फिलिप्पियों 1:14 - काँगड़ी

¹⁴ कने प्रभु च जेह्ड़े बसुआसी भाऊ हन, तिन्हां च होर सारे मेरे जेला च कैद होणे दिया बज़ाह ते, मजबूत बसुआसे नैं परमात्मे दा वचन बेझिझक सणाणे दी होर भी हिम्मत करदे हन।

फिलिप्पियों 1:14 Iomraidhean Croise

मरकुस 3:3

यीशुयैं सुक्के हत्थे आल़े माणुये नैं ग्लाया, “बिच्च खड़ोई जा।”

लूका 1:74

कि सैह़ अहां जो एह़ दिंगा, कि अहां अपणे दुश्मणा दे हत्थे ते बची करी,

2 कुरिन्थियों 3:12

इसी आसा दिया बज़ाह ते अहां हिम्मता नैं ग्लांदे हन।

2 कुरिन्थियों 7:4

मैं तुहां नैं पूरे भरोसे नैं ग्लांदा ऐ, मिन्जो तुहां पर बड़ा घमंड ऐ; कने मिन्जो हौंसला मिलदा ऐ। जिसते कि मैं अपणिया सारी मुसीबता च भी खुसिया नैं भरोई रैंह्दा ऐ।

इफिसियों 3:13

मतलब एह़ कि अहां जो दुखां दिया बज़ाह ते हौंसला नीं छड्डणा चाइदा, क्जोकि एह़ सारे तुहां दे फायदे तांई हन।

फिलिप्पियों 1:20

मैं तां बड़ी इच्छा कने आसा रखदा ऐ, कि मैं कुसा भी गल्ला च बेइज्जत ना होयैं, अपर जिंआं मैं पूरिया हिम्मता दिया बज़ाह ते मसीह दी बड़ेयाई मेरे सरीरे दे जरिये सदा हुंदी रेई ऐ, तिंआं ई हुण भी होयैं, चां मैं जिन्दा रैंह् या मरी जां।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 4:1

हे प्यारे साथी बसुआसियो, मैं तुहां नैं बड़ा प्यार करदा ऐ, कने तुहां नैं मिलणा चांह़दा ऐ, जेह्ड़े मेरी खुसी कने इनाम हन। इसतांई हे प्यारे साथी बसुआसियो, प्रभु दे बसुआसे च मजबूत बणी रेह्आ।

कुलुस्सियों 4:4

कने तुहां प्रार्थना करा, कि मसीह दे तिस भेते जो बड़े साफ कने खुले तरीके नैं समझाई सकैं, जिंआं मिन्जो करणा ठीक ऐ।

कुलुस्सियों 4:7

प्यारा बसुआसी भाऊ कने बसुआसे जोग्गा सेवक तुखिकुस, जेह्ड़ा प्रभु च मेरे सौगी कम्म करणे आल़ा ऐ, मेरी सारियां गल्लां तुहां जो दस्सी दिंगा।

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।