फिलिप्पियों 1:10 - काँगड़ी

¹⁰ इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 1:10 Iomraidhean Croise

मत्ती 16:23

तिन्हीं मुड़ी करी पतरसे नैं ग्लाया, “हे सैतान, मेरे सामणै ते दूर होई जा। तू मिन्जो तांई ठोकरा दी बज़ाह ऐ; क्जोकि तू परमात्मे दियां गल्लां पर मन नीं, अपर माणुआं दियां गल्लां पर मन लगांदा ऐ।”

मत्ती 26:33

इसा गल्ला पर पतरसैं तिस नैं ग्लाया, “जे सारे तेरे बारे च ठोकर खान तां खान, अपर मैं कदी भी ठोकर नीं खांगा।”

यूहन्ना 1:47

यीशु नतनएले जो अपणे अल्ल ओंदे दिक्खी नैं तिसदे बारे च ग्लाणा लग्गा, “सुणा, एह़ पक्का इस्राएली ऐ, जेह्ड़ा बड़ा ईमानदार ऐ।”

यूहन्ना 3:20

क्जोकि जेह्ड़ा कोई बुराई करदा ऐ, सैह़ सच्चाईया नैं बैर रखदा ऐ, कने जोतिया दे नेड़े नीं ओंदा, क्जोकि जोतिया च तिसदे बुरे कम्म सामणै आई जांदे हन।

प्रेरितां दे कम्म 24:16

इसते मैं अप्पु भी कोसस करदा ऐ कि परमात्मे दे, कने माणुआं दे पास्से ते मेरा मन हमेसा बेकसूर रैंह्।

रोमियो 12:2

कने इस संसारे दे लोकां साइआं मत बणा; अपर तुहां दे मनां दे पूरे बदली जाणे ते तुहां दा चाल-चलण भी बदलदा जां, जिसते तुहां परमात्मे दी खरी, कने मने जो भाणे आल़ी, कने सिद्ध इच्छा दा तजरबा करी नैं जाणदे रेह्आ।

रोमियो 12:9

दूयेयां नैं प्यार करणे दा नाटक मत करा; बुराईया ते नफरत करा; मने सौगी खरे कम्म करणे च लग्गी रेह्आ।

रोमियो 16:17

हुण हे प्यारे साथी बसुआसियो, मैं तुहां नैं विणती करदा ऐ, कि तुहां तिन्हां लोकां ते चौकन्ने कने दूर रेह्आ, जेह्ड़े तिसा सिक्षा दे खलाफ हन जेह्ड़ी तुहां जो मिलियो ऐ कने जेह्ड़े दूयेयां लोकां दे बसुआसे च कमजोर होणे दी कने झगड़े दी बज़ाह बणदे हन।

रोमियो 2:18

तू परमात्मे दी इच्छा जो जाणदा ऐ, कने व्यबस्था दी सिक्षा पाई नैं खरियां-खरियां गल्लां जो अपनांदा ऐ।

रोमियो 7:16

कने जेह्ड़ा मैं नीं करणा चांह़दा सैई करदा ऐ, तां मैं मन्नी लैंदा ऐ कि व्यबस्था खरी ऐ।

रोमियो 7:22

क्जोकि मैं अपणे पूरे मने ते तां परमात्मे दिया व्यबस्था ते बड़ा खुस रैंह्दा ऐ।

रोमियो 8:7

सरीरे दियां गल्लां पर मन लगाणा तां परमात्मे नैं बैर रखणा ऐ। क्जोकि ना तां पापी सभाव परमात्मे दिया व्यबस्था दे अधीन ऐ कने ना तिसदिया व्यबस्था जो मन्नी सकदा ऐ।

1 कुरिन्थियों 1:8

परमात्मा तुहां जो आखरी तिकर बसुआसे च मजबूत भी करगा कि जाह़लू अहां दा प्रभु यीशु मसीह इस संसारे दुवारी बापस औयें तां तुहां बेकसूर पाये जान।

1 कुरिन्थियों 10:32

तुहां ना यहूदी लोकां, ना यूनानी लोकां कने ना परमात्मे दी कलीसिया तांई ठोकरा दी बज़ाह बणा।

