लूका 4:6 - काँगड़ी

⁶ तिस नैं ग्लाणा लग्गा, “मैं इस संसारे दा हक्क, कने राजपाठ तिज्जो दिंदा, क्जोकि एह़ सब मिन्जो दित्या ऐ, कने मैं जिसियो चां तिसियो देई सकदा ऐ।

लूका 4:6 Iomraidhean Croise

लूका 4:7

जे तू मिन्जो गांह झुकी नैं प्रणांम कने भक्ति करैं, तां एह़ सब कुच्छ तेरा होई जांगा।”

यूहन्ना 12:31

हुण इस संसारे दा न्याय हुंदा ऐ, हुण इस संसारे दा अधिकारी कड्डी दित्ता जांगा ऐ;

यूहन्ना 14:30

मिन्जो अल्ल हुण तुहां नैं होर मतिआं गल्लां करणे दा बग्त नीं ऐ, क्जोकि इस संसारे दे लोकां पर राज्ज करणे आल़ा सैतान ओआ दा ऐ। मिन्जो पर तिसदा कोई हक्क नीं।

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

2 कुरिन्थियों 11:14

एह़ कोई हरानी दी गल्ल नीं क्जोकि सैतान अप्पु भी ज्योतिर्मय सुअर्गदूत होणे दा ढोंग करदा ऐ।

इफिसियों 2:2

तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

1 पतरस 1:24

क्जोकि पवित्रशास्त्रे च लिख्या ऐ: “सारे लोक घाऐ साइआं हन, कने तिन्हां सारेयां दी खूबसूरती जंगली फूलां साइआं ऐ। घाह सुकी जांदा ऐ, कने फूल झड़ी जांदे हन,

1 यूहन्ना 5:19

अहां जाणदे हन, कि अहां परमात्मे दे बच्चे हन, कने सारा संसार तिस सैताने दे बसे च पेआ ऐ।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 13:2

जेह्ड़ा जंगली जानवर मैं दिख्या सैह़ चीते साइआं था; कने तिसदे पैर भालूये साइआं, कने मुँ शेरे साइआं था। तिन्हीं अजगरैं अपणी सामर्थ कने अपणा सिंहासण, कने बड्डा हक्क, तिसियो देई दित्ता।

प्रकाशितवाक्य 13:7

तिसियो एह़ भी हक्क दित्ता कि परमात्मे दे लोकां सौगी लड़ें कने तिन्हां जो जीत्ती सकैं, कने तिसियो हर इक्क गोत्र, हर लोकां, भासा कने जाति पर हक्क दित्ता।