फिलिप्पियों 1:25 - काँगड़ी

²⁵ इसतांई कि मिन्जो इसदा भरोसा ऐ, कने मैं जाणदा ऐ, कि मैं जिन्दा रैंह्गा, हलांकि तुहां सारेयां सौगी रैंह्, जिसते मैं तुहां जो बसुआसे च मजबूत करणे कने तिस च खुस रैहणे च तुहां दी मदत करगा।

फिलिप्पियों 1:25 Iomraidhean Croise

लूका 22:32

अपर मैं तिज्जो तांई परमात्मे नैं विणती कित्ती, कि तेरा बसुआस मिन्जो ते चली नीं जां; कने जाह़लू तू मने बदलें तां अपणे भाऊआं जो भी मिन्जो पर बसुआस करणे तांई मजबूत कर।”

प्रेरितां दे कम्म 11:23

सैह़ तित्थु पुज्जी करी, कने परमात्मे दे अनुग्रह जो दिक्खी करी खुस होएया, कने सबना जो सिक्षा दिंदा कि तन मन लगाई करी प्रभुये नैं लिपटी रेह्आ।

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

प्रेरितां दे कम्म 20:25

हुण दिक्खा, मैं जाणदा ऐ कि तुहां सारे जिन्हां च मैं परमात्मे दे राज्जे दा प्रचार करदा रेह्आ, तुहां मिन्जो दुवारी भिरी नीं दिक्खगे।

रोमियो 15:13

मैं प्रार्थना करदा ऐ, कि परमात्मा जेह्ड़ा आसा दा दाता ऐ, तुहां जो बसुआस करणे च हर तरीके नैं खुसी कने सांतिया नैं भरैं, कि पवित्र आत्मा दिया सामर्थी ते तुहां दी उम्मीद बधदी जां।

रोमियो 15:18

क्जोकि तिन्हां गल्लां जो छड्डी मिन्जो कुसी गल्ला दे बारे च ग्लाणे दी हिम्मत नीं हुंदी, जेह्ड़े यीशु मसीयैं होरनी जातिआं दे लोकां दी अधीनता तांई वचन, कने कम्म,

रोमियो 15:29

कने मैं जाणदा ऐ, कि जाह़लू मैं तुहां अल्ल ओंगा, तां मसीह दी कीमती आसीषां जो तुहां सौगी बंडगा।

रोमियो 5:2

क्जोकि अहां दे बसुआसे दिया बज़ाह ते तिस अनुग्रह तिकर जिस च अहां बणेयो हन, अहां दी पौंच भी होई ऐ, कने परमात्मे दी महिमा दिया आसा च खुसी मनाई ऐ।

2 कुरिन्थियों 1:24

इसदा मतलब एह़ नीं कि अहां तुहां दे बसुआसे पर हक्क जतान, क्जोकि तुहां अपणे बसुआसे च मजबूत रैंह्दे हन। अपर अहां तां तुहां दिया खुसिया च साझी हन।

फिलिप्पियों 1:24

अपर सरीरे च रैहणा होर भी जरूरी ऐ, क्जोकि तुहां जो मेरी मदत दी जरूरत ऐ।

फिलिप्पियों 2:24

कने मिन्जो प्रभु च भरोसा ऐ कि मैं अप्पु भी तौल़ी ओंगा।

फिलेमोन 1:22

कने एह़ भी कि मिन्जो तांई रैहणे दी जगाह त्यार रख। मिन्जो आस ऐ कि परमात्मा तुहां दिया प्रार्थना दा तौल़ी जवाब दिंगा, कि मैं तुहां अल्ल औयें।

1 पतरस 1:8

बेसक तुहां प्रभु जो नीं दिख्या ऐ, भिरी भी तिस नैं प्यार रखदे हन, कने हुण तुहां तिसियो इस बग्त नीं दिक्खा दे हन, अपर तुहां तिस च बसुआस करदे हन, इसतांई तुहां खुसिया नैं बड़े भरी मग्न हुंदे हन, जेह्ड़ा महिमा नैं भरोया ऐ, कने जिसदा सब्दां च बखान करणा मुस्कल ऐ।