लूका 4:8 - काँगड़ी

⁸ यीशुयैं तिस जो जवाब दित्ता, “पवित्रशास्त्रे च लिख्या ऐ, तू अपणे प्रभु परमात्मे दे गांह ई झुकी नैं प्रणांम कर; कने तिसदी भक्ति कर;।”

लूका 4:8 Iomraidhean Croise

मत्ती 16:23

तिन्हीं मुड़ी करी पतरसे नैं ग्लाया, “हे सैतान, मेरे सामणै ते दूर होई जा। तू मिन्जो तांई ठोकरा दी बज़ाह ऐ; क्जोकि तू परमात्मे दियां गल्लां पर मन नीं, अपर माणुआं दियां गल्लां पर मन लगांदा ऐ।”

मत्ती 4:10

ताह़लू यीशुयैं तिस नैं ग्लाया, “हे सैतान दूर होई जा, क्जोकि पवित्रशास्त्रे च लिख्या ऐ, ‘तू प्रभु अपणे परमात्मे जो झुकी नैं प्रणांम कर, कने सिर्फ तिसदी भक्ति कर।’ ”

लूका 4:4

यीशुयैं तिस जो जवाब दित्ता, “पवित्रशास्त्रे च लिख्या ऐ कि, ‘माणु सिर्फ रोटिया नैं ई जिन्दा नीं रैंह्गा’।”

लूका 4:7

जे तू मिन्जो गांह झुकी नैं प्रणांम कने भक्ति करैं, तां एह़ सब कुच्छ तेरा होई जांगा।”

याकूब 4:7

इसतांई परमात्मे दे अधीन होई जा, कने सैताने दा सामणा करा, तां सैह़ तुहां दे बक्खे ते नठ्ठी जांगा।

1 पतरस 5:9

बसुआसे च पक्के होई नैं कने एह़ समझी नैं सैताने दा सामणा करा कि तुहां दे भाऊ जेह्ड़े पूरे संसारे च हन, ऐदेया ई दुख झेला दे हन, जदेया तुहां झेला दे हन।

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”

प्रकाशितवाक्य 22:9

अपर तिन्हीं मिन्जो नैं ग्लाया, “दिक्ख इआं मत कर; क्जोकि मैं तेरा, कने तेरे भाऊ भविष्यवक्ता कने इसा कताबा दियां गल्लां जो मन्नणे आल़ेआं दा संगी दास ऐ। परमात्मे दी ई अराधना कर।”