फिलिप्पियों 1:13 - काँगड़ी

¹³ ऐत्थु तिकर कि कैसर राजे दे राज्जभवने दी सारिया पलटना च कने बाक्कि सारे लोकां च एह़ प्रगट होई गेआ ऐ कि मैं मसीह दी खातर जेला च कैद ऐ।

फिलिप्पियों 1:13 Iomraidhean Croise

प्रेरितां दे कम्म 26:29

पौलुस ग्लाणा लग्गा, “परमात्मे नैं मेरी प्रार्थना ऐ कि क्या थोड़े च क्या मते च, बस तू ई नीं जितणे लोक अज्ज मेरियां गल्लां सुणा दे हन, इन्हां बंधना जो छड्डी करी सैह़ मिन्जो साइआं मसीह बणी जान।”

प्रेरितां दे कम्म 26:31

जाह़लू सैह़ बाहर जा दे थे तां अप्पु च ग्लाणा लग्गे, “इन्हीं माणु मौत्ती दी सज़ा या जेला च पाणे जोग्गा कोई अपराध नीं कित्या।”

प्रेरितां दे कम्म 28:17

त्रीं दिनां बाद तिन्हीं यहूदी माणुआं देयां खास लोकां जो सद्देया, कने जाह़लू सैह़ किठ्ठे होये तां तिन्हां नैं ग्लाणा लग्गा, “हे भाऊओ, मैं अपणेयां लोकां दे या पूर्वजां दे बर्ताब दे बरोध च कुच्छ भी नीं कित्ता, तमी कैदी बणाई करी यरूशलेम सैहरे ते रोमी माणुआं दिया सरकारा दे हुआलैं करी दित्ता गेआ।

प्रेरितां दे कम्म 28:20

ऐई बज़ाह ऐ जिसाते मैं तुहां नैं मिलणा कने गल्लबात करणा चांह़दा था, क्जोकि मसीह इस्राएल दे लोकां दा सैह़ बसुआस ऐ, जिसदिया बज़ाह ते मैं संगल़ां नैं जकड़ेया ऐ।”

प्रेरितां दे कम्म 28:30

सैह़ पूरे दो साल अपणे किराये दे घरे च रेह्आ,

इफिसियों 3:1

इसा बज़ाह ते मैं पौलुस तुहां तांई प्रार्थना करदा ऐ। मैं जेला च ऐ क्जोकि मैं तुहां होरनी जातिआं जो सुसमाचार सणाई नैं प्रभु यीशु मसीह तांई सेवा करदा ऐ —

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 6:20

मैं सोचदा ऐ, कि सिर्फ इसतांई मैं संगल़ां च जकड़ौई नैं राजदूते साइआं सेवा करा दा ऐ; प्रार्थना करा कि, जिस तरीके नैं मिन्जो ग्लाणा चाइदा ऐ, तिंआं ई मैं हिम्मता नैं सुसमाचारे दा प्रचार करी सकैं।

फिलिप्पियों 1:30

कने तुहां तिंआं ई दुख झेलणा ऐ, जिंआं तुहां मिन्जो झेलदे दिख्या ऐ, जाह़लू मैं तुहां सौगी फिलिप्पी सैहरे च था, कने हुण भी सुणदे हन कि मैं तिंआं ई दुख झेलदा ऐ।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 4:22

सारे परमात्मे दे लोक जेह्ड़े ऐत्थु हन, खास करी नैं जेह्ड़े कैसर राजे दे घराने दे बसुआसी हन, तुहां जो नमस्कार ग्लांदे हन।

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।