फिलिप्पियों 1:7 - काँगड़ी

⁷ ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 1:7 Iomraidhean Croise

प्रेरितां दे कम्म 20:23

सिर्फ एह़ कि पवित्र आत्मा हर सैहरे च गवाही देई-देई करी मिन्जो नैं ग्लांदा ऐ कि बन्धन कने दुख तिज्जो तांई त्यार हन।

प्रेरितां दे कम्म 21:33

ताह़लू सपाईयां दे सरदारे पौलुसे अल्ल आई करी तिसियो पकड़ी लेआ; कने दूँ सगल़ां नैं बन्नणे दी सलाह देई करी पुछणा लग्गा, “एह़ कुण ऐ कने इन्हीं क्या कित्या ऐ।”

1 कुरिन्थियों 13:7

सैह़ सारियां गल्लां झेली लैंदा ऐ, सारियां गल्लां दा बसुआस करदा ऐ, सारियां गल्लां दी आस रखदा ऐ, सारियां गल्लां च सबर रखदा ऐ।

1 कुरिन्थियों 9:23

मैं एह़ सब कुच्छ यीशु मसीह दे सुसमाचारे तांई करदा ऐ, तांजे तिन्हां आसीषां दा हिस्सा मिन्जो भी मिल्ली जां, जिसदा वादा सुसमाचारे च कित्या ऐ।

2 कुरिन्थियों 3:2

तुहां अप्पु ई चिठ्ठिया साइआं हन, जेह्ड़ी अहां तांई सपारस करदी ऐ, जेह्ड़ी अहां दे मनां पर लिखियो ऐ। अहां दे कम्म जेह्ड़े तुहां बिच्च कित्ते, तिन्हां दे जरिये तुहां दी बदलियो ज़िन्दगिया जो जेह्ड़ी चिठ्ठिया साइआं ऐ हर इक्क माणु पढ़ी कने जाणी सकदा ऐ।

2 कुरिन्थियों 7:3

मैं तुहां जो दोसी ठैहराणे तांई एह़ नीं ग्लांदा। क्जोकि मैं पैहल्लैं ई ग्लाई दित्या ऐ, कि तुहां अहां दे मने च इआं बसी गियो हन कि अहां तुहां सौगी मरने जीणे तांई त्यार हन।

गलातियों 5:6

जे तुहां यीशु मसीह जो मनदे हन, तां इसते कोई फर्क नीं पोंदा, कि तुहां दा खतणा होएया या नीं होएया। अपर जरूरी गल्ल एह़ ऐ, कि अहां मसीह पर बसुआस करदे हन, कने अहां च परमात्मे तांई कने दूये लोकां तांई प्यार ऐ।

इफिसियों 3:1

इसा बज़ाह ते मैं पौलुस तुहां तांई प्रार्थना करदा ऐ। मैं जेला च ऐ क्जोकि मैं तुहां होरनी जातिआं जो सुसमाचार सणाई नैं प्रभु यीशु मसीह तांई सेवा करदा ऐ —

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 6:20

मैं सोचदा ऐ, कि सिर्फ इसतांई मैं संगल़ां च जकड़ौई नैं राजदूते साइआं सेवा करा दा ऐ; प्रार्थना करा कि, जिस तरीके नैं मिन्जो ग्लाणा चाइदा ऐ, तिंआं ई मैं हिम्मता नैं सुसमाचारे दा प्रचार करी सकैं।

फिलिप्पियों 1:12

हे प्यारे साथी बसुआसियो, मैं चांह़दा ऐ, कि तुहां एह़ जाणी लेआ कि मिन्जो पर जेह्ड़ा बितेया ऐ, जिसदिया बज़ाह ते मतेआं लोकां सुसमाचारे पर बसुआस कित्ता।

फिलिप्पियों 1:13

ऐत्थु तिकर कि कैसर राजे दे राज्जभवने दी सारिया पलटना च कने बाक्कि सारे लोकां च एह़ प्रगट होई गेआ ऐ कि मैं मसीह दी खातर जेला च कैद ऐ।

फिलिप्पियों 1:14

कने प्रभु च जेह्ड़े बसुआसी भाऊ हन, तिन्हां च होर सारे मेरे जेला च कैद होणे दिया बज़ाह ते, मजबूत बसुआसे नैं परमात्मे दा वचन बेझिझक सणाणे दी होर भी हिम्मत करदे हन।

फिलिप्पियों 1:5

इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

फिलिप्पियों 4:14

तमी तुहां खरा कित्ता कि मिन्जो पैसे घल्ली करी मेरिया मुसीबता च मेरे साझी बणैं।

फिलिप्पियों 4:15

हे फिलिप्पी दे लोको, तुहां अप्पु भी जाणदे हन कि सुसमाचार जेह्ड़ा तुहां जो सुरू ते सणाया गेआ, कने जाह़लू मैं मकिदुनिया प्रदेसे ते गेआ, ताह़लू सिर्फ तुहां दिया कलीसिया दे लोकां लैण-दैण च मेरी मदत कित्ती।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

कुलुस्सियों 4:18

मैं पौलुस, अपणे हत्थे नैं इसा चिठ्ठिया च तुहां जो नमस्कार लिखदा ऐ। याद रखणा मैं जेला च ऐ, कने मिन्जो तांई प्रार्थना करा। तुहां पर परमात्मे दा अनुग्रह हुंदा रैंह्। आमीन।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

1 थिस्सलुनीकियों 5:5

क्जोकि तुहां सारे जोतिया दी कने दिने दी औलाद हन, कने अहां ना राती दी कने ना ई नेहरे दी औलाद हन।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।

फिलेमोन 1:13

तिसियो मैं अप्पु अल्ल रखणा चांह़दा था कि सैह़ तेरे पास्से ते इसा कैदा च जेह्ड़ा सुसमाचारे दिया बज़ाह ते ऐ, मेरी सेवा करैं।

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 1:13

कने मैं अप्पु तांई एह़ ठीक समझदा ऐ, कि जाह़लू तिकर मैं इस संसारे च ऐ, ताह़लू तिकर तुहां जो इन्हां गल्लां दी याद करांदा रैंह्।

1 यूहन्ना 3:14

अहां जाणदे हन, कि अहां सदा दी मौत्ती दे बन्धनां ते छुटी करी अजाद होई नैं सदा दी ज़िन्दगिया च पुज्जे हन। क्जोकि अहां भाऊआं नैं प्यार रखदे हन, जेह्ड़ा प्यार नीं रखदा सैह़ सदा दी मौत्ती दे बन्धनां च रैंह्दा ऐ।