लूका 1:2 - काँगड़ी

² जिंआं कि सैह़ माणु पैहल्ले ते ई इन्हां गल्लां जो अपणिया अखीं नैं दिक्खणे आल़े कने वचनां दे दास थे, तिन्हां एह़ गल्लां अहां तिकर पज्जाईयां।

लूका 1:2 Iomraidhean Croise

मरकुस 1:1

एह़ यीशु मसीह दे सुसमाचार दे बारे दी सुरुआत ऐ, जेह्ड़ा परमात्मे दा पुत्तर ऐ।

मरकुस 16:20

कने तिन्हां चेलेयां निकल़ी नैं हर जगाह प्रचार कित्ता, कने प्रभु तिन्हां सौगी कम्म करदा रेह्आ, कने जेह्ड़े लोक सौगी-सौगी हुंदे थे, तिन्हां चमत्कारां दे जरिये वचने जो सच्च साबित करदा रेह्आ। आमीन।

मरकुस 4:14

बीई बाणे आल़ा किसान परमात्मे दा वचन बांदा ऐ।

लूका 24:48

तुहां इन्हां सारियां गल्लां दे गवाह हन।

यूहन्ना 15:27

कने तुहां भी मेरे गवाह हन क्जोकि तुहां सुरू ते मिन्जो सौगी रेहयो हन।”

यूहन्ना 16:4

अपर एह़ गल्लां मैं इसतांई तुहां नैं ग्लाईयां, कि जाह़लू इन्हां दा बग्त औयें तां तुहां जो याद आई जां, कि मैं तुहां नैं पैहल्लैं ई दस्सी दित्या था, “मैं सुरू च तुहां नैं एह़ गल्लां इसतांई नीं ग्लाईयां क्जोकि मैं तुहां सौगी था।

प्रेरितां दे कम्म 1:3

यीशुयैं अपणे दुख झेलणे कने मौत्ती दे बाद बड़े पक्केयां सबूतां नैं अपणे आप्पे जो जिन्दा दस्सेया, कने चाल़ियां दिनां तिकर सैह़ चेलेयां जो दुस्सदा रेह्आ, कने परमात्मे दे राज्जे दियां गल्लां करदा रेह्आ।

प्रेरितां दे कम्म 1:8

अपर पवित्र आत्मा तुहां पर ओंगा ताह़लू तुहां सामर्थ पांगे; कने तुहां यरूशलेम सैहर कने सामरिया प्रदेसे कने सारे यहूदिया प्रदेस च, कने पूरे संसारे च मेरे गवाह हुंगे।”

प्रेरितां दे कम्म 14:25

भिरी पीरगा सैहरे च वचन सणाई करी अत्तलिया सैहरे च आये,

प्रेरितां दे कम्म 16:6

सैह़ फ्रूगिया कने गलातिया प्रदेसां च होई करी गै, क्जोकि पवित्र आत्मा तिन्हां जो आसिया प्रदेसे च वचन सणाणे जो मना कित्ता।

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 26:16

अपर तू उठ, अपणेयां पैरां पर खड़ोई जा; क्जोकि मैं तिज्जो इसतांई दर्शन दित्ता ऐ कि तिज्जो तिन्हां गल्लां दा भी सेवक कने गवाह ठैहरान, जेह्ड़ियां ते दिक्खियां हन, कने तिन्हां दा भी जिन्हां तांई मैं तिज्जो दर्शन दैणा।

प्रेरितां दे कम्म 4:20

क्जोकि एह़ तां अहां ते होई नीं सकदा कि जेह्ड़ा अहां दिख्या कने सुणेयां ऐ, सैह़ नीं ग्लान।”

प्रेरितां दे कम्म 8:4

जेह्ड़े बसुआसी तितर-बितर होई गियो थे, सैह़ सुसमाचार सणांदे बापस औणां लग्गे;

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

1 कुरिन्थियों 4:1

ठीक तां एह़ हुंगा कि अहां जो यीशु मसीह दा भण्डारी समझेया जां, जिन्हां जो परमात्मे दे भेतां दी जिम्मेवारी दित्तियो ऐ।

इब्रानियों 2:3

तां अहां लोक किंआं बची सकगे, जे अहां इस म्हान उद्धारे दी निंदा करगे? इस म्हान उद्धारे दे बारे च अहां प्रभु यीशु मसीह दे जरिये जाणी सके। कने चेले जिन्हां सबते पैहल्ले इसदे बारे च सुणेया, कने तिन्हां अहां पर प्रगट कित्ता कि एह़ सच्च ऐ।

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

2 पतरस 1:16

क्जोकि जाह़लू अहां प्रेरितां तुहां जो अपणे प्रभु यीशु मसीह दी सामर्थी दा, कने बापस ओणे दा समाचार दित्या था, तां अहां तुहां जो चलाकियां नैं मनगढ़ंत काहणियां जो नीं दस्सदे थे, अपर अहां अपणियां अखीं नैं यीशु मसीह दिया महिमा जो दिख्या था।