1 कुरिन्थियों 8:13

इसतांई जे मूर्तियां सामणै चढ़ाईयां चीज्जां खाणे ते दूये बसुआसी भाऊ बसुआसे च कमजोर हुंदे हन, तां मैं इन्हां चीज्जां जो कदी नीं खांगा, जिसते कि मैं कुसी बसुआसी भाऊये तांई ठोकरा दी बज़ाह नीं बणैं।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

2 कुरिन्थियों 6:3

जिंआं अहां परमात्मे सौगी कम्म करणे आल़े हन, तां अहां कुसा भी गल्ला च ठोकर खाणे दा कोई भी मौका नीं दिंदे, तांजे अहां दिया सेवा पर कोई दोस नीं औयें।

2 कुरिन्थियों 8:8

मैं तुहां जो कोई हुक्म नीं दिंदा, अपर मैं सिर्फ दूयेयां दे हौंसले नैं तुहां दे प्यारे दिया सच्चाईया जो परखणे तांई ग्लांदा ऐ।

गलातियों 5:11

अपर हे प्यारे साथी बसुआसियो, मैं प्रचार करदा ऐ कि खतणा जरूरी नीं ऐ, कने इसतांई यहूदी लोक मिन्जो बार-बार सतांदे हन। जे मैं मसीह दिया मौत्ती दा प्रचार करणे दे बजाये एह़ प्रचार करदा, कि लोकां दा खतणा होणा जरूरी ऐ, तां मैं यहूदी लोकां दा अपमान नीं करदा हुंदा।

इफिसियों 4:15

अपर प्यारे नैं सच्च ग्लाणे दे जरिये कने सारियां गल्लां च अहां जो मसीह साइआं सिद्ध बणना चाइदा, जेह्ड़ा कलीसिया दा सिर ऐ,

इफिसियों 5:10

कने एह़ समझणे दी कोसस करा कि प्रभु जो क्या खरा लगदा ऐ।

इफिसियों 5:27

कने तिसियो इक्क ऐदई तेजस्वी कलीसिया बणाई नैं अप्पु अल्ल लेई औयें, जिसा च ना कलंक, ना झुर्री, ना कोई ऐदई चीज्ज होयैं, अपर सैह़ पवित्र कने बेकसूर होयैं।

इफिसियों 6:24

जेह्ड़े अहां दे प्रभु यीशु मसीह नैं सच्चा प्यार रखदे हन, तिन्हां सबना पर अनुग्रह हुंदा रैंह्।

फिलिप्पियों 1:16

एह़ सैह़ लोक हन, जेह्ड़े सुसमाचार दा प्रचार अच्छे नेक इरादे कने प्यार नैं करदे हन, कि सैह़ जाणदे हन, मैं यीशु मसीह दे सुसमाचारे दा जवाब दैणे तांई जेला च कैद ऐ।

फिलिप्पियों 1:6

मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

1 थिस्सलुनीकियों 3:13

तांजे सैह़ तुहां दे मनां जो ऐदेया मजबूत करैं, कि जाह़लू अहां दा प्रभु यीशु अपणे सारे परमात्मे दे लोकां सौगी दुवारी बापस औयें, तां तुहां अहां दे पिता परमात्मे दे सामणै पवित्रता च बेकसूर ठैह़रन।

1 थिस्सलुनीकियों 5:21

सारियां गल्लां जो परखा; जेह्ड़ियां खरिया हन, तिन्हां गल्लां जो ग्रहण करा।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

1 यूहन्ना 4:1

हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।

प्रकाशितवाक्य 2:2

मैं तेरे कम्म कने तेरी मेहनत, कने तेरे सबरे जो जाणदा ऐ; कने एह़ भी कि तू बुरे लोकां जो दिक्खी नीं सकदा, कने जेह्ड़े अपणे आप्पे जो प्रेरित ग्लांदे हन, कने हन नीं, तिन्हां जो तैं परखेया कि सैह़ झूठ ग्लांदे हन।