यार रखदे हन, तिंआं ई तुहां दा प्यार भी अप्पु च कने सारे माणुआं सौगी बधदा जां, कने तरक्की करदा जां,

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

2 थिस्सलुनीकियों 1:3

हे प्यारे साथी बसुआसियो, तुहां दे बारे च अहां जो हमेसा परमात्मे दा धन्यावाद करणा चाइदा, कने एह़ ठीक भी ऐ, इसतांई कि तुहां दा बसुआस यीशु मसीह च बड़ा जादा बधी गेआ ऐ, कने तुहां सारेयां दा प्यार अप्पु च बड़ा ई बधदा जा दा ऐ।

फिलेमोन 1:6

मैं प्रार्थना करदा ऐ कि बसुआसे च तेरा साझी होणा, हर इक्क खरिया गल्ला दे ज्ञाने तांई असरदार होयैं, जेह्ड़ी यीशु मसीह च अहां अल्ल ऐ ।

इब्रानियों 5:14

अपर अनाज बड्डेयां तांई ऐ, जिन्हां दी समझ तजरबा करदे-करदे, खरे बुरे दे बारे दा भेत करणे तांई पक्की होई गेई ऐ।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।