लूका 3:1 - काँगड़ी

¹ एह़ घटनां राजा तिबिरियुस कैसर दे राज्जे दे पन्दरां साल्लां च जाह़लू पुन्तियुस पिलातुस नांऐ दा इक्क माणु यहूदिया प्रदेसे दा हाकम था, कने राजा हेरोदेस गलील प्रदेसे दे चौथाई हिस्से पर राज्ज करदा था कने तिसदे भाऊ फिलिप्पुस इतूरिया कने त्रखोनितिस जिले पर राज्ज करदे थे, कने अबिलेन जिले च लिसानियास राज्ज करदा था।

लूका 3:1 Iomraidhean Croise

मत्ती 14:1

तिस बग्त चौथाई देसे दे हेरोदेस राजैं यीशु दी चर्चा सुणी,

मत्ती 14:3

क्जोकि हेरोदेस राजैं अपणे भाऊ फिलिप्पुसे दी लाड़ी हेरोदियासा नैं ब्याह करी लेआ था, इसतांई यूहन्ने हेरोदेस राजे जो ग्लाया था, कि व्यबस्था दे मताबक तिज्जो अपणे भाऊये दिया लाड़िया नैं ब्याह करणा ठीक नीं ऐ, इसा गल्ला पर यूहन्ने जो पकड़ी करी जेला च पाई दित्या था।

मत्ती 14:6

अपर जाह़लू हेरोदेस राजे दा जन्मदिन आया, तां हेरोदियासा दिया कुड़िया जन्मदिने दिया खुसिया च नची करी दस्सी नैं हेरोदेस राजे जो खुस कित्ता।

मत्ती 22:17

इसतांई अहां जो दस्स तू क्या सोचदा ऐ? कि कैसर राजे जो चुंगी दैणा ठीक ऐ कि नीं।”

मत्ती 27:2

कने सैह़ यीशुये जो बन्नी करी तित्थु ते लेई गै, कने जाई नैं पिलातुस हाकमे दे हुआलैं करी दित्ता।

मरकुस 6:17

हेरोदेस राजैं अपणे भाऊ फिलिप्पुसे दिया लाड़िया हेरोदियासा नैं ब्याह करी लेआ था, इसतांई यूहन्ने हेरोदेस राजे जो ग्लाया था, “व्यबस्था दे मताबक तिज्जो अपणे भाऊये दिया लाड़िया नैं ब्याह करणा ठीक नीं ऐ इसा गल्ला पर यूहन्ने हेरोदेस राजे जो झिड़केया।” इसतांई हेरोदेस राजैं सपाईयां जो घल्ली नैं यूहन्ने जो पकड़ुआई नैं जेला च पाई दित्या था।

मरकुस 6:21

कने आखर च हेरोदियासा जो ठीक मौका मिल्ली गेआ जाह़लू हेरोदेसैं अपणे जन्मदिने च अपणे प्रधानां, कने सेनांपतियां जो, कने गलील प्रदेसे दे बड्डे-बड्डे लोकां तांई धाम लगाई।

लूका 13:31

तिस बग्त कुच्छना फरीसियां आई नैं तिस नैं ग्लाया, “ऐत्थु ते निकल़ी करी चली जा, क्जोकि हेरोदेस राजा तिज्जो मारी दैणा चांह़दा ऐ।”

लूका 2:1

एह़ तिस बग्त दी घटनां ऐ, जाह़लू राजैं औगुस्तुस कैसरें एह़ हुक्म दित्ता कि सारे रोमी सम्राज्य दे लोकां दी गिणती करी नैं तिन्हां दे नां लिखे जान।

लूका 23:24

कने तां पिलातुसैं हुक्म दित्ता कि तिन्हां दी विणतिया मताबक कित्ता जां।

लूका 3:19

अपर जाह़लू यूहन्ने गलीले दे चौथाई देसे दे हेरोदेस राजे जो अपणे भाऊ फिलिप्पुसे दी लाड़ी हेरोदियासा जो अपणी लाड़ी बणाणे दे बारे च कने तिन्हां सारे बुरे कम्मां दे बारे च जेह्ड़े तिन्हीं कित्यो थे एह़ ग्लाई नैं झिड़केया।

लूका 9:7

देसे दे चौथे हिस्से दा राजा हेरोदेस एह़ सब सुणी नैं डरी गेआ, क्जोकि कुच्छ लोक ग्लाणा लग्गे कि यूहन्ना मरेयां ते जिन्दा होईया ऐ,

प्रेरितां दे कम्म 23:26

“महामहिम फेलिक्स हाकमे जो क्लौदियुस लूसियासे दा नमस्कार।

प्रेरितां दे कम्म 24:27

अपर जाह़लू दो साल होई गै, तां फेलिक्स हाकमे दिया जगाह पर पुरकियुस फेस्तुस हाकम बणेया; कने फेलिक्स यहूदियां जो खुस करणे दी इच्छा ते पौलुसे जो जेला च ई रैहणा दित्ता।

प्रेरितां दे कम्म 26:30

इसा गल्ला सुणी करी राजा कने हाकम बिरनीके कने तिन्हां सौगी बैठणे आल़े उठी करी चली गै;

प्रेरितां दे कम्म 4:27

क्जोकि सच्च बिच्च तेरे सेवक यीशुये दे खलाफ च, जिन्हां दा तैं अभिषेक कित्ता, हेरोदेस कने पुन्तियुस पिलातुस भी होरनी जातिआं दे लोकां कने इस्राएली लोकां सौगी इस सैहरे च किठ्ठे होई गै हन,