लूका 1:1 - काँगड़ी

¹ लूका लिखदा ऐ, हे श्रीमान थियुफिलुस जी, इसतांई कि मतेआं तिन्हां गल्लां जो जेह्ड़ियां अहां दे बिच्च होईयां थियां, इतिहास लिखणे च अहां दा साथ दित्या,

लूका 1:1 Iomraidhean Croise

मरकुस 16:20

कने तिन्हां चेलेयां निकल़ी नैं हर जगाह प्रचार कित्ता, कने प्रभु तिन्हां सौगी कम्म करदा रेह्आ, कने जेह्ड़े लोक सौगी-सौगी हुंदे थे, तिन्हां चमत्कारां दे जरिये वचने जो सच्च साबित करदा रेह्आ। आमीन।

यूहन्ना 20:31

अपर एह़ इसतांई लिखयो हन, कि तुहां बसुआस करा कि यीशु ई परमात्मे दा पुत्तर मसीह ऐ, कने बसुआस करी नैं तिसदे नांऐ ते सदा दी ज़िन्दगी पा।

रोमियो 14:5

इसी तरीके नैं कोई तां इक्की दिने जो दूये ते बधी करी मनदा ऐ, कने कोई सारे दिनां जो इक्क साइआं मनदा ऐ। हर इक्क अपणे मने च मन्नी लैं, कि जेह्ड़ा सैह़ सोचदा ऐ, सैह़ ठीक ऐ।

रोमियो 4:21

कने खरे कित्ते जाणी लेआ कि जिसा गल्ला दा परमात्मे वादा कित्या ऐ, सैह़ तिसियो पूरा करणे च भी सामर्थी ऐ।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

कुलुस्सियों 4:12

इपफ्रास जेह्ड़ा तुहां दे ग्रांऐ ते ऐ, कने यीशु मसीह दा दास ऐ, तुहां जो नमस्कार ग्लांदा ऐ। सैह़ हमेसा तुहां तांई मन लगाई नैं प्रार्थना करदा ऐ, जिसते तुहां लोक सारियां गल्लां सिद्ध होई नैं पूरे बसुआसे सौगी परमात्मे दी इच्छा पर मजबूत रेह्आ।

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

2 तीमुथियुस 4:17

अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।

इब्रानियों 10:22

तां ओआ, अहां परमात्मे दे नेड़े सच्चे मने कने पूरे बसुआसे सौगी जान, क्जोकि अहां दे मने दे अपराधां पर मसीह दा खून छिड़की नैं सरीर सुद्ध पांणिये नैं धोत्तेया ऐ तांजे अहां सुद्ध होई जान।

इब्रानियों 6:11

आलसी मत बणा। अपर मेहनत करणे आल़ेआं साइआं बणा, तुहां एह़ प्यारे दे कम्म सबर कने बसुआसे सौगी लगातार अन्त तिकर करदे रेह्आ, कने परमात्मे दे वादेयां जो पाणे तांई पक्की आसा रखा